Read Car_Nicobarese KINṘEŪKÖ 33 Bible Online

KINṘEŪKÖ 33 - Car_Nicobarese bible

KINṘEŪKÖ 33

¹Në nun kinröönö yik kūön Israĕl hē cha nö ṙāngö öp panam Aikup, i ṙôngö cha nö eltī Môsös, Āròn inrē.

²Kūchi tö Môsös nuk kunnyī-iny cha asā-a nuk kinröönö cha nö i chöngö ngam Mā Tēv: në nun kinröönö cha nö sā ngam kunnyīnyö cha.

³Ṙā-ang Ramĕsēs cha-a nö kiröönngöre ik raneh chingëṅt, im tinneui sīön sakāmö ngam raneh chingëṅt im huṙöich unôichrit öp pāska yik kūön Israĕl nö kunyī-inyre nö holtö kumlēḵre nö i kūö yip aṅ Aikup nö ṙòkhöre.

⁴Hē yik aṅ Aikup nö ṙònghöichṙen nö lāpngö yik lanòh, yik tölëlngö tö tī ngam Mā Tēv: kahòkkaṙen nuk tēv cha inrē tö ngam Mā Tēv.

⁵Kiröönngöre ngaich yik kūön Israĕl nö ṙā-ang Ramĕsēs, ngaich iyöngtöre nö i Sökòt.

⁶Ṙā-ang Sökòt cha-a nö kiröönngöre ngaich iyöngtöre nö i Ētam, öp i taseū öp tönyaṅlnyi.

⁷Ṙā-ang Ētam cha-a nö kiröönngöre, ngaich havanritre nö i Pīhahīrot, öp lā kūö Pē-ālsēfòn: iyöngtöre cha-a ngaich nö lā Miktol.

⁸Ṙā-ang lā kūö Pīhahīròt cha-a nö kiröönngöre, ngaich lök ellōn ap mai el tönyaṅlnyi: ngaich lūöi sumkam röön cha-a nö kiröön el tönyaṅlnyi i Ītöm, ngaich iyöngtöre nö i Mārah.

⁹Ṙā-ang Mārah cha-a nö kiröönngöre, ngaich sölta nö i Ēlim: nët sīön nuk töhëmlö mak i Ēlim, sat anāi tum māṅ inrē nuk kachūr; ngaich iyöngtöre cha-a nö umuh.

¹⁰Ṙā-ang Ēlim cha-a nö kirööngöre, ngaich iyöngtöre nö ranghö öp Töngāṅvö elmat Mai.

¹¹Ṙā-ang ip Töngāṅvö elmat Mai cha-a nö kiröönngöre, ngaich iyöngtöre nö el tönyaṅlnyi i Sin.

¹²Ṙā-ang el tönyaṅlnyi cha-a i Sin nö kiröönngöre, ngaich iyöngtöre nö i Tofkah.

¹³Ṙā-ang Tofkah cha-a nö kiröönngöre, ngaich iyöngtöre nö i Alūs.

¹⁴Ṙā-ang Ālūs cha-a nö kiröönngöre, ngaich iyöngtöre nö i Refitim, i chūök yik tarik nö öt ôku tö mak.

¹⁵Ṙā-ang Refitim cha-a nö kiröönngöre, ngaich iyöngtöre nö el tönyaṅlnyi i Sināi.

¹⁶Ṙā-ang el tönyaṅlyi cha-a i Sināi nö kiröönngöre, ngaich iyöngtöre nö i Kiprōthatā-avah.

¹⁷Ṙā-ang Kiprōthatā-avah cha-a nö kiröönngöre, ngaich iyöngtöre nö i Hasēròt.

¹⁸Ṙā-ang Hasēròt cha-a nö kiröönngöre, ngaich iyöngtöre nö i Ritmah.

¹⁹Ṙā-ang Ritmah cha-a nö kiröönngöre, ngaich iyöngtöre nö i Rimmònpērĕs.

²⁰Ṙā-ang Rimmònpērĕs cha-a nö kiröönngöre ngaich iyöngtöre nö i Lipnah.

²¹Ṙā-ang Lipnah cha-a nö kiröönngöre, ngaich iyöngtöre nö i Rissah.

²²Ṙā-ang Rissah cha-a nö kiröönngöre, ngaich iyöngtöre nö i Kēhĕlatah.

²³Ṙā-ang Kēhĕlatah cha-a nö kiröönngöre, ngaich iyöngtöre nö ip rôngö Safĕr.

²⁴Ṙā-ang ip rôngö Safĕr cha-a nö kiröönngöre, ngaich iyöngtöre nö i Harātah.

²⁵Ṙā-ang Harātah cha-a nö kiröönngöre, ngaich iyöngtöre nö i Makhēlōt.

²⁶Ṙā-ang Makhēlōt cha-a nö kiröönngöre ngaich iyöngtöre nö i Tāhat.

²⁷Ṙā-ang Tāhat cha-a nö kirööngöre ngaich iyöngtöre nö i Terah.

²⁸Ṙā-ang Terah cha-a nö kiröönngöre, ngaich iyöngtöre nö i Mitkah.

²⁹Ṙā-ang Mitkah cha-a nö kiröönngöre, ngaich iyöngtöre nö Hasmōnah.

³⁰Ṙā-ang Hasmōnah cha-a nö kiröönngöre, ngaich iyöngtöre nö i Mōsĕrōt.

³¹Ṙā-ang Mōsĕrōt cha-a nö kiröönngöre, ngaich iyöngtöre nö i Pĕnëyā-akan.

³²Ṙā-ang Pĕnëyā-akan cha-a nö kiröönngöre, ngaich iyöngtöre nö i Hôrhakītkat.

³³Ṙā-ang Hôrhakītkat cha-a nö kiröönngöre, ngaich iyöngtöre nö i Yòtpatah.

³⁴Ṙā-ang Yòtpatah cha-a nö kiröönngöre, ngaich iyöngtöre nö i Ēprònah.

³⁵Ṙā-ang Ēprònah cha-a nö kiröönngöre, ngaich iyöngtöre nö Ēsi-ònkapĕr.

³⁶Ṙā-ang Esi-ònkāpĕr cha-a nö kiröönngöre, ngaich iyöngtöre nö el tönyaṅlnyi i Sin. (Angū-ö an Katĕs.)

³⁷Ṙā-ang Katĕs cha-a nö kiröönngöre, ngaich iyöngtöre nö in öp rôngö Hōr, i taseū öp panam Itöm.

³⁸Yônlö ngaich ök kūönṙô ang Āròn nö i kui ap rôngö Hōr i chöngö ngam Mā Tēv, ngaich kapah nö umuh, im finën anāi samyeūheu unôichrit yik kūön Israĕl nö kunyī-inyre nö ṙāngö ap panam Aikup, im tinneūyö chingëṅt, imraneh sakāmö ngam chingëṅt.

³⁹Hĕngòng nët anāi lūöi samyeūheu ṙēti ang Āròn hē ò nö kapah nö i kui öp rôngö Hōr.

⁴⁰Ngaich yik aṅ Kanā-an, tök rācha Arat, yik mi-iyöng lā lòhngö ngam panam Kanā-an, nö hang tö yīhih yik kūön Israĕl.

⁴¹Ṙā-ang ip rôngö cha-a Hōr nö kiröönngöre, ngaich iyöngtöre nö i Salmōnah.

⁴²Ṙā-ang Salmōnah cha-a nö kiröönngöre, ngaich iyöngtöre nö i Pūnòn.

⁴³Ṙā-ang Pūnòn cha-a nö kiröönngöre, ngaich iyöngtöre nö i Ōpōt.

⁴⁴Ṙā-ang Ōpōt cha-a nö kiröönngöre, ngaich iyöngtöre nö i Iyë-aparim, ip kūöngö Mô-āp.

⁴⁵Ṙā-ang Iyim cha-a nö kiröönngöre, ngaich iyöngtöre nö i Tīpònkat.

⁴⁶Ṙā-ang Tīpònkat cha-a nö kiröönngöre, ngaich iyöngtöre nö i Almòntiplatēm.

⁴⁷Ṙā-ang Almòntiplatēm cha-a nö kiröönngöre, ngaich iyöngtöre nö i nup rôngö Aparim, lā kūö Nēpō.

⁴⁸Ṙā-ang i nup rôngö Aparim cha-a nö kiröönngöre, ngaich iyöngtöre nö i nup töṙā-akūö panam Mô-āp, röhta nö i Yôtön nö i Yerikō.

⁴⁹Ngaich iyöngtöre nö ranghö Yôtön, löktökūö Pĕtyĕsimòt söl i Āpĕlsittim, i nup töṙā-akūö panam Mô-āp.

⁵⁰Ngaich ngam Mā Tēv nö vë-ekūö Môsös nö el nup töṙā-akūö panam Mô-āp, röhta nö i Yôtön i Yerikō, nö ngö ṙô,

⁵¹Vë-ekūö yip kūön Israĕl, ngö ṙô tö cha, Yē yīö havāngngöre tö Yôtön ip panam Kanā-an,

⁵²Ngaich yī-ö min ahōngö yip aṅkūö ap panam nö ṙòkhöre nö ṙā-ang i kūö yīö, piyāingö nup ihong insātēv cha nö ṙòkhöre, piyāingö nup vët insātēv cha nö ṙòkhöre, ane inrē tiṙölngö nup töhet chūök cha nö ṙòkhöre:

⁵³Ngaich kē ngam panam yī-ö nö amin yīö min, ngaich iyöng in e: tön ngaich Chin kētö ngam panam in yīö nö amin yīö.

⁵⁴Lökten i kinlah taneūngen yin min amīnu tö ngih panam nö sā mupīhö yīö, in yip töpōyen ngaich pōyen tī yī-ö tö amin cha: in yip tökūönen ngaich kūönen tī yī-ö tö amin cha: ip töng fūkö ngam kinlah taneūngen tarik, ngaich angū-ö nö amin ò; asā nup miyöngö yik yöng yīö kikōnyö ngatī yī-ö i nup amin yīö.

⁵⁵Yē yīö pöri min öt ahōngö yip aṅkūö ngam panam nö ṙā-ang i kūö yīö; ngaich min yip tö-ōtre in cha töhökiṙen tö yīö nö lanòklöre mat yīö, sā tölòklöre kūö inrē nö i ṙòng ranūmö yīö, hakihten yīö cha-a min im panam ngam chūök yīö iyöng.

⁵⁶Ngaich min, nö sā öp lōn Chu tö tīre in cha, ngatī tī min chū-ö tö yī-ö.