Read Car_Nicobarese ISIKĪ-ĔL 48 Bible Online

ISIKĪ-ĔL 48 - Car_Nicobarese bible

ISIKĪ-ĔL 48

¹Në nun minë-eny vē miyöngö: Urĕh im lā kapā kūöngö, löktökūö ngam Mai lök I Hetlòn söl im lökhöt i Hamat, i rôvat Hasārēnòn (öp lā kapā kūöngö Tamaskös tökamlö nö i Hamat), ṙeūchnyöre inrē nö ṙeū-eung lā chuhöt nö kū-ötö lā sūng, Tën, hēngö minchöö-ḵö.

²Taptöre nö i kūöngö panam Tën, löktökūö lā chuhöt söl lā sūng, Asēr, hēngö minchööḵö.

³Taptöre nö i kūöngö panam Asēr, löktökūö lā chuhöt söl lā sung, Naftalī, hēngö minchööḵö.

⁴Taptöre i kūöngö panam Naftāli, löktökūö lā chuhöt söl lā sūng Mansē, hēngö minchöökö.

⁵Taptöre i kūöngö panam Manasē, löktökūö lā chuhöt söl lā sung, Ifrēm, hēngö minchööḵö.

⁶Taptöre i kūöngö panam Ifrēm, löktökūö lā chuhöt söl lā sūng, Rūpön, hēngö minchöökö.

⁷Taptöre i kūöngö panam Rūpön, löktökūö lā chuhöt söl lā sūng, Yūtā, hēngö minchöökö.

⁸Taptöre i kūöngö panam Yūtā, löktökūö lā chuhöt söl lā sūng, min nö minchööḵö töhakösiṙen tö yīö, Nët anāi taneui köṅny sumkôngö ṙôktāk, ngaich i rôta e sā ṙôkti öp töhĕng minchöökö miyöngö, löktökūö lā chuhöt söl lā sūng, holre töp töhet chūök ellōn e.

⁹Öp töhakösiṙen min tö yīö lumnööṙö ngam Mā Tēv min nö nët anāi taenui köṅny sumkôngö rôta, nët anāi köṅny ṙôktak inrē.

¹⁰Anū-ö min në kintölö im töhet minchööḵö: kintöluvö min yip kūönṙô tö tönët anāi taneui köṅny sumkôngö nö lā kapā, söm köṅny sumkôngö ṙôktak nö lā sūng, söm köṅny ṙòktāk nö lā chuhöt, nët anāi taneui köṅny rôta nö lā lòhngö holtö ngam töhet chūök ngam Mā Tēv nö ellōn e.

¹¹Angū-ö ön min ngih lumnööṙô yip tö ahetlöng kūönṙô, yip kikōnyö kūön Sētòk yip mahayōmö chu, yip töt lō-ongkūö hē yip kūön Israel nö lō-ongkūö, sā yip Lēvi.

¹²Ngaich angū-ö min nö amin cha nö minchööḵö nö aṅ im töhet minchööḵö ngam panam, chūök nö tölngö töhet, taptöre nö I panam yip Lēvī.

¹³Ṙongta nö I kaha ngam panam yip kūönṙô inrē, yip Lēvī min nö kintöluvö tönët anāi taneui köṅny sumkôngö rôta söm köṅny ṙôktāk inrē. Ngam rôta e min nö nët anāi köṅny ṙôktāk inrē.

¹⁴Hö-ö cha-a min nö kô nö inyihngö e hēk haṙī-ing e; ötkô cha-a min nö hamūltö ngih kintölö aṅ im panam, pò e nö töhet nö im Mā Tēv.

¹⁵Öp chööḵ, taneui köṅny sumkôngö ṙôkāk nët anāi taneui köṅny inrē rôta, lamök I la-en ngam elpanam min angū-ö, chūök elyöngö töngāṅ haka inrē nö panam. Ellōn e min ngam elpanam;

¹⁶Në nun min ṙôkti ël e: öp lā kapā fën köṅny taneūyòng sumkôngö, öp lā lòhngö fën köṅny taneūyòng, öp lā chuhöt fën köṅny taneūyòng, öp lā lòhngö fën köṅny taneūyòng, öp lā chuhöt fën köṅny taneūyòng, lā sūng inrē fën köṅny taneūiyòng.

¹⁷Ngaich ngam elpanam min nö panāmu tö tölungāṅ haka; lā kapā nëtòng taneui anāi sumkôngö, lā lòhngö nëtòng taneui anāi, lā chuhöt nëtòng taneui anāi, lā sūng inrē nëtòng taneui anāi.

¹⁸Öp tö-ōtre rôta ngam töhet minchööḵö min nö söm köṅny sumkôngö nö lā chuhöt, söm köṅny inrē nö lā sūng, ngaich angū-ö min inrē nö ṙakta nö im töhet minchööḵö. Nyā-aṅkūö yip töla-evṙen im elpanam nup aṅ e min.

¹⁹Teūichtö aṅ e min yip töla-evṙen nö im elpanam, aṅ i yip miyöngö Israel.

²⁰Keuheūtlöre ngam minchööḵö tö hakösiṙen tö yīö min nö nët anāi taneui köṅny minrëṙö, angū-ö, ngam töhet minchööḵö nö holre tö nup inlānen ngam elpanam.

²¹Nup tö-ōtre ma-ahëmlö ngam töhet minchööḵö tö ngam inlānen ngam elpanam min nö lumnööṙö öp kūön rācha. Löktökūö ngam tönët anāi taneui köṅny sumkôngö ngam töhet minchööḵö söl im lā chuhöt kūöngö, kū-ötö lā sūng inrē nö löktökūö ngam tönët anāi taneui köṅny sumkôngö nö im lā sūng kūöngö, sā chööḵö nup minchööḵö miyöngö, lumööṙö öp kūön rācha min angū-ö. Ngam töhet minchööḵö holtö ngam töhet chūök im tempöl ellōn e,

²²Tö ngam inlānen yip Lēvī inlānen ngam elpanam inrē, ellōn nuk lumnööṙö öp kūön rācha min angū-ö. Öp minchööḵö öp kūön rācha min ihôi panam Yūtā tö panam Penyamin.

²³Nup miyöngö pöri chööḵṙen: löktökūö lā chūhöt söl lā sūng, Penyamin hēngö minchööḵö.

²⁴Taptöre i kūö panam Penyamin, löktökūö lā chuhöt söl lā sūng, Simōn, hēngö minchööḵö.

²⁵Taptöre I kūö panam Simōn, löktökūö lā chuhöt söl lā sūng, Isakār, hēngö minchööḵö.

²⁶Taptöre i kūö panam Isakār, löktökūö lā chūhöt söl lā sūng, Sepulön, hēngö minchööḵö.

²⁷Taptöre i kūö panam Sepulön, löktökūö lā chuhöt söl lā sūng, Kāt, hēngö minchööḵö.

²⁸Taptöre i kūö panam Kāt lā lòhngö, ngam kūö panam min nö löktökūö Tamār söl I nup mak Meripatkatĕs, ṙeū-eung muh asōl kaha öp Kun Mak Aikup söl im Tökiröng Mai.

²⁹Angū-ö ön ngih panam katöl yīö min nö amin yip miyöngö in Israel, anū-ö në inrē tūmö minchööḵö cha, ṙô ngam Mā Tēv.

³⁰Në nun min löknyi im elpanam: Lā kapā, öp töfën köṅny taneūi yòng sumkôngö nö kalaha,

³¹Lūöi inkūp kūö talöökö, inkūp kūö talöökö Rūpön, inkūp kūö talöökö Yūtā, inkūp kūö talöökö Lēvī inrē, inkūp ngam elpanam nup tökaheūkö minë-eny nö kaheuktökūö yip miyöngö Israel.

³²Lā chuhöt, öp töfën köṅny taneūyòng sumkôngö, lūöi inkūp kūö talöökö, inkūp kūö talöökö Yôsĕf, inkūp kūö talöökö Penyamin, inkūp kūö talöökö Tën inrē.

³³Lā lòhngö, nup töfën köṅny taneūyòng sumkôngö nö kalaha, lūöi inkūp kūö talöökö, inkūp kūö talöökö Sīmōn, inkūp kūö talöökö Isakār, inkūp kūö talöökö Sepulön inrē.

³⁴Lā sūng, öp töfën köṅny taneūyòng sumkôngö, lūöi inkūp kūö talöökö, inkūp kūö talöökö Kāt, inkūp kūö talöökö Asēr, inkūp kūö talöökö Naftalī inrē.

³⁵Ngam chinvīṙö ngam elpanam min nö hëvhöre sīön köṅny sumkôngö. Ngaich ngam minënyö ngam elpanam min nö löktökūö töngamuh nö, Umuh Aṅ ngam Mā Tēv.