Read Car_Nicobarese 1 KÒRIN 5 Bible Online

1 KÒRIN 5 - Car_Nicobarese bible

1 KÒRIN 5

¹Kônyi ineūka an ngam chinô-òṅ kānö nö in yīö, öt ngatī aṅ in yin vē Tahëng mihëṅṙö nö rēhĕn tö chinô-òṅkānö, sā ap tö hĕng tak tö pīhö tö pihö yöngre in yīö.

²Ngaich yī-ö hakeūṙöre, öi öt sòk öre haṙivlōn, hòṅ ap tö ngatī la-en nö kē-ĕyö nö ṙā-ang in yīö.

³Tön kô-òngrit chin rö-ö ing alaha, ha-ëheten pöri im ma-alaha, ngaich sā mu-umuh chū-ö kahòkken ò, ap töngati la-en,

⁴I mine-eny ngam Mā hī Yēsū, hamūltöre yī-ö, ngaich ngam ma-alaha chu, nö holtö minhôiṅyö ngam Mā hī Yēsū.

⁵Nö kētö töngatī nö in Sātān; nö halëli ngam alaha, hòṅ ngam ma-alaha nö yöölen im sakāmö ngam Mā Yēsū,

⁶Tö chōich an ngam ineū-euṅ nö in yīö. Öt akahalōn öi tö ngam tö rahëichyen inföhlö, nö keuheūtlörekūö töm tö hĕng mumūlö nö föhlö?

⁷Halööklö ngam höteh tö föhlö, hòṅ yīö sā yīö tufömngöre mumūlö, sā yīö ngaich töt aföhlöng. Pòn ngaich ngam paska hī nö kētu, ang Kristū;

⁸Lökten ta-a töi paratīn, rö-ö nö holtö höteh tö-aföhlöng ròti, öt rēhĕn nö holtö ngam töaföhlöng sunrīkhö, ötlanöökö inrē; holtö ngam töhet pöri tötaföhlöng ròtī, töt innyatkö elmat, kanô-en inrē.

⁹I mat ngih līpöre tī chin kūich, nö löö in yīö, öi uh hanôl yip chamô-òṅkānö;

¹⁰Rö-ö nö ṙòkngöre yip chamô-òṅ ngih panam, hēk yip yamikhanga, yip kamil inrē, hēk yip vame-ekūö insātēv inrē; tön tö hòṅ ṙāngö ngih panam in yĕi ngatī.

¹¹Ngaich pöri chū-ö töngamuh kūichhöti, in yīö, öi uh hanôl, yĕn tarīkuvö chamô-òṅkānö öp tö minënyu nö ngaich nö kisānö, yamikhanga, vame-ekūö insātēv, töt lamëkôre, mihiyōi-aṅ, hēk kamil; un nyā nö holkūö töngatī.

¹²Suh lökten ṙöng öich chū-ö, kahòkken yip aṅ lā-uk? Röh öi yī-ö kahòkken yip me-ël?

¹³Ngam Tēv an min kamhòkken cha yip lā-uk. Kēḵ ngö ap tötlöök yin tarik nö ṙā-ang in yīö.