Read Car_Nicobarese MALAKI 4 Bible Online

MALAKI 4 - Car_Nicobarese bible

MALAKI 4

¹Yĕh meuk, tö ngam sakāmö nö yih, hūkūö an sā hanūkūö tökiröng tameūyö; ngaich ṙòkhöre yip mahakeūlenre, ṙòkhöre inrē töla-evṙen tö tötlöök, min nö sā kaṙālö afō: ngaich ngam sakāmö ngam yamih min nö föngngen cha, ṙô ngam Mā Tēv yip tömaṙôngö, ngaich öt ṙahātu angū-ö min nö in cha öt rēhĕn ṙĕh öt rēhĕn pak.

²In yīö pöri yī-ö töpa-ekūö tö minë-eny chu min ngam tavūöi lanöökö nö meutlö nö kumtö inlööklö invah nö i rōi kël ò; ngaich kiröönngöre yī-ö min kumööyöre inrē sā kunnuā nö el chūök re.

³Ngaich yī-ö min rööntö kui ngam tötlöök; pò cha min nö tisum nö ël kintāl elröön yīö ip sakāmö hī tī chu, ṙô ngam Mā Tēv yip tömaṙôngö.

⁴Köpölōn yin tö ngam chöngö Môsös ök tarik chu, ngam hachöngten in chu in ò i Hôrep nö lamöö in Israĕl nö ṙòkhöre, minë chöngö inkaha falen inrē.

⁵Yĕh meuk, tīnten Ēlīyā chin in yīö ngam pròfĕt urēhĕkūö ngam tökiröng pinhë-eṅkūö sakāmö ngam Mā Tēv nö yih.

⁶Ngaich anga-aṅ min nö havöötö ellōn yip yöng nö in yip nyīö, ellōn yip nyīö inrē nö in yip yöng; hòṅ chu min öt yih öich hachök ngih tumlat aṅtī tö rinôichngen.