Read Car_Nicobarese T. MËTIV 1 Bible Online

T. MËTIV 1 - Car_Nicobarese bible

T. MËTIV 1

¹Līpöre lökngörit Yēsū Kristu, ön ngih, ngam kūön Tāvit, ngam kūön Arahām.

²Kūönten Isāk ang Aprahām; kūönten Yāköp ang Isāk; kūönten Yūtā ang Yāköp, tö yik kahëm ò inrē.

³Kūönten nāṅ Pērĕs, Sērah, ang Yūtā, nö in Tamar; kūönten, Hesròn ang Pērĕs; kūönten Aram ang Hesròn.

⁴Kūönten Aminatap ang Aram; kūönten Nahsön ang Aminatap;

⁵Kūönten Salmôn ang Nahsön; kūönten Pō-as ang salmôn, nö in Rahap; kūönten Opĕt ang Pō-as, nö in Rūt; kūönten Yēsī ang Opĕt; kūönten Tāvit ang Yēsī, ök rācha.

⁶Kūönten Sòlòmön ang Tāvit, nö ik pīhöre Uriyā.

⁷Kūönten Rehōpoām, ang Sòlòmön; kūönten Api ang Rehōpoām kūönten Asa ang Api.

⁸Kūönten Yehosafat ang Asa; kūönten Yôram ang Yehosafat kūönten Ussi ang Yôram.

⁹Kūönten Yôtam ang Usiyā; kūönten Ahas ang Yôtam; kūönten Hēsikiyā ang Ahas.

¹⁰Kūönten Manasē ang Hēsikiyā; kūönten Amôs ang Manasē; kūönten Yôsi ang Amôs.

¹¹Kūönten Yekònia ang Yôsi, tö yik kahëm ò inrë, hē ngam kinëḵngö i Pēpilön.

¹²Unôichrit ngam kinëḵngö i Pēpilön, kūönten Salati-ĕl ang Yekòni; kūönten Serūpapĕl ang Salati-ĕl.

¹³Kūönten Apiut ang Serūpapĕl; kūönten Eliākim ang Api-ut.

¹⁴Kūönten Asôr ang Elyākim; kūönten Satôk ang Asôr; kūönten Amik ang Satôk.

¹⁵Kūönten Ēlihut ang Akim; kūönten Ēliasār ang Ēlihut; kūönten Mattan ang Eliāsör; kūönten Yāköp ang Mattan;

¹⁶Kūönten Yôsĕf ang Yāköp, ök pīhö Mariā, ök kamyôḵnyen Yēsū, ngam tö Kristu invëka.

¹⁷Lökten ngam tumkölchap, löktökūö Aprahām, söl in Tāvit, nö fënsīön; löktökūö Tāvit, söl ngam kinlēḵngô i Pēpilön, nö fënsīön kölchap; löktökūö ngam kinëḵngö i Pēpilön, söl in Kristu, nö fënsīön kölchap.

¹⁸Ngö inlahen ök finötnyö Yēsū Kristu. Hē ök yöng Ò Mariā, nö mikahayö tö Yôsĕf, urēhēkūö cha nö yihhen höö, ngaich meūkö anga-aṅ nö puyōsö, nö lamökten ngam Töhet Fanōinylö.

¹⁹Ngaich Yôsĕf, ök pīhö ò, kūöre nö tölöök nö tarik, rö-övö nö hòṅ sumrōngngökūö ò nö el ṙôngö; höng hòṅ ulāikenre anga-aṅ nö ṙāngen ò.

²⁰Hē ò pöri nö ellōn tö u, hĕng taka ök tömeūkö tö ò, ma-ahānga aṅ im Mā Tēv, nö i heūvö, ök töngö ṙô “Me-eṅ kūön Tāvit, Yôsĕf; uh man sōḵ öm kĕḵ-ĕ Mariā nö pīhö meh; tön lamökten ngam Töhet Fanöinylö, ap töpirūka tö ò.

²¹Kikōnyö ap min fahötnyö ò; Yēsū invëka Ap min Minënyö Ò, tö meh; pò Ò min Anga-aṅ nö hayööken vē tarikre, nö i nup tökööl cha.

²²Ngaich anū-ö nö ṙòkhöre nö teungta yanīhi; pò e nö kinheūṅtngen ṙô ngam Mā Tēv, nö ip pròfĕt, nö ngö ṙô.

²³Yĕh meuk; ap tötchô-òv rēlö min puyōsö: kikōnyö ap min nyīö töfötnyuvö; Immānu-el invëka ap min Mine-eny Ò, tö cha. “Höltöṙah hī An ngam Tēv” töngö manah an ngam ṙô “Immanū-el.”

²⁴Choholre ngaich anga-aṅ nö hō-o tinölôre tö ngam ma-ahānga ngam aṅ im Mā Tēv; ngaich hōḵen ò anga-aṅ nö pīhö ò.

²⁵Ngān ölu anga-aṅ nö akahakūö tö ò, hanöng saha finötnyö ök Nyīö kikōnyö; ngaich Yēsū invëka Anga-aṅ tö ò.