Read Car_Nicobarese HŌSĪ 4 Bible Online

HŌSĪ 4 - Car_Nicobarese bible

HŌSĪ 4

¹Hang ngam ṙô ngam Mā Tēv, yī-ö kūön Israel: pò ngam Mā Tēv nö ahôngô yip aṅ ngam panam, pòn öt kanô-envö umuh, öt rēhĕn nö neūkulōnvö, öt rēhĕn nö inkahavö ngam Tēv nö im panam.

²Höng rö-övö umuh höng chūöku ṙô nö ṙô-òv minyôiny-aṅ inrē, kinpahangvah tarik, unlāya, insĕha inrē: taṙōlköṅny kūö anū-ö, katakköti mahām nö i mahām.

³Lökten ngam panam nö haṙīvölōn, ṙòkhöre yip aṅ e min nö lëvngö, nö holtöṙah nup töṙeūla elkahôyö nup chehechōn inrē el taṙul; hôṅ, nup kāḵ el mai inrē min nö kē-ĕyö.

⁴Uh pöri tarik nö kiyëkuvö, un rēhĕn nö tarīku vamë-a; pò më tarik meh nöng sā cha yip lamā-al kūö kūönṙô.

⁵Fukngö man min më-eṅ tö el sakamö, fukngö min inrē öp pròfĕt nö anòngngen meh tö el hatööm; fëlngö öp yöng meh kikānö chū-ö min inrē.

⁶Fëli yip tarik chu pòn hāṅten nö i inkaha: pò cha nö sōḵo inkaha, sōḵen meh chin min chū-ö inrē, lökten man min öt kūönṙô chu: pò meh ngaich vaichngö tö ngam chöngö ngam Tēv meh, ngatī chin chū-ö min vaichngö tö yip kūön meh.

⁷Sā ṙanūölö ṙôken cha, ngatī cha-a nö köölö fālen nö in chu: haṙīngö ngam vanāyö cha chin min nö sinrōgkūö.

⁸Ha-āṅhalre yin nö i tökööl vē tarik chu, ngaich hachō-ong kūö ellōn re nö i tötlöök.

⁹Ngaich angū-ö min, nö sā yip tarik, sā yip kūönṙô: sācha tī chin min tö cha kūö nup talöökö cha, ngaich reushen cha min i nup la-en cha.

¹⁰Nyā-aṅvkūö yip min, ngaich ötkô-òngkūö; asĕha yip min, öt ṙūöhölre ṙôngö pöri: pò cha nö ṙā-angre tö chumkūöṙen re tö ngam Mā Tēv.

¹¹Ngöṙô an ngam Mā Tēv, “ötkôlò tī an ngam hötṙeh töm tufömngöre vāin tö el kui vē tarik chu.

¹²Havëkö inlēnöre vē tarik chu nö im kaṙālö, ngaich ngam tinkung cha nö vë-eny nang cha; pò öp; ma-alaha insĕha nö halō-ongkūö cha, ngaich cha-a nö asĕha nö ṙā-ang elkatòh ngam Tēv cha.

¹³Kētö tökētu cha-a nö i kui nup rôngö, föng tö tahūsa inrē nö kui nup rung, el katòh ōk chōn, pòplör, terapin inrē, pò öp nyat u nö löök: lökten yip kūön meh kikānö nö asĕha tö yip kankūön meh inrē.

¹⁴Hö-ö chin min sācha tī tö yip kūön meh kikānö yē cha nö asĕha, öt rēhĕn yip kankūön meh yē cha nö asĕha; pò cha cha-a nö kiröönngöre nö holtö tö-asĕhka, kētö tökētu cha-a inrē nö hol mi-inyihköre: ngaich yip tarik yip tötakaha nö kuringtu min.

¹⁵Pòrô më-eṅ Israel, öm inyihköre, uh pöri Yūta nö fālūṙen; un yih nö i Kilkāl, un rēhĕn nö peūlöre nö i Pĕtaven, un rēhĕn nö chūöku ṙô, sā ngam Mā Tēv nö tö-aṅ,

¹⁶Pò Israel nö minôṙô, sā minôṙô kūön nuā: möl an min ngam Mā Tēv nö ha-aṅlen cha nö sā kūö sīṅp nö el töpōiti chūökö,

¹⁷Hamūltu Ifrēm nö i insātēv; hökngen ò.

¹⁸Ngaich ap òk cha nö hikīölhu: iṙūöhen yin nö asĕha; hāngenlōn yip mahayöngan tö sinrōngkūö.

¹⁹Ngaich an ngam kūföt nö haṙungngen ò nö elkël re; ngaich cha-a min nö sirōngkūö tökūö nup tökētu tö cha.