Read Car_Nicobarese KINṘEŪKÖ 7 Bible Online

KINṘEŪKÖ 7 - Car_Nicobarese bible

KINṘEŪKÖ 7

¹Ngaich ik sakāmö Môsös nö keuheūten nö asöklö ngam inrūkui, keuheūten inrē nö hachāmö e, ahetlö e inrē, ṙòkhöre nup chehen e, tök tahāklö tö nuk chūökṙen, hachāmö u ahetlö u inrē;

²Nup kahëtö yik mākūö Israĕl, yik yöngkūö nuk patī cha; vē yin mākūö miyöngö, cha-a yin vē mi-ī kui cha yip tökaheūkö:

³Ngaich cha-a nö kētö nuk tökētu tö cha nö i kūö ngam Mā Tēv, tafūöl nòng nuk inröl tö ranūpu kui, nëtsīön nòng kōiny nuā inrē; kö hĕng nòng inröl i tö nët tak mā, kö hĕng nòng kōiny nuā inrē nö i tö hĕng tak: ngaich cha-a nö kētö u nö i kūö ngam inrūkui.

⁴Ngaich ngam Mā Tēv nö vë-ekūö Môsös, nö ngö ṙô,

⁵Kē tī cha, hòṅ u nö tö la-en tö la-en ngam rūkui manūlö; ngaich kētö u më-eṅ min in cha yip kūön Lēvī, nö kö i la-en öp töhĕng tak tarik.

⁶Ngaich ang Môsös nö kē nuk inröl tö nuk kōiny nuā inrē, ngaich kētö u nö i yik kūön Lēvī.

⁷Nët nòng kōiny nuā tī anga-aṅ nö i yik kikōnyö kūön Kĕrsön, nö sā nup la-en cha:

⁸Fën nòng inröl, hëvhöre nòng inrē kōiny nuā tī anga-aṅ nö i yik kikōnyö kūön Mērārī, sā nuk la-en cha, eltī Itamār ök kūönṙô kikōnyö kūön Āròn.

⁹Hö-ö pöri anga-aṅ nö kē-ĕkūö yik kikōnyö kūön Kōhat: pò ngam la-en ngam töhet chūök nö la-en cha; keūnö e cha-a nö elranôṙöre.

¹⁰Ngaich yik mā nö kētö tökētu kūö kinëten ngam tahāklö ik sakāmö e nö hachāmö, kētö tökētu inrē yik mā nö i kūö ngam tahāklö:

¹¹Ngaich ngö ṙô ngam Mā Tēv tö Môsös, Kö kētö kahëtöre min, nö kö hĕng tak mā ip sakāmö ò tökūö kinëten ngam tahāklö ò.

¹²Ngaich anga-aṅ ök kamëtö tökētu ik raneh sakāmö nö Nāsön ök kikōnyö kūön Amminatap, aṅ i miyöngö Yūtā:

¹³Hĕng öp tī ò tökētu rupīö törah pingāṅl, hĕngòng lūöi anāi siköl lumngan angū-ö; hĕng ök rupīö töchilū pingāṅl ök tösat anāi siköl lumngan, tösā siköl ngam töhet chūöl; nëtre anū-ö nö tööḵlö tö töpahīöya atra tö kalūöchö tö tavī-i nö nyā-aṅ tökētu;

¹⁴Hĕng nòng humlum sanël tösöm siköl lumngan, tööḵlö tö lōpān;

¹⁵Hĕng nòng kōiny kūön nuā, hĕng nòng kūön sīṅp, hĕng nòng kōiny kūön sīṅp, aṅ im raneh samyeūheu, töföngö tökētu:

¹⁶Hĕng nòngkōiny kūön pököre tökētu kūö tökööl;

¹⁷Nët nòng kōiny nuā, taneui nòng kūön sīṅp, taneui nòng kōiny pököre, taneui nòng kōiny kūön sīṅp, aṅ im raneh samyeūheu kūö inlāmö nö tökētu: angū-ö an tökētu tö Nāsön ök kikōnyö kūön Amminatap.

¹⁸Im innëtö sakāmö ang Netenī-ĕl ök kikōnyö kūön Sūar, mākūö Issakār, nö kē-ĕti:

¹⁹Kētö tökētu anga-aṅ hĕng rupīö törah pingāṅl, hēngòng lūöi anāi siköl lumngan angū-ö, hĕng ök rupīö töchilū pingāṅl ök tösat anāi siköl lumngan, tösā siköl ngam töhet chūök; nëtre anū-ö nö tööḵlö tö töpahīyö atra, kalūöchö tö tavī-i nö nyā-aṅ tökētu:

²⁰Hĕng nòng humlum sanël tö söm siköl lumngan, tööḵlö tö lōpān:

²¹Hĕng nòng kōiny kūön nuā, hĕng nòng kūön sīṅp, hĕng nòng kōiny kūön sīṅp, aṅ im raneh samyeūheu, töföngö tökētu:

²²Hĕng nòng kōiny pököre tökētu kūö tökööl:

²³Nët nòng kōiny nuā, taneui nòng kūön sīṅp, taneui nòng kōiny pököre, taneui nòng kōiny kūön sīṅp, aṅ im raneh samyeūheu kūö inlāmö nö tökētu: angū-ö an tökētu tö Netenī-ĕl ök kikōnyö kūön Sūar.

²⁴Im linūöyö sakāmö Ēliāp ök kikōnyö kūön Hilòn mākūö yip kūön Sepulön;

²⁵Hĕng ök rupīö törah pingāṅl kahëtö ò, hēngòng lūöi anāi siköl lumngan, hĕng ök rupīö töchilū pingāṅl ök tösat anāi siköl lumngan, tösā siköl ngam töhet chūök; nëtre anū-ö nö tööḵlö tö töpahīöya atra kalūöchö tö tavī-i nö nyā-aṅ tökētu:

²⁶Hĕng nòng humlum sanël tösöm siköl lumngan, tööḵlö tö lōpān.

²⁷Hĕng nòng kōiny kūön nuā, hĕng nòng kūön sīṅp, hĕng nòng kōiny sīṅp, aṅ im raneh samyeūheu, töföngö tökētu;

²⁸Hĕng nòng kōiny pököre tökētu kūö tökööl;

²⁹Nët nòng kōiny nuā, taneui nòng kūön sīṅp, taneui nòng kōiny pököre, taneui nòng kōiny kūön sīṅp, aṅ im raneh samyeūheu kūö inlāmö nö tökētu: angū-ö an tökētu tö Ēliāp ök kikōnyö kūön Hilòn.

³⁰Im finënö sakāmö Ēlīsör ök kikōnyö kūön Sĕtē-ör, mākūö yik kūön Rūpön:

³¹Hĕng ök rupīö törah pingāṅl kahëtö ò, hēngòng lūöi anāi siköl lumngan, hĕng ök rupīö töchilū pingāṅl ök tösat anāi siköl lumngan, tösā siköl ngam töhet chūök; nëtre anū-ö nö tööḵlö tö töpahīöya atra kalūöchö tö tavī-i nö nyā-aṅ tökētu;

³²Hĕng nòng humlum sanël tösöm siköl lumngan, tööḵlö tö lōpān;

³³Hĕng nòng kūön nuā, kūön sīṅp, hĕng nòng kōiny kūön sīṅp, aṅ im raneh samyeūheu, töföngö tö kētu:

³⁴Hĕng nòng kōiny pököre tökētu kūö tökööl;

³⁵Nët nòng kōiny nuā, taneui nòng kūön sīṅp, taneui nòng kōiny pököre, taneui nòng kōiny kūön sīṅp, aṅ im raneh samyeūheu kūö inlāmö nö tökētu: angū-ö an tökētu tö Ēlīsör ök kikōnyö kūön Sĕtē-ör.

³⁶Im tinneūyö sakāmö Selūmiĕl ök kikōnyö kūön Sūrisattai, mākūöyik kūön Sīmōn;

³⁷Hĕng ök rupīö törah pingāṅl kahëtö ò, hēngòng lūöi anāi siköl lumngan, hĕng ök rupīö töchilū pingāṅl ök tösat anāi siköl lumngan, tösā siköl ngam töhet chūök; nëtre anū-ö nö tööḵlö tö töpīöya atra kalūöchö tö tavī-i nö nyā-aṅ tökētu;

³⁸Hĕng nòng humlum sanël tösöm siköl lumngan, tööḵlö tö lōpān;

³⁹Hĕng nòng kūön sīṅp, aṅ im raneh samyeūheu, töföngö tökētu;

⁴⁰Hĕng nòng kōiny pököre tökētu kūö tökööl;

⁴¹Nët nòng kōiny nuā, taneui nòng kūön sīṅp, taneui nòng kōiny pököre, taneui nòng kōiny kūön sīṅp aṅ im raneh samyeūheukūö inlāmö nö tökētu: angū-ö an tökētu tö Selūmi-ĕl ök kikōnyö kūön Sūrisattai.

⁴²Im tinfūölö sakāmö Ēliasaf ök kikōnyö kūön Tu-ĕl, mākūö yik kūön Kāt:

⁴³Hĕng ök rūpīö törah pingāṅl kahëtö ò, hēngòng lūöi anāi siköl lumngan, hĕng ök rupīö töchilū pingāṅl ök tösat anāi siköl lumngan, tösā siköl ngam töhet chūök, nëtre anū-ö nö tööḵlö tö töpahīöya atra kalūöchö tötavī-i nö nyā-aṅ tökētu;

⁴⁴Hĕng nòng humlum sanël tösöm siköl lumngan, tööḵlö tö lōpān;

⁴⁵Hĕng nòng kūön nuā hĕng kūön sīṅp, hĕng nòng kōiny kūön sīṅp, aṅ im raneh samyeūheu, töföngö tökētu:

⁴⁶Hĕng nòng kōiny pököre tökētu kūö tökööl;

⁴⁷Nët nòng kōiny nuā, taneui nòng kūön sīṅp, taneui nòng kōiny pököre, taneui nòng kōiny kūön sīṅp, aṅ im raneh samyeūyheu kūö inlāmö nö tökētu: angū-ö an tökētu tö Ēlīasaf ök kikōnyö kūön Tū-ĕl.

⁴⁸Im sinātö sakāmö Ēlisamā ök kikōnyö kūön Amihöt, mākūö yik kūön Ifrēm;

⁴⁹Hĕng ök rupīö törah pingāṅl kahëtö ò, hēngòng lūöi anāi siköl lumngan, hĕng ök rupīö töchilū pingāṅl ök tösat anāi siköl lumngan, tösā siköl ngam töhet chūök, nëtre anū-ö nö tööḵlö tö töpahīöya atra kalūöichö tö tavī-i nö nyā-aṅ tökētu.

⁵⁰Hĕng nòng humlum sanël tösöm siköl lumngan,tööḵlö tö lōpān;

⁵¹Hĕng nòng kūön nuā, hĕng nòng kūön sīṅp, hĕng nòng kōiny kūön sīṅp aṅ im raneh samyeūheu, töföngö tökētu;

⁵²Hĕng nòng kōiny pököre tökētu kūö tökööl;

⁵³Nët nòng kōiny nuā, taneui nòng kūön sīṅp, taneui nòng kōiny kūön pököre, taneui nòng kōiny kūön sīṅp, aṅ im raneh samyeūheu kūö inlāmö nö tökētu: angū-ö an tökētu tö Ēlisamā ök kikōnyö kūön Amihöt.

⁵⁴Im hinevhöre sakāmö Kamēli-ĕl ök kikōnyö kūön Pītahsör, mākūö yik kūön Manasē:

⁵⁵Hĕng ök rupīö törah pingāṅl kahëtö ò, hēngòng lūöi anāi siköl lumngan, hĕng ök rupīö töchilū pingāṅl ök tösat anāi siköl lumngan, hĕng ök rupīö töchilū pingāṅl ök tösat anāi sīköl lumngan, tösā siköl ngam töhet chūök, nëtre anū-ö nö tööḵlö tö töpahīöya atra kalūöchö tö tavī-i nö nyā-aṅ tökētu;

⁵⁶Hĕng nòng humlum sanël tösöm siköl lumngan, tööḵlö tö lōpān;

⁵⁷Hĕng nòng kūön nuā, hĕng nòng kūön sīṅp, hĕng nòng kōiny kūön sīṅp, aṅ im raneh samyeūheu, töföngö tökētu:

⁵⁸Hĕng nòng kōiny pököre tökētu kūö tökööl.

⁵⁹Nët nòng kōiny nuā, taneui nòng kūön sīṅp, taneui nòng kōiny pököre, taneui nòng kōiny kūön sīṅp, aṅ im raneh samyeūheu, kūö inlāmö nö tökētu, anū-ö nun tökētu tö Kamēli-ĕl ök kikōnyö kūön Pitahsör.

⁶⁰Im minchūötöre sakāmö Epiten öp kikōnyö kūön Kitī-ōnī, mākūö yik kūön Penyamin:

⁶¹Hĕng ök rupīö törah pingāṅl kahëtö ò, hēngòng lūöi anāi siköl lumngan, hĕng ök rupīö töchilū pingāṅl ök tösat anāi siköl lumngan, tösā siköl ngam töhet chūök, nëtre anū-ö nö tööḵlö tö töpahīöya atra kalūöchö tö tavī-i nö nyā-aṅ tökētu;

⁶²Hĕng nòng humlum sanël tösöm siköl lumngan, tööḵlö tö lōpān;

⁶³Hĕng nòng kūön nuā, hĕng nòng kūön sīṅp, hĕng nòng kōiny kūön sīṅp, aṅ im raneh samyeūheu, töföngö tökētu;

⁶⁴Hĕng nòng kōiny pököre tökētu kūö tökööl;

⁶⁵Nët nòng kōiny nuā, taneui nòng kūön sīṅp, taneui nòng kōiny pököre, taneui nòng kōiny kūön sīṅp, aṅ im raneh samyeūheu, kūö inlāmö nö tökētu: anū-ö nun tökētu tö Epiten öp kikōnyö kūön Kitī-ōnī.

⁶⁶Im sinömö sakāmö Ēhīēsör ök kikōnyö kūön Ammisattai, mākūö yik kūön Tën:

⁶⁷Hĕng ök rupīö törah pingāṅl kahëtö ò, hēngòng lūöi anāi siköl lumngan, hĕng ök rupīö töchilū pingāṅl ök tösat anāi siköl lumngan, tösā siköl ngam töhet chūök, nëtre anū-ö nö tööḵlö tö töpahīöya atra kalūöchö tö tavī-i nö nyā-aṅ tökētu;

⁶⁸Hĕng nòng hamlum sanël tösöm siköl lumngan, tööḵlö tö lōpān;

⁶⁹Hĕng nòng kūön nuā, hĕng nòng kūön sīṅp, hĕng nòng kōiny kūön sīṅp, aṅ im raneh samyeūheu, töföngö tökētu,

⁷⁰Hĕng nòng kōiny pököre tökētu kūö tökööl;

⁷¹Nët nòng kōiny nuā taneui nòng kūön sīṅp taneui nòng kōiny pököre, taneui nòng kōiny kūön sīṅp, aṅ im raneh samyeūheu, kūö inlāmö nö tökētu: anū-ö nun tökētu tö Ēhī-ĕsör ök kikōnyö kūön Ammisattai.

⁷²Im kinhuksīönö sakāmö Pākī-ĕl ök kikōnyö kūön Òkren, mākūö yik kūön Asēr:

⁷³Hĕng ök rupīö törah pingāṅl kahëtö ò, hēngòng lūöi anāi siköl lumngan tösā siköl ngam töhet chūök, nëtre anū-ö nö tööḵlö tö töpahīöya atra kalūöchö tö tavī-i nö nyā-aṅ tökētu;

⁷⁴Hĕng nòng humlum sanël tösöm siköl lumngan, tööḵlö tö lōpān;

⁷⁵Hĕng nòng kūön nuā, hĕng nòng kūön sīṅp, hĕng nòng kōiny kūön sīṅp, aṅ im raneh samyeūheu, töföngö tökētu;

⁷⁶Hĕng nòng kōiny pököre tökētu kūö tökööl;

⁷⁷Nët nòng kōiny nuā, taneui nòng kūön sīṅp; taneui nòng kōiny pököre, taneui nòng kōiny kūön sīṅp, aṅ im raneh samyeūheu kūö inlāmö nö tökētu: anū-ö nun tökētu tö Pāki-ĕl ök kikōnyö kūön Òkren.

⁷⁸Im innët sīönö sakāmö Ahirā ök kikōnyö kūön Inön, mākūö yik kūön Naftalī:

⁷⁹Hĕng ök rupīö törah pingāṅl kahëtö ò, hēngòng lūöi anāi siköl lumngan, hĕng ök rupīö töchilū pingāṅl ök tö sat anāi siköl lumngan, tösā siköl ngam, töhet chūök nët re anū-ö nö tööḵlö tö töpahīöya atra kalūöchö tö tavī-i nö nyā-aṅ tökētu;

⁸⁰Hĕng nòng humlum sanël tösöm siköl lumngan, tööḵlö tö lōpān;

⁸¹Hĕng nòng kūön nuā, hĕng nòng kūön sīṅp, hĕng kōiny kūön sīṅp aṅ im raneh samyeūheu töföngö tökētu:

⁸²Hĕng nòng kōiny pököre tökētu kūön tökööl;

⁸³Nët nòng kōiny nuā, taneui nòng kūön sīṅp, taneui nòng kōiny pököre, taneui nòng kōiny kūön sīṅp aṅ im raneh samyeūheu, kūö inlāmö nö tökētu: anū-ö nun tökētu tö Ahirā ök kikōnyö kūön Inön.

⁸⁴Angū-ö ön ngih kineten ngam tahāklö, ik sakāmö e nö hachāmö, tö yik mākūö Israĕl: nëtsīön nuk rupīö törah pingāṅl, nëtsīön nuk rupīö töchilū pingāṅl, nëtsīön nuk humlum sanël:

⁸⁵Kö hēngòng lūöi anāi siköl lumngan rupīö törah pingāṅl nö hĕng kö sat anāi lumngan rupīö töchilū pingāṅl nö hĕng: ṙòkhöre nuk rupīö chūökṙen nö nët köiny fënòng siköl lumngan, tösā siköl ngam töhet chūök:

⁸⁶Nëtsīön nòng humlum sanël, tööḵlö tö lōpān, söm siköl lumngan nö hĕng, tösā siköl ngam töhet chūök: ṙòkhöre nuk humlum sanël nö hēngòng nët anāi siköl lumngan:

⁸⁷Nëtsīön nòng kōiny nuā, ṙòkhöre nö töföngö tökētu, nëtsīön nòng kūön sīṅp, nup kōiny kūön sīṅp aṅ im raneh samyeūheu, nëtsīön nòng, tö nuk nyā-aṅ u tökētu: tö nuk kōiny pököre tökētu kūö tökööl nëtsīön nòng:

⁸⁸Ṙòkhöre nuk kōiny nuā tökētu kūö inlāmö nö nët anāi fën nòng, kūön sīṅp tafuöl anāi, kōiny pököre tafuöl anāi, kōiny kūön sīṅp aṅ im raneh samyeūheu nö tafūöl anāi. Anū-ö nun kineten ngam tahāklö unôichrit e nö hachāmö.

⁸⁹Ngaich hē Môsös nö kuhēthötre nö ël ngam rūkui manūlö, ngaich anga-aṅ nö hang ök ṙô nö vë-ekūö ò nö löknyö lā tulöng tö kui öp anūchö miṙēlōn i kui ök kasòng chöngö minkahngö kanô-en, nö löknyö hôi nup kërupīm: ṙô nö vë-ekūö Ò.