Read Car_Nicobarese RŌMA 12 Bible Online

RŌMA 12 - Car_Nicobarese bible

RŌMA 12

¹Kahōlö, lökten chin vë-ekūö yīö, lökten i minë neūkölōn ngam Tēv, öi kētö minë alahare, tökētu nö tö aṅ, töhet, tö hōḵovö tö ngam Tēv, nö aṅ im töhet tī yīö la-en.

²Un asīntöre nö sā ngih panam, harīkngenre pöri yī-ö, i tinfömlö ellōnre, hòṅ yīö hameukten ngam tölöök tö hōḵovö inrē, tö ngam tö teungten inrē lōn ngam Tēv.

³Tön kö i tarik ṙô chin, yip in yīö, lökten im inlōnti kinë-eṅkūö chu, un tulöng lōn töre, tö ap tölngöre; ṙat töheich lōn pöri, nö sā tī ngam Tēv nö i tö hĕng tak tarik nö kalah ṙôken mikah.

⁴Pòn sā hī ayī-ö ṙōlö pak alaha im tö hĕng alaha, öt ṙòkhöre minë pak alaha nö hĕngren la-en:

⁵Ngatī ayī-ö öi tö maṙôngö, öi hēngö alaha in Kristū, ṙòkhöre ayī-ö öi kö tūmö alaha höö.

⁶Kö harīkngöre aṅ in tö huneū-en, sā ngam inlōnti tö kētu nö in hī; yĕn minkahten; ngaich mikahaten ayī-ö, sā tölngö ap mikah in hī;

⁷Hēk, mineukṙen, ngaich meukṙen ayī-ö; hēk anga-aṅ ngòh mahahaköpti, im inköphöti;

⁸Hēk anga-aṅ ngòh mahalēn, im inlēnö; ngòh ma-alōnhöti, un maiṅtīre nö alōnhöti; anga-aṅ ngòh mahayöng, hol tö ṙanëmenre: anga-aṅ ngòh mahameuktö neūkölōn, hol tö kumchik ellōn.

⁹Un anhaṅv in ngam hanāngenlōn tö innyatkö elmat. Surīkhö ngam tötlöök; kiṙapngöre im tölöök.

¹⁰Kö kô-en hanāngen tö höö, im hanāngenlōn tö holre, kö ngö-aṅlö ellōn tö höö im minlēḵṙen;

¹¹Im panëtngen, un ṙahata; kalēḵĕ ellōn lök la-en ngam Mā;

¹²Ṙāmölōn im mineūka; möi im kanihngen; iṙuöhen köp im vinë-eṅkūötēv;

¹³Meukṙen öt kanôlò yip töhet; kētöre im inṙūötken.

¹⁴Hakôlò yip töt mahakôlò yīö; hakôlò, un rūtiṙen.

¹⁵Ṙāmölōn i tö ṙāmölōn; peuny i yip pameuny.

¹⁶Hĕngren ellōn yin yēḵ in höö. Un lōn tö tötāilö chehen, hōḵ pöri tö chehen tö taṙeūḵ. Um akaha im hanāngenre töre.

¹⁷Un havahlöng töchōich tö töchōich nö i tarik. Kēḵ ap lōn milēḵṙen i kūö taṙòkhöre tarik,

¹⁸Yē e nö kô ip tölngö ṙôken e nö in meh, lām i taṙòkhöre tarik.

¹⁹Kahōlö, um havahalre, kētö chūök ngam lanīnö pöri: tön ngö kinūichngö an. Aṅ in chu an ngam invahalvah, haṙënhangen chin min; ṙô ngam Mā.

²⁰Yē ngam tö kunyahaṅ elmat pöri tö meh nö kapahare, ha-aṅlen ò; yĕn haṙehe nômö anga-aṅ, kētö òk ò; pò meh yē meh ngatī, öm afônglö ta-ök tameūyö i kui ò.

²¹Un öt mihôiṅ tö tī tötlöök, mihôiṅ pöri tö tötlöök aṅtītö tölöök.