Read Car_Nicobarese YÔSUĀ 19 Bible Online

YÔSUĀ 19 - Car_Nicobarese bible

YÔSUĀ 19

¹Ngaich kēlöre ngam innëtö kintölö lumnööṙö Sīmōn, ngam lumöö öp miyöngö yip kūön Sīmōn sā mupīhö cha; ngam amin cha inrē nö ellōn öp amin yip kūön Yūtā.

²Ngaich anū-ö në amin cha, Pīrsīpā, hēk Sīpa, Molatā inrē;

³Hasarsūal, Pĕlah, Esem inrē;

⁴Eltolāt, Pĕthul, Hòrmā inrē;

⁵Siklek, Pētmarkapōt, Hasārusā inrē;

⁶Pĕtlēpa-ot, Saruhen inrē; lūöi sīön nuk elpanam holre tö nuk tuhēt u:

⁷Ain, Rimòn, Etēr, Asān; fën nuk elpanam holre tö nuk tuhēt u:

⁸Ṙòkhöre nuk tuhēt mahavīlö në elpanam nö söl Pĕalatpīör, Ramā öp lā lòhngö. Angū-ö ön ngih amin ök miyöngö yik kūön Sīmōn sā mupīhö cha.

⁹Lamöklö i kamnāchö yik kūön Yūtā an ngam amin yik kūön Sīmōn; kūö ök minchöḵö yik kūön Yūtā nö yahlö ṙôkti nö in cha: lökten yik kūön Sīmōn nö amīnu nö ellōn ök amin cha.

¹⁰Ngaich kēlöre ök linūöyö kintölö lumnööṙö yik kūön Sepulön sā mupīhö cha; söl Sarit ngam kūöngö ngam amin cha:

¹¹Ngaich löklö lā sūng ngam kūöngö cha, söl Marel, ngaich teungta nö i Tapeset; ngaich angū-ö nö sölngö nö ip kun töhëm mak lākūö Vòknīm;

¹²Havīngö kūöre angū-ö ngaich nö ṙā-ang Sarit lā chuhöt nö kū-ötö löklö ngam tavūöi nö ip kūöngö Kislottapòr; ngaich meutnyi angū-ö nö i Tapērāt, ha-ööklöre ngaich nö i Yafiā;

¹³Ngaich ṙā-ang umuh nö lök lā sūng tö Kāthīfer söl i Etkēsim; meutnyi angū-ö nö i Rimòn öp tö sölngö nö i Neā:

¹⁴Ngaich ngam kūöngö nö havöökūöre lā kapā nö söl Hanatòn: ngaich ngam maneutnyö e nö ip achāṙö Iftahel;

¹⁵Kattat, Nāhalal, Simròn, Itala, tö Petlihem inrē; nët sīön nup elpanam holre tö nup tuhēt u.

¹⁶Angū-ö ön ngih amin yik kūön Sepulön sā mupīhö cha, Anū-ö nun elpanam holre tö nup tuhēt u.

¹⁷Ngaich kēlöre ök finënö kintölö lumnöörö Isakār, ök lumnöörö yik kūön Isakār sā mupīhö cha.

¹⁸Ngaich ök kūöngö cha nö söl Yesrīl, Kēsulot, Sunem inrē;

¹⁹Hafarēm, Sīòn, Anaharat inrē;

²⁰Rappit, Kisiòn, Epes inrē;

²¹Rīmet, Enkanim, Enhatā, Pĕtpāses inrē;

²²Ngaich ök kūöngö nö söl Tapòr, Sahassumā, Petsīmes inrē; ngaich ngam maneutnyö ngam kūöngö cha nö i Yôtön: tafūöl sīön nup elpanam holre tö nup tuhēt u.

²³Angū-ö ön ngih amin ök miyöngö yik kūön Isakār sā mupīhö cha, nuk elpanam tö nuk tuhēt u inrē.

²⁴Ngaich kēlöre ngam tinneūyö kintölö lumnööṙö ök miyöngö kūön Asēr sā mupīhö cha.

²⁵Ngaich ngam kūöngö e nö Helkāt, Halī, Pēten, Aksaf inrē;

²⁶Allamelek, Amat, Misāl inrē; ngaich tölngö Kārmel angū-ö lā sūng, i Sīhōrlipnat inrē;

²⁷Havöötöre angū-ö ngaich nö lā maneutlö ngam tavūöi i Pettākôn, ngaich sölta nö i Sepulön, ip achāṙö Iftahel lā kapā nö i Petemek Nayal inrē; Kunyī angū-ö nö söl Kapūl nö lā tavē

²⁸Hepròn, Rēhòp, Hamòn, Kānah, im Tökiröng Sītōn inrē;

²⁹Havēngökūöre ngam kūöngö nö i Ramā, ip tökalonglöng inrē elpanam Turös; i Hôsa inrē ngam kūöngö nö havītukūö; ngaich ngam maneutnyö e nö im mai i chīṙö Aksip:

³⁰Ummā inrē, Afet, Rēhòp inrē: Nët anāi nët nup elpanam holre tö nup tuhēt u.

³¹Angū-ö ön ngih amin öp miyöngö yik kūön Asēr sā mupīhö cha, Anū-ö nun elpanam holre tö nup tuhēt u.

³²Ngaich kēlöre ngam tinfūölö kintölö lumnöö yik kūön Naftalī, yik kūön Naftalī nö sā mupīhö cha.

³³Ngaich löktökūö Helef ngam kūöngö cha, löktökūö öp ōk chōn: Sē-ananim, Ataminakep inrē, Yapnīl inrē, söl Lakkum; ngaich ngam maneutnyö e nö i Yôtön;

³⁴Havīngö kūöre ngaich ngam kūöngö nö lā sūng nö kū-ö tö Asnòttapòr, ngaich löknyö umuh nö kū-ötö Hukkòk, ngaich sölta angū-ö nö i Sepulön lā lòhngö sölta inrē nö i Yôtön lā maneutlö ngam tavūöi.

³⁵Nup tökalōngö elpanam misī Sītim Sër Hāmat, Rakkat, Kinërat inrē;

³⁶Atamah, Rāma, Hasōr inrē;

³⁷Kates, Etrēi, Enhasōr inrē;

³⁸Yīròn, Miktalel, Hōrem, Petanat, Petsīmes inrē; machūötöre sīön nuk elpanam holre tö nuk tuhēt u.

³⁹Angū-ö ön ngih amin ök miyöngö yik kūön Naftalī sā mupīhö cha, nuk elpanam holre tö nuk tuhēt u.

⁴⁰Ngaich kēlöre ngam sinātö kintölö lumnöö ök miyöngö yik kūön Tën sā mupīhö cha,

⁴¹Sorā ök kūöngö ök amin cha, Estaōl, Irsemes inrē;

⁴²Sāalappin, Ayalòn, Itlah inrē;

⁴³Elōn Timnah, Ĕkròn;

⁴⁴Eltekeh, Kīpiton Pĕ-ālat inrē;

⁴⁵Yēhöt, peneperak, Katrimòn inrē;

⁴⁶Meyārkòn Rakon, holre töp kūöngö kamtö Yôppa.

⁴⁷Ngaich ngam kūöngö yik kūön Tën nö löknyö lāmuh tö cha: pò yik kūön Tën nö kiyūngö Lesem, ngaich kē-ĕ, aṅtī tö sanët inrē nö fëlngen e, ngaich amīnu tö e ngaich iyöng in e ngaich kaheūkö e nö Lesem, Tën, nö sā minë-eny ök yöng cha ang Tën.

⁴⁸Angū-ö ön ngih amin ök miyöngö yik kūön Tën sā mupīhö cha, Anū-ö nun elpanam holre tö nup tuhēt u.

⁴⁹Keuheūten cha-a ngaich nö michöḵngö ngam panam nö kūönguvö tī nö in yip tö-amīnu: ngaich yik kūön Israĕl nö kētö amin Yôsuā ök kikōnyö kūön Nön nö ellōn cha:

⁵⁰Sā chöngö ngam Mā Tēv achā-a nö kē-ĕkūö ò tö elpanam öp töng havëkö ò, angū-ö yih Timnatserā ip rung panam Ifrēm: vīlö ngam elpanam ngaich anga-aṅ, ngaich iyöng in e.

⁵¹Në nun amin, në michöḵngö Ēlīēsör ök kūönṙô, Yôsuā inrē ök kikōnyö kūön Nön, tö yik mākūö mitī-i yik kikōnyö yöng vē miyöngö yik kūön Israĕl, nö amin lökten i kintölö nö i Sailō i kūö ngam Mā Tēv, ip inkūp rūkui manūlö. Keuheūten cha-a ngaich nö michöḵngö ngam panam.