Read Car_Nicobarese HŌSĪ 7 Bible Online

HŌSĪ 7 - Car_Nicobarese bible

HŌSĪ 7

¹Hē chu min lööken tī tö Israel, ngaich kôti min öp tökööl Ifrĕm, öp öt lanöökö Samariā inrē; pò cha nö kēken minyôiny-aṅ: kuhēthötre inrē öp mu-ulāiya, ngaich lā-uk yip tötūmu nö kilöön chehen.

²Ngaich cha-a nö öt ngëicha nö ellōn re tö chu köpölōn tö nup öt lanöökö cha: ngaich nup la-en cha nö havīlen cha; i kūö chu nup.

³Ṙāmölōn tī cha-a tö ngam rācha tö minë öt lanöökö cha, ṙāmölōn inrē yip kūön rācha tö minyôiny-aṅ cha.

⁴Ṙòkhöre cha-a nö ma-asĕha; sā tisum cha-a tö haṙāchö töp vamī rôtī; ṙā-ang tī re anga-aṅ nö hameui tameūyö, ṙā-ang tī re nö kirāich atra hanöng saha e nö föhlö.

⁵Hē sakāmö ök rācha, yik kūön rācha nö vīngenre nö vahavö tökūö kumlēḵ vāin; hateutnyö kël re anga-aṅ nö holtö mināichṙen.

⁶Pò cha nö halēnngö ellōn re nö sā ngam tisum, i saha cha nö hayun pôḵre; haṙòh ngam vamī rôtī nö hĕng mitööm mat ngaich im peuheū angū-ö nö hūkūö sā hanūkūö tameūyö.

⁷Ṙòkhöre cha-a ngaich nö ṙāich sā ngam tisum, ṙāpngö tī ngaich tö yik kamhôṅka in cha; ṙòkhöre ngaich yik rācha in cha nö fukngö: ngaich öt hĕng tak in cha mahavëken chu.

⁸Ifrĕm, kalūöichtöre anga-aṅ nö in yip tarik; ngaich Ifrēm nö sā öp pikoh töt havāngka.

⁹Keuheūt yip aṅ tahëng nö ngeūṅktö kumlēḵ ò,ngaich anga-aṅ nö öt akahngenre tö e: hôṅ, pakūkui nup umuh i kui ò, ngaich anga-aṅ nö öt akahngen u.

¹⁰Ngaich ngam lanöökö Israel nö hameuk tö e nö i kūö ò: sönngenre cha-a nö öt havantöre nö im Mā Tēv ngam Tēv cha,öt rēhĕn nö chöhan, nö pòrô në nö pōyen.

¹¹Sā tökulō-ov pumpa ang Ifrēm, nö öt mikahavö; havëken Aikup cha-a, chuh Asīriā cha-a.

¹²Yā cha min nö kiröönngöre, hanyāknyö ngam inhāṅl re chū-ö min nö i kui cha; ahālten cha chin min sā nup chehechōn el taṙul: chökṙen cha chin min, sā ahang yip tömaṙôngö in cha.

¹³Tötkôlò yip cha-a! pò cha nö lō-ongkūö tö chu; im öt kanôlò yin nö ngaich! Pò cha nö köölö fālen nö in chu: pòrô chū-ö lang ṙānyen cha, sönngenre cha-a nö minyôiny-aṅ nö lā-alkūö chu.

¹⁴Ngaich öt peuinyhökūö chu cha-a nö holtö ellōn re, el chamam re pöri cha-a nö ayôṙa: hamūlöre cha-a nö i nup sāiny re vāin inrē, ahôngen chu cha-a nö lā-alkūö chu.

¹⁵Pòrô chū-ö haköpten cha hangëkö kël cha inrē, sönngenre cha-a nö chōichö ellōn nö lā-alkūö chu.

¹⁶Havantöre cha-a, höng In ò pöri ngam i kui rung; sā öp linreny yin tömichīl: fukngö yip min tökūö fël kūön rācha tökūö tanānyö rōi litāk cha; Angū-ö an min pinhe-eṅkūö cha nö ip panam Aikup.