Read Car_Nicobarese HŌSĪ 14 Bible Online

HŌSĪ 14 - Car_Nicobarese bible

HŌSĪ 14

¹Ō Isrsel, havantöre man im Mā Tēv ngam Tēv meh; tön fukngö man kūö tökööl re.

²Kē minë ṙô chu in meh, ngaich havantöre im Mā Tēv: ngö ṙô tö ò, Kēngö nuk tökööl chu; aheūkölōn hō-en ih: ngaich īhö min kētö tökētu i minuh re tö sā kōiny nuā.

³Öt hayööken hī ap min Asiriā; hö-ö in min hòṅ i uk nup kōra ò: öt rēhĕn in min ngöhören ṙô tö në vahī në kuntī hī, Yī-ö yin Tēv ih: Pòn in meh yip kūön yōich nö kôtökūö tö miṙēlōn.

⁴Halanken ngam hineūlritre chin min tö cha, öt karōhaṙen chin min hāngenlōn tö cha: pòn ngaich ök laninö chu nö havööṙi kūö nö ṙā-ang in ò.

⁵In Israel chin min ngaich sā tacham; larukköṅny kūö an min sā līli, ngaich minynyi ṙĕh sā Lepanön.

⁶Nyākhaka min nup pak ò, ngaich öp vanāyö ò min nö sā chōn ôliv, öp tinôngö ò min inrē sā Lepanön.

⁷Cha-a yip mi-iyöng el katòh nyat ò min nö havantöre; aṅlö min cha-a sā sāiny, larukköṅny kūö ṙòng inrē sā vāin; ngaich ap tinhūsö e min nö sā ap vāin Lepanön.

⁸Ngö ṙô min ngaich ang ifrēm, Asuh ap la-en chu höng hēkhö kūö re i insātev? Sapṙô ò chin ngaich, kūötenre inrē tö ò. Sā nup tö-ayal chin för chōn; lökten in chu nup ṙòng meh nö kôti.

⁹Achīö öp tö-akaha, ngaich anga-aṅ min tö-akaha elmat tö në mikah, ngaich anga-aṅ min nö akaha kūö tö u? Pò në talöökö ngam Mā Tēv nö töhuveū, ngaich yip tölöök min nö lök in u; fukngö pöri min nö in e yip tököölö fālen.