Read Car_Nicobarese 2 KÒRIN 13 Bible Online

2 KÒRIN 13 - Car_Nicobarese bible

2 KÒRIN 13

¹Linūöi van chu ön ngih yih in yīö. Löknyö elvāng tö nët tak mameuk, hēk lūöi pöchö nup ṙô nö haköpi.

²Ngāichô chin urĕh, urĕhnyô chin, sāre hē chu in, im innët van, ngatī tö ngamuh, i saha chu öt in, in cha yip la-urĕh nö köölö fālen, ṙòkhöre inrē, i yip tö ōtngöre, tö e yēḵ chu yih hēk min öt aṙēlu min chu-ö;

³Pò yīö chöh inmeuktö Kristū öp tö ṙô-òvö nö in chu: öp tö rö-ö nö öt kalēḵen nö lā in yīö, minhôiṅyö pöri nö in yīö;

⁴Pò ò nö harātu lökten im öt kumlēḵ, sön Anga-aṅ nö aṅ lökten i minhôiṅyö ngam Tēv. Pò hī ayī-ö inrē öt kalēḵen in Ò, aṅ pöri min ayī-ö hol Ò lökten ngam minhôiṅyö ngam Tēv nö lā in yīö.

⁵Kalahare yin, yē yīö im mikah; hameuktöre yin. Hēk, öt akaha kūö ṙöng öi inrē, tö Yēsū Kristū nö in yīö? Yē yīö öt kô-òngrit höng mī-i tökööl.

⁶Akahalōn yinri tö lōn chu, tö hī öt im tökööl.

⁷Vë-ekūö ngam Tēv in töngamuh, hòṅ yīö öt la-evṙen tö tökööl; öt kūö hī hòṅ meūkö löök, hòṅ yīö pöri la-evṙen tö öp tö eū-eu, pòrô öi mī-i tökööl.

⁸Pò hī ötkô lā-al ngam kanô-en, lā im kanô-en pöri.

⁹Pò ih ṙamölōn, yē ih öt kalēḵen, ngaich yī-ö kalēḵ: angū-ö an inrē havëkö ih, ngam inteungten yīö.

¹⁰Angū-ö an lökten chu kūich tö në, i saha chu öt in, hòṅ chu yē chu in öich öt chökhutī, sā ngam chöngö tö kētu tö ngam Mā nö in chu, nö minānhölö, rö-ö nö tinṙōlhanga.

¹¹Manā-aṅ, kahōlö, salām. Hateungtöre yin yēḵ; hangëḵeṅre yēḵ; hĕngre ellōn yēḵ; iyöng im lanāmö: ngaich ngam Tēv hanāngen min, lanāmö inrē, nö holtöṙah yīö.

¹²Salāmö höö yin aṅtī tö töhet hināmökūö.

¹³Ṙòkhöre yin vē töhet nö salāmö yīö.

¹⁴Ngam inkôlò aṅ im Mā Yēsū Kristū, hanāngenlōn ngam Tēv, innôlö ngam Töhet Fanöinylö, holtöṙah yīö yēḵ ṙòkhöre.