Read Car_Nicobarese YÔNA 2 Bible Online

YÔNA 2 - Car_Nicobarese bible

YÔNA 2

¹Vë-ekūö ngam Mā Tēv ngaich ang Yôna ngam Tēv ò nö löknyö ellōn ök kāḵ ṙô.

²Ngö ṙô anga-aṅ, Havëkö ngam Mā Tēv chin, kūö kanihngen chu, ngaich sapṙô chu anga-aṅ: ṙeū-eung ellōn anūlö ṙô chin havë-a,ngaich me-eṅ hang ṙô chu.

³Pò meh kavalten chu lā taṙeū, ellōn ngam mai, havīlöng chū-ö ngaich tö ngam tötöh; ngaich nup mahūvö meh kaneūnö meh inrē nö chööḵngö kui chu.

⁴Ngö ṙô chū-ö ngaich, Ṙā-ang i kūö meh chin ngaich kavāliyö; sönen chū-ö min hēk ngëicha kū-ötö ngam töhet chūök meh.

⁵Vinngö minë nö in chu, uroh nö söl im nômö; havīlen chu ngam tö-aṙū; kahul tö kui chu minë kāḵ.

⁶Meuttī chin lā taṙeū tö në rôngö; holtö nup kālkūö ngam tumlat nö kahultö kui chu nö urāngen; sönen me-eṅ kēlö ngih nômö chu ṙā-ang el Anūlö, Ō Mā Tēv Tēv chu.

⁷Hē ngam nômö chu nö chaṙīvi nö ellōn chu, fēḵlöre chū-ö ngaich tö ngam Mā Tēv; yih ngaich ngam ṙô chu vë-ekūö meh nö in meh, el ngam töhet chūök meh.

⁸Acha-a yip tölōntö töng töl minyôiny-aṅ ṙāngö ngam miṙēlōn re cha-a.

⁹Kētö tökētu pöri chū-ö min in meh holtö ngam ṙô nöinyö; kētö ap ṙôre chin min töchūöku kinlēkngô. Aṅ im Mā Tēv an ngam Inyööken.

¹⁰Ngaich ngam Mā Tēv nö vë-ekūö ök kāḵ, kuvavlen Yôna ngaich anga-aṅ nö el tanyô.