Read Car_Nicobarese 2 KÒRIN 9 Bible Online

2 KÒRIN 9 - Car_Nicobarese bible

2 KÒRIN 9

¹I mineukṙen yip töhet pöri, öt kunsīkten tī chin kūichhöti in yīö;

²Pò chu akahalōn tö lanënen yīö, ngaich chu-ö eū-eure tö pòkūö yīö, i yip aṅ Makētòni, pò yip aṅ Akayā nö halēnöre, hĕng hang samyeūheu ngaich, ngaich ngam kumlēḵlōn yīö nö ṙōl tak haruhlö alaha nö in cha.

³Tīntö yip holre pöri chu-ö, hòṅ ngam aheū ih tö pòkūö yīö nö öt höng chanök alaha nö in e; sā ṙô chu taheui, hòṅ yīö lēnen:

⁴Hòn öt amahtuṙen nö kôtökūö tö yīö öt lēnen, yē chu min hōlu tö yamih aṅ Makētòni, ngaich ihö min sumrōngikūö i ngih nyanatlöre.

⁵Lökten chin ngatī lōn tö e, nö öt ṙanāngen öich līpṙôre tö yip holre hòṅ cha nö kiröönngöre nöurē-hĕkūö meh, nö urĕh nö halēnlö nup inlōnti ṙô yīö kilēḵngôre, hòṅ u nö lēn, nö inlōnti, rö-ö nö töng hukil.

⁶Ngih pöri ṙô chu, anga-aṅ ngòh tö kūöṅnen taneūich, ngaich kūöṅnen hamūl min inrē; ngaich anga-aṅ ngòh tö pòyen taneūich ngaich pōyen hamūl min inrē.

⁷Kö sā ṙôken lōnre tī ön yēḵ ngòh tarik nö kē-ĕti: un ma-in, hēk vaichṙen lōn, tön hāngenlōn an ngam Tēv tö ngòh töṙāmölōn kamëḵeṅti, nö holtö ṙanāmölōnre tī.

⁸Kô-òren An ngam Tēv nö vīten nup inlōnti nö pōyen nö in yīö hòṅ yīö pōihöl i tölöök la-en, pòi ṙòkhöre örheūheu timhören i tökeuheūttöre:

⁹Sā kinūichngö e nö ngö: Pirāt tire anga-aṅ, kē-ĕti Anga-aṅ nö i yāich; Öt chanūhuvṙen ngam lanöökö Ò.

¹⁰Ngam mameukṙen ngam tameūich tö kulöl, ròti inrē nö nya-aṅkūö, meukṙen yīö min anga-aṅ, ngaich ṙūölö ṙôken kulöl nö taneūich yīö, ngaich ṙūölö nup ṙòng lanöökö yīö:

¹¹Ngaich yin i tökeuheūttöre öi hakôlòngṙô im tökô-en ellōn, ngam tö tī-iv tö Nöinyö ngam Tēv nö lökten ih.

¹²Pò ngam mineukṙen ngih la-en nö öt höng hateung ṙôken hanāten yip töhet, tön pōyen inrē, nö lökten nup töpōyen Nöinyö ngam Tēv.

¹³Ngaich cha-a nö hapōilö ngam Tēv i inmeuktö ngih mineukṙen nö öt inhôngen inlööknyô yīö, tö ngam inhangkö Kristū, ngam kanô-en ellōn yīö inrē nö tī-iv nö in cha i taṙòkhöre inrē;

¹⁴Ngaich cha-a inrē nö piṙūtken yīö nup töpōyen inlōnti in yīö aṅ im Tēv, nö holtö vine-eṅl kui yīö.

¹⁵Ha-öiny ngam Tēv yēḵ tö kūö ṙôken ngam tī Ò inlōnti.