Read Car_Nicobarese YÔSUĀ 15 Bible Online

YÔSUĀ 15 - Car_Nicobarese bible

YÔSUĀ 15

¹Ngaich ök kintölö ök miyöngö kūön Yūtā sā mupīhö cha nö i kūöngö Ētöm, imtönyalnyi i Sin lā lòhngö, ip manā-angkūö ngam lā lòhngö.

²Öp lālòhngö kūöngö cha löktökūö manā-angkūö ngam Sālmai, löktökūö ngam tökichulhötre tökū-ö tö lā lòhngö:

³Ngaich angū-ö nö kū-ö tö lā lòhngö öp paneūlö Akkrapim, ngaich chö-ökūöre nö söl Sin, ngaich peūlöre nö löklö lòhngö Kātēspörnīa ngaich chö-ökūöre nö lökngö Hesròn, ngaich peūlöre nö i Atör, ngaich havö-ökūöre nö kū-ö tö Kārka:

⁴Ngaich angū-ö nö kiröönökūöre nö söl Asmòn, ngaich kunyī nö löknyö öp kun töhëm mak Aikup; ngaich ngam kunnyīnyö ngam kūöngö nö löknyö ip mai: angū-ö ön ngih kūöngö meh min lā lòhngö.

⁵Ngam Sālmai an kūöngö meh nö lā chuhöt, ngam manā-angkūö Yôtön. Ngaich ngam kūöngö meh lā kapā nö löktökūö ngam tökichulhötre mai ip lā rit Yôtön:

⁶Ngaich ngam kūöngö nö peūtöre nö söl Pethòkka, ngaich lökngö lā kapā Petarapah; ngaich peūlöre ngam kūöngö nö ip ihong Pohan ök kikōnyö kūön Rūpön:

⁷Ngaich ngam kūöngö nö söllö nö i Tipir löktö ök achāṙö Akōr, ngatī nö lā kapā kamlö nö i Kilkāl ap tökamlö nö ip paneūlö Atummim, öp lā lòhngö i kaha ngam tahël: lökngö nup mak Ensīmes ngam kūöngö, ngam maneutnyö e nö i Enrōkel:

⁸Ngaich ök kūöngö nö lökngö ip achāṙö ök kikōnyö kūön Hinôm nö i kaha Yepus kū-ötö lālòhngö (Angū-ö an Yerusalem); ngaich ngam kūöngö nö löklö kui ap rôngö öp töṙā-aka i kūö ap achāṙö Hinôm lā sūng, öp manā-angkūö ap achāṙö Refēm lā kapā:

⁹Ngaich ngam kūöngö nö hateūti löktökūö kui ngam rôngö söl i nup töhëmlö Mak Neftoā, ngaich kunyī i nup elpanam öp rung Efròn; ngaich ngam kūöngö nö hateūti nö söl Pe-alā (angū-ö ana Kirīatyerim);

¹⁰Ngaich ngam kūöngö nö havöökūöre nö ṙā-ang Pē-alā lā sūng nö söl ip rung Sēir, ngaich lökngö kaha öp rung Yēarim im lākapā (angū-ö an Kesalòn), ngaich peūtöre nö i Petsīmeh, ngaich lökngö Timna:

¹¹Ngaich ngam kūöngö nö kunyī nö löknyö kaha Ĕkròn lā kapā: ngaich hateūti ngam kūöngö nö söl Sikeròn, ngaich lök im rung Pē-alā, kunyī nö i Yapnil; ngaich ngam kunnyīnyö ngam kūöngö nö löknyö im mai.

¹²Ngaich ngam lā sūng kūöngö nö ngam tökiröng mai, ngam kūöngö e inrē. Angū-ö ön ngih kūöngö yip kūön Yūtā nö vinngö sā mupīhö cha.

¹³In Kalip ti inrē anga-aṅ ök kikōnyö kūön Yefuneh nö kētö minchööḵö nö in yik kūön Yūtā, sā chöngö ngam Mā Tēv nö in Yôsuā, angū-ö an Kiriat Arpā Arpā ök kikōnyö yöng Ānak, (angū-ö ana Hepròn).

¹⁴Ngaich Kalip nö ṙeū-eung muh nö ahōngen yik tölūöi tak kikōnyö kūön Ānak, Sīsai, Ahīmam, Talmai inrē, yik kūön Ānak.

¹⁵Ngaich ṙeū-eung muh anga-aṅ nö kiröönngöre nö lā-al yik aṅ Tīpir Kiriatsifer minënyi ök Tīpir nö lā urĕh.

¹⁶Ngaich ngö ṙô ang Kalip, Öp tö kô-òngvahtī nö kiyūngö Kiriatsīfer, ngaich kē-ĕ e, kētu pīhö min anga-aṅ tö chu töp kūön chu kikānö ang Aksah.

¹⁷Ngaich ök kikōnyö kūön Kenas, ök mak alaha Kalip nö kē-ĕ e ang Otniĕl: ngaich kētö pīhö ò anga-aṅ tö Aksah ök kikānö kūön ò.

¹⁸Ngaich angū-ö nö ngö inlahen hē Aksah nö yihtöre nö in ò, ngaich hōten ò anga-aṅ nö havëkö taṙeū nö ik yöng kikōnyö: yôkti ngaich anga-aṅ nö ṙā-ang i uk ök köttö; ngaich ngö ṙô Kalip tö ò, Asuāp lōn meh?

¹⁹Ngaich ngö ṙô anga-aṅ, Kētö inkôlò chu; tön ngaich man ṙāten chu im panam lā lòhngö, kētö në töhëmlö mak in chu. Ngaich kē-ĕkūö ò anga-aṅ tök lātulöng töhëmlö mak tök lātaṙeū inrē.

²⁰Angū-ö ön ngih amin ök miyöngö kūön Yūtā sā tum mupīhö cha.

²¹Nuk elpanam manā-angkūö öp miyöngö kūön Yūtā nö kū-ötö kūöngö Ītöm lā lòhngö në Kapsīl, Etör, Yēkör inrē;

²²Kinah, Tīmōna, Atāta inrē;

²³Katēs, Hasōr, Itnan inrē;

²⁴Sif, Talem Pīalòt inrē;

²⁵Hēsörhatatā Kiriòthesròn (angū-ö an Hēsör);

²⁶Amam, Semā, Môlatah inrē;

²⁷Hasarkata, Hesmòn, Petpēlĕt.

²⁸Hēsörsuāl, Pīrsipa, Pīsiòtia;

²⁹Pēala, Lim, Esem inrē;

³⁰Eltolat, Kessil, Hôrmā inrē;

³¹Siklek, Matmanah, Sansanah inrē;

³²Lepaōt, Silhim, Ain, Remmòn; ṙòkhöre nuk elpanam nö nët anāi machūötöre; holre tö nup tuhēt u.

³³I nuk lātaṙeū panam Estaòl, Sōra, Asnā inrē;

³⁴Sanòah, Enkannim, Tapuā, Enām inrē.

³⁵Yarmut, Atulām, Sokō, Asëka inrē.

³⁶Sarēm, Atitēm, Kētörā, Kēlērōtēm; fën sīön nuk elpanam holre tö nup tuhēt u.

³⁷Sënan, Hatasah, Miktalkāt inrē;

³⁸Tīleān, Mispah, Yòktēl inrē,

³⁹Lakis, Poskā, Eklòn inrē,

⁴⁰Kappòh, Lahman, Kitlis inrē;

⁴¹Ketaròt, Pettakòn, Nā-amah, Makata inrē; tafūöl sīön nup elpanam holre tö nup tuhēt u.

⁴²Lipna, Etār, Asān inrē;

⁴³Ifta, Asna, Nesip,

⁴⁴Këlā, Aksip, Maresā inrē; machūötöre nup elpanam holre tö nup tuhēt u.

⁴⁵Ekròm, holtö nup elpanamre tö nup tuhēt e inrē:

⁴⁶Löktökūö Ekròn söl im mai, ṙòkhöre nup lā kaha Astòt, holre tö nup tuhēt u.

⁴⁷Astòt, nup elpanam e tö nup tuhēt e; Kasā, nup elpanam e tö nup tuhēt e inrē, söl ip töhëm mak Aikup, ngam tökiröng mai inrē, töp kūöngö e inrē.

⁴⁸Im rung panam inrē, Samir, Yattir, Sokoh inrē;

⁴⁹Tānah, Kiriatsanah (angū-ö an Tipir);

⁵⁰Anāp. Estēmòh, Anim inrē;

⁵¹Kōsen, Hòlòn, Kiloh inrē; kahuk sīön nup elpanam holre tö nup tuhēt u.

⁵²Arap, Tumah, Essā inrē;

⁵³Yanim, Pettapuā, Afekka inrē;

⁵⁴Humtā, Kiriātarpā (angū-ö an Hepròn) Sīör inrē; machūötöre nup elpanam holre tö nup tuhēt u.

⁵⁵Ma-òn, Kārmel, Sif, Yūtā inrē;

⁵⁶Yesrīl, Yòktīm, Sanôa inrē;

⁵⁷Kāin, Kīpīah, Timnā inrē; söm nup elpanam holre tö nup tuhēt u.

⁵⁸Halhul, Petsur, Kitōr inrē;

⁵⁹Ma-arat, Petanòt, Eltikòn inrē; tafūöl nup elpanam holre tö nup tuhēt u.

⁶⁰Kiriātpē-al, (angū-ö an Kiriatyēarim), Rapā inrē; Nët nup elpanam holre tö nup tuhēt u.

⁶¹El tönyalnyi, Petarapā, Mītīn, Sēkāka inrē;

⁶²Nipsān, ök elpanam Sāl inrē, Enkētī inrē; tafūöl nup elpanam holre tö nup tuhēt u.

⁶³Yik aṅ Yepus pöri, yik mī-i yöng Yerusalem, ötkô yik kūön Yūtā nö ahōnyen cha: höng iyöng in yip kūön Yūtā pöri yip Yepus nö i Yerusalem, söl i ngih sakāmö.