Read Car_Nicobarese RŌMA 16 Bible Online

RŌMA 16 - Car_Nicobarese bible

RŌMA 16

¹Kēten Fōpi chin in yīö, öp kanānö hī, ap kūön ngam māṅ i Sangkariā;

²Hòṅ yīö hōḵen ò im Mā, sā hinôḵòṅ töhet, hòṅ yīö holṙen ò, i nup yô-òv lōn ò nö hòṅ hōluṙen tö yīö: tön hamòlṙen tömaṙôngö an, holṙen chu chu-ö inrē.

³Salāmö Priska, Akula inrē, hamòl alaha chu in Kristū,

⁴Nap ṙamātö likeunre nö ṙënngen ngih nômö chu, nap tö ha-öinyö tö chu öich öt höng chu-ö, tön ṙòkhöre yip māṅ i yip Tahëng mihëṅṙö:

⁵Salām ap Māṅ, el patī cha. Salām ap hanāngen chu Epenetös, ap lanòhlòng aṅ Asī nö in Kristū.

⁶Salāmö Mariā, ap töpōilö la-en nö in yīö.

⁷Salāmö Anrōnikös, Chunīa inrē, nap mak alaha chu, hamòl inkövö chu inrē, nap tö eūnyu nö aṅ i yip tanīnöṙô, nap mu-urĕh tö chu nö in Kristū.

⁸Salāmö Ampiliatös, ap hanāngenlōn chu im Mā.

⁹Salāmö Urpanös, ap hol alaha hī in Kristū: ap hanāngen chu inrē Istachis.

¹⁰Salāmö Apĕles, ap tö hōḵovö nö in Kristū. Salāmö cha yip aṅ patī Aristöpulös.

¹¹Salāmö Herōtīön ap mak alaha chu. Salāmö cha yip aṅ patī Narsisu, yip mi-im Mā.

¹²Salāmö Rifāna, Rifôsa inrē, yip tö la-evṙen nö im Mā. Salāmö Pörsis, ap hanāngen ap töpōihöl la-en nö im Mā.

¹³Salāmö Rufös, ap katöllö ngam Mā, ap kikānö yöng ò yöng chu inrē.

¹⁴Salāmö Asinkritös, Falakan, Hörmīs, Patrōpas, Hērmas, yip hol hī inrē in cha.

¹⁵Salāmö Filōlokus, Chulīa inrē. Narsu, tap kanānö ò, Olimpas inrē, tö yip töhet inrē in cha nö ṙòkhöre.

¹⁶Kö salāmö höö tö töhet hināmökūö. Salāmö man tö minë māṅ Kristū nö ṙòkhöre.

¹⁷Kahōlö, ve-ekūö yīö chin, mikahngö yip tö tī-iv tö inrēvngö, nö chööḵnyi fanukngö, tö harīkngöre tö ngam haköp yīö inköphöti: havööngö kūöre tö cha.

¹⁸Pò cha, cha-a töngatī, nö öt lök la-en ngam Mā hī Kristū, tön höng nup aich cha; ngaich lökten i nup töfaṙëcha, tövai inrē ṙô cha, nö hachīl ellōn töt akaha.

¹⁹Pò ngam öt minôṙô yīö nö ngaich nö ngāṅlnyi nö i taṙòkhöre tarik. Lökten chin ṙāmölōn in yīö: hōten yīö pöri chu-ö akaha i tölöök, ui akaha i tötlöök.

²⁰Ngaich ngam Tēv lanāmen min nö paṙôkö tī tö Sātān, nö elröön yīö, öt ṙôktörevö. In yīö an yēḵ ngam inlōnti aṅ im Mā hī Yēsū Kristū.

²¹Salāmö yin tö Timòtī ngòh hol alaha chu; vē mak alaha chu inrē, hēḵ Lusīös, Chēsan, Sosipitör inrē.

²²Salāmö yīö chin im Mā, chu-ö Taitös, kamūich ngih līpöre.

²³Salāmö yin tö Kai-ös, ngòh anahtökūö chu, ṙòkhöre në māṅ inrē.

²⁴Salāmö yin tö Erāstös, ngòh yōm chūök rupīö nö ing panam, ngòh hol inrē, Kūatös.

²⁵In ò yēḵ ngam tökô nö vīten yīö, nö sā ngam ahangkö chu tölöök inhānga, ngam minkahten inrē aṅ in Yēsū Kristū sā inmeuktö ngam öt mikahkūö sin, ngam tö kirupka nö marô-òlkui;

²⁶Ngaich pöri töngamuh nö hameuktu, lökten i minë töhet līpöre yik pròfĕt, sā chöngö ngam tö-örheūheu-aṅ Tēv, ṙòkhöre vē tarik nö mikahtulōn nö im öt inhôngen ngam mikah:

²⁷Im töng hĕng tak tö-akaha Tēv, lökten in Yēsū Kristū, hakôlò Ò yēḵ örheūheu. Āmen.