Read Car_Nicobarese 1 TÖSALÒNIKĒ 4 Bible Online

1 TÖSALÒNIKĒ 4 - Car_Nicobarese bible

1 TÖSALÒNIKĒ 4

¹Kahōlö, vë-ekūö yīö in, ane inrē hōten yīö im Mā Yēsū, hòṅ yīö ṙuhölre hēkökūöre sā ṙô ih tö yīö, tö lahök yīö, öi haṙamlōn ngam Tēv, sā lahök yīö ngaich.

²Pò yīö akahalōn tö nup tinölöṙô yīö tö ih, lökten im Mā Yēsū.

³Pò e nö ngih lōn ngam Tēv, ngam hanëtö yīö, hòṅ yīö ṙāngö ngam insĕha;

⁴Hòṅ yīö kö huveū-en öi īnu tö pīhöre, im hanëtö, minlēḵṙen inrē;

⁵Röön höng im töchōich lōn, sā vē Tahëng mihëṅṙö, vē töt akahakūö tö ngam Tēv;

⁶Hòn öt tarīkuvö tövāngngöröön, ngaich fāluṙen nö i holre, in e angū-ö; tön mahavahal u an anū-ö, ngam Mā Tēv, nö ṙòkhöre; sā ṙô ih ngaich, mu-urĕhnyôre tö yīö, öi hameukhöti inrē.

⁷Pò ngam Tēv nö öt havëten hī öi im chanôichö; im hanëtö pöri.

⁸Lökten ngòh samôḵòṅ e, öt samôḵòṅ tarik anga-aṅ; samôḵòṅ ngam Tēv pöri, ngam kamëtö ngam Töhet Fanöinylö nö in yīö.

⁹Rö-ö pöri yī-ö kusīktö tī ih kūichhöti in yīö, i inlahen hanāngenlōn tö holre: pò yīö yī-ö ngaich haköptu tö ngam Tēv öi kö hāngenlōn tö höö;

¹⁰Pò yīö kô ngatī ngaich i holre yip aṅ Makētonī. Kahōlö, halēnö yīö pöri īhö, ṙuhölre, hēkökūöre;

¹¹Hòṅ yīö harūnö re öi ṙēm, ngaich la-evṙen tö kanahngenre la-en, hakôtö tīre inrē la-evṙen, sā tinölô yīö tö ih;

¹²Hòṅ yīö lök i ötmichūṙen in cha yip aṅ lā-uk, ngaich öt hēngö hanāten.

¹³Kahōlö, sōten yīö in öt akahalōn tö inlaha cha yip tökapah; hòṅ yīö öt haṙīvölōn, öi sā yip tahëng, yip töt maheūṅkkuvö.

¹⁴Pò hī ṙātö ellōnre tö Yēsū nö kapah sin, ngaich choholre nö hēk, ngatī cha-a min inrē yip tökapah nö in Yēsū nö kēḵlöng tö ngam Tēv nö hol Ò.

¹⁵Ṙô-òv in lökten tö ngih i ṙô ngam Mā, tö hī ayi-ö tö aṅ, öi tö ōtre ip yanīhih ngam Mā, öi öthōk urĕh tö cha yip tökapaha.

¹⁶Pò ngam Mā min nö yônti nö ṙā-ang el halīöngö, nö holtöp inyôṙö ṙô, öp mākūö ma-ahānga, holtö fanöö aṅ im Tēv inrē: ngaich yip tökapah nö in Kristū nö urēhĕl min nö chōholre:

¹⁷Ngaich möl ayī-ö tö aṅ, tö ōtre, anònglö cha min ngaich kēlöngö el taṙul, öi höngkūö ngam Mā lātulöng: ngaich örheūheu min ayī-ö im Mā,

¹⁸Lökten yin haṙamkölōn höö tö në ṙô.