Read Car_Nicobarese KINṘEŪKÖ 29 Bible Online

KINṘEŪKÖ 29 - Car_Nicobarese bible

KINṘEŪKÖ 29

¹Im sinātö chingëṅt, im raneh min im töhet manūlö; hö-ö yī-ö min la-envö: sakāmö finöökö kūö nup römpet an angū-ö nö in yīö.

²Ngaich yī-ö min kētö töföngö tökētu im Mā Tēv nö tötahūsa: hĕng nòng tökūönö kōiny nuā, hĕng nòng kōiny sīṅp, sat nòng kūön sīṅp töhĕng höiny samyeūheu töt pitōtuvö:

³Nup nyā-aṅ u tökētu, töpahīöya atra kalūöchö tö tavī-i, lūöi i tösöm ṙôken i töhĕng nòng kōiny nuā, nët i tösöm ṙôken i töhĕng nòng kōiny sīṅp.

⁴Hĕng i tösöm ṙôken i töhĕng nòng kūön sīṅp aṅ i nup tösat nòng kūön sīṅp:

⁵Hĕng nòng kōiny pököre tökētu kūö tökööl, nö vanī inlām tökööl yīö:

⁶Hol nup tökētu ip tufömngöre chingëṅt, tö nup nyā-aṅ inrē tökētu, nup tö-ôkö inrē in e sā inchöngten u, tötahūsa, tökētu nö i ngam Mā Tēv lökten i kūö tameūyö.

⁷Im sinömö sakāmö ngòh sinātö chingëṅt yī-ö min öi im töhet manūlö: öt la-evṙen min yī-ö tö yô-òv; hakihten re min yī-ö inrē ahik:

⁸Kētö töföngö pöri yī-ö min im Mā Tēv, nö tötahūsa; hĕng nòng tökūönö kōiny nuā, hĕng kōiny sīṅp, sat nòng kūön sīṅp töhĕng höiny samyeūheu; töt pitōtu anū-ö min nö in yīö:

⁹Nyā-aṅ tökētu in u, töpahīöya atra tö kalūöchö tö tavī-i lūöi i tösöm ṙôken i töhĕng nòng nuā, nët i tösöm ṙôken i töhĕng nòng kōiny sīṅp,

¹⁰Ṙōl i tösöm ṙôken i töhĕng nòng kūön sīṅp, i nup tösat nòng kūön sīṅp:

¹¹Hĕng nòng kōiny pököre tökētu kūö tökööl; hol öp tökētu kūö tökööl nö inlām tökööl, tö ngam tö-iṙūöhen töföngö tökētu inrē, tö ngam nyā-aṅ tökētu, tö nup tö-ôkö tökētu inrē

¹²Im tinneui sīön sakāmö ngam sinātö chingëṅt yī-ö min im töhet manūlö: öt la-envö min yī-ö ngaich, sat sumkam min yī-ö haköpkö ngam tökiröng sakāmö im Mā Tēv:

¹³Ngaich kētö töföngö yī-ö min tökētu, tökētu lökten i kūö tameūyö tötahūsa nö i ngam Mā Tēv; lūöi sīön nòng tökūönö kōiny nuā, nët nòng sīṅp, fën sīön nòng kūön sīṅp töhĕng höiny samyeūheu; töt pitōtu min anū-ö:

¹⁴Öp nyā-aṅ u tökētu, töpahīöya atra tö kalūöchö tö tavī-i, lūöi i tösöm, ṙôken i töhĕng nòng kōiny nuā, aṅ i nup tölūöi sīön nòng kōiny nuā nët i tösöm ṙôken i töhĕng nòng kōiny sīṅp aṅ i nup tönët nòng kōiny sīṅp.

¹⁵Ṙōl i tösöm inrē ṙôken i töhĕng nòng kūön sīṅp aṅ i nup töfën sīön nòng kūön sīṅp:

¹⁶Hĕng nòng kōiny pököre tökētu kūö tökööl; hol ngam tö iṙūöhen töföngö tökētu, öp nyā-aṅ tökētu, öp tö-ôkö inrē tökētu.

¹⁷Im innëtö sakāmö yī-ö min kētö tönët sīön nòng tökūönö kōinynuā, nët nòng kōiny sīṅp, fën nòng kūön sīṅp töhĕng höiny samyeūheu töt pitōtu.

¹⁸Nup nyā-aṅ u inrē tökētu tö nup tö-ôkö tökētu nö i minë kōiny nuā, i minë kōiny sīṅp i minë kūön sīṅp inrē, sā tum nòng u, sā ngam inchöngten:

¹⁹Hĕng nòng kōiny pököre tökētu kūö tökööl; hol tökētu, tö ngam nyā-aṅ tökētu, tö nup tö-ôkö tökētu.

²⁰Im linūöyö sakāmö sat nòng kōiny nuā, nët nòng kōiny sīṅp, fën sīön nòng kūön sīṅp töhĕng höiny samyeūheu töt pitōtu:

²¹Nup nyā-aṅ tökētu nup tö-ôkö inrē tökētu nup kōiny nuā, i kōiny sīṅp, i nup kūön sīṅp inrē, sā tum nòng u, sā ngam inchöngten:

²²Hĕng nòng kūön pököre inrē tökētu kūö tökööl, hol ngam tö-iṙūöhen töföngö tökētu, tö ngam nyā-aṅ tökētu, tö ngam tö-ôkö inrē tökētu.

²³Im finënö sakāmö, söm nòng kōiny nuā, nët nòng kōiny sīṅp, fën nòng kūön sīṅp töhĕng höiny samyeūheu töt pitōtuvö:

²⁴Nup nyā-aṅ u tökētu tö nup tö-ôkö inrē tökētu, i minë kōiny nuā, i minë kōiny sīṅp, i minë kūön sīṅp, sā tum nòng u, sā ngam inchöngten:

²⁵Hĕng nòng kōiny pököre tökĕtu kūö tökööl, hol ngam tö-iṙūöhen töföngö tökētu, ngam nyā-aṅ tökētu tö ngam tö-ôkö inrē tökētu.

²⁶Im tinneūyö sakāmö, machūötöre nòng kōiny nuā, nët nòng kōiny sīṅp, fën sīön nòng kūön sīṅp töhĕng höiny samyeūheu töt pitōtu:

²⁷Tö nup nyā-aṅ tökētu tö nup tö-ôkö inrē tökētu, i kōiny nuā, i kōiny sīṅp inrē, i nup kūön sīṅp inrē, sā tum nòng u, sā ngam inchöngten.

²⁸Hĕng nòng kōiny pököre tökētu kūö tökööl; hol ngam tö-iṙūhöhen töföngö tökētu, ngam nyā-aṅ tökētu, ngam tö-ôkö inrē tökētu.

²⁹Im tinfūölö sakāmö, hevör nòng kōiny nuā, nët nòng kōiny sīṅp, fën sīön nòng kūön sīṅp töt pitōtuvö:

³⁰Tö nup nyā-aṅ tökētu tö-ôkö inrē tökētu i minë kōiny nuā, i minë kōiny sīṅp, i minë kūön sīṅp inrē, sā tum nòng u, sā ngam inchöngten:

³¹Hĕng nòng kōiny pököre tökētu kūö tökööl hol ngam tö iṙūöhen töföngö tökētu, tö ngam nyā-aṅ tökētu, töm tö-ôkö inrē tökētu.

³²In sinātö sakāmö sat nòng nup kōiny nuā, nët nòng kōiny sīṅp, fën sīön nòng kūön sīṅp töhĕng höiny samyeūheu töt pitōtu;

³³Tö nup nyā-aṅ tökētu, i minë kōiny nuā, i minë kōiny sīṅp i minë kūön sīṅp inrē, sā tum nòng u, sā ngam inchöngten.

³⁴Hĕng nòng kōiny pököre tökētu kūö tökööl; hol ngam tö-iṙūöhen töföngö tökētu, tö ngam nyā-aṅ tökētu, töm tö-ôkö inrē tökētu.

³⁵Im hinevhöre sakāmö yī-ö min ip töchēv manūlö: öt lā-evṙen yī-ö min:

³⁶Kētö töföngö tökētu pöri min yī-ö tökētu lökten i kūö tameūyö tötahūsa nö i kūö ngam Mā Tēv: hĕng nòng kōiny nuā, hĕng nòng kōiny sīṅp, sat nòng kūön sīṅp töt pitōtu töhĕng höiny samyeūheu:

³⁷Nup nyā-aṅ u tökētu nup tö-ôkö inrē tökētu im kōiny nuā, im kōiny sīṅp, i nup kūön sīṅp inrē, sā tum nòng u, sā ngam inchöngten:

³⁸Hĕng nòng inrē kōiny pököre tökētu kūö tökööl; hol ngam tö-iṙūöhen töföngö tökētu, ngam nyā-aṅ tökētu, ngam tö-ôkö inrē tökētu.

³⁹Anū-ö në tökētu min tö yīö nö i ngam Mā Tēv, i nup tököpö hē tökiröng sakāmö, holre tö nup töchūöku kinlēḵngô yīö, nup kanāhanglōn yīö inrē tökētu, nup töföngö inrē tökētu tī yīö, nup nyā-aṅ inrē tökētu tī yīö, nup inlāmö inrē tī yīö tökētu.

⁴⁰Vë-eny nang yik kūön Israĕl ngaich Môsös sā nuk taṙòkhöre tinöölô Môsös tö ngam Mā Tēv.