Read Car_Nicobarese YÔSUĀ 21 Bible Online

YÔSUĀ 21 - Car_Nicobarese bible

YÔSUĀ 21

¹Ngaich yihtöre yik yöng kūö mitī-i yik Lēvī nö in Ēlīēsör ök kūönṙô, in Yôsuā inrē ök kikōnyö kūön Nön, in yik yöngkūö mitī-i yik miyöngö yik kūön Israĕl inrē;

²Ngaich cha-a nö vë-ekūö cha nö i Sailō ip panam Kanā-an nö ngö ṙô, Lökten in Môsös an ngam Mā Tēv nö chöngu tö kinë-eṅkūö ih tö nup elpanam chūök ih iyöng, nö holre tö nup lā uk chūök kiyôp nö nyā-aṅkūö nup nuā ih.

³Ngaich yik kūön Israĕl nö kē-ĕkūö yik Lēvī i nuk amin cha, sā chöngö ngam Mā Tēv, tö u anū-ö elpanam nö holre tö nup lā uk chūök kiyôp.

⁴Ngaich ök kintölö mupīhö yik Kōhat: ngaich yik kūön Āròn ök kūönṙô yik lamökngörit Lēvī, nö i miyöngö Yūtā kintölö, i miyöngö Sīmōn inrē, i miyöngö Penyamin inrē, lūöi sīön elpanam.

⁵Ngaich yik chöḵṙen yik kūön Kōhat nö kintölu tö aṅ i mupīhö ök miyöngö Ifrēm, aṅ i miyöngö Tën inrē, aṅ ik töròngti miyöngö Manāsē inrē, söm elpanam.

⁶Ngaich yik kūön Kersōn inrē nö kintöluvö tö aṅ i mupīhö ök miyöngö Isakār, aṅ i miyöngö Asēr inrē aṅ i miyöngö Naftalī inrē, aṅ i ök töṙòngti miyöīngö Manasē inrē i Pasān, lūöi sīön elpanam.

⁷Yik kūön Merāri sā mupīhö cha nö kintölu tö aṅ i miyöngö Rūpön, aṅ i miyöngö Kāt inrē, aṅ i miyöngö Sēpulön inrē, nët sīön elpanam.

⁸Ngaich yik kūön Israĕl nö kētö kintölö yik Lēvī tö në elpanam holre tö nup chūök kiyôp, sā chöngö ngam Mā Tēv lökten in Môsös.

⁹Ṙeū-eung i miyöngö yik kūön Yūta tī cha-a nö kē-ĕti, ṙeū-eung i miyöngö yik kūön Sīmōn inrē, Anū-ö nun elpanam në tövënyu minë-eny;

¹⁰Ngaich anū-ö nö lumnööṙö yip kūön Āròn yip aṅ mupīhö Kōhat, yik aṅ i yik kūön Lēvī: pòn acha-a tö urĕhlö kintölö.

¹¹Ngaich cha-a nö kēten Kiriatarpā nö in cha, anga-aṅ ök Arpā kikōnyö yöng Anak, (angū-ö aṅ Hepròn,) ip rung panam Yūtā, holre tö nup chūök kiyôp mahavīlen e.

¹²Kētu pöri nö in Kalĕp tö cha ök kikōnyö kūön Yëfūneh, nuk chūök tī tameūch im elpanam, tö nuk tuhēt inrē nö amin ò.

¹³Kēten Hepròn cha-a tö nuk chūök kiyôp e inrē nö in yik kūön Āròn ök kūönṙô, tök elpanam chūök innyatlö famël tarik, Lipnā inrē holre tö nup chūök kiyôp e;

¹⁴Yattir inrē holre tö nuk chūök kiyôp e, Estemoā inrē holre tö nup chūök kiyôp e;

¹⁵Hōlòn inrē holre tö nup chūök kiyôp e, töp Tipir inrē holre tö nup chūök kiyôp e;

¹⁶Ain inrē holre tö nup chūök kiyôp e, Yūtta inrē holre tö nup chūök kiyôp e; Pĕtsīmes inrē holre tö nup chūök kiyôp e; machūötöre elpanam aṅ i miyöngö.

¹⁷Aṅ I miyöngö Penyamin inrē Kīpīön holre tö nup chūök kiyôp e, Kīpā holre tö nup chūök kiyôp e;

¹⁸Anātòt holre tö nup chūök kiyôp e, Amòn inrē holre tö nup chūök kiyôp e; fën elpanam.

¹⁹Ṙòkhöre nuk elpanam yik kūön Āròn, yik kūönṙô, nö lūöi sīön elpanam holre tö nup chūök kiyôp u.

²⁰Yik mupīhö yik kūön Kōhat inrē, yik Lēvī, yik chööḵṙen yik kūön Kōhat, kintölu cha-a tö elpanam tö aṅ i miyöngö Ifrēm.

²¹Kēten Sikem cha-a inrē nö in cha holre tö nup chūök kiyôp e ip rung panam Ifrēm, ngam elpanam chūök innyatlö famëlngö tarik, Kēsĕr inrē holre tö nup chūök kiyôp e;

²²Kipsēm inrē holre tö nup chūök kiyôp e, Pēthòròn inrē holre tö nup chūök kiyôp e; fën elpanam.

²³Aṅ i miyöngö Tën inrē, Eltekë holre tö nup chūök kiyôp e, Kīpētòn holre tö nup chūök kiyôp e;

²⁴Aiyalòn holre tö nup chūök kiyôp e; Kātrimòn holre tö nup chūök kiyôp e; fën elpanam:

²⁵Aṅ ik töròngti miyöngö Manāsē inrē, Ta-ānak holre tö nuk kiyôp e, Kātrimòn inrē tö nup chūök kiyôp e; nët elpanam.

²⁶Ṙòkhöre nup elpanam i mupīhö yik chööḵṙen yik kūön Kōhat nö holre tö nuk elpanam u.

²⁷Löö in yik kūön Kirsōn inrē, aṅ i mupīhö yik Lēvī, aṅ in ök töròngti miyöngö Manāsē, kēten Kōlan cha-a i Pasān holre tö nup chūök kiyôp e, ngam elpanam chūök innyatlö famëlngö tarik; Pĕ-esterā inrē holre tö nup chūök kiyôp e; nët elpanam.

²⁸Aṅ i miyöngö Isakār inrē, Kīsiön holre tö nup chūök kiyôp e Taperāt holre tö nup chūök kiyôp e;

²⁹Yarmut holre tö nup chūök kiyôp e, Enkānim holre tö nup chūök kiyôp e; fën elpanam.

³⁰Aṅ i miyöngö Asēr inrē, Misāl holre tö nup chūök kiyôp e, Eptòn holre tö nup chūök kiyôp e;

³¹Helkat holre tö nup chūök kiyôp e, Rēhòp inrē holre tö nup chūök kiyôp e; fën elpanam.

³²Aṅ i miyöngö Naftalī inrē Katĕs i Kelelī holre tö nup chūök kiyôp e, ngam elpanam chūök innyatlö famëlngö tarik, Hammòttòr inrē holre tö nup chūök kiyôp e, Kartān inrē holre tö nup chūök kiyôp e; lūöi elpanam.

³³Ṙòkhöre nup elpanam Kirsōn sā mupīhö cha nö lūöi sīön elpanam holre tö nup chūök kiyôp u.

³⁴I mupīhö yip kūön Merārī inrē, yip chööḵṙen yip Lēvi, aṅ i miyöngö Sepulön, Yòknēm holre tö nup chūök kiyôp e, Kartāh inrē holre tö nup chūök kiyôp e,

³⁵Timnā holre tö nup chūök kiyôp e, Nāhalal holre tö nup chūök kiyôp e; fën el panam.

³⁶Aṅ i miyöngö Rūpön inrē, Pēsĕr holre tö nup chūök kiyôp e, Yahās inrē holre tö nup chūök kiyôp e,

³⁷Kētĕmòt holre tö nup chūök kiyôp e, Mafā-at inrē holre tö nup chūök kiyôp e; fën elpanam.

³⁸Aṅ i miyöngö Kāt inrē, Ramòt i Kilīöt holre tö nup elpanam e, ngam elpanam chūök innyatlö famëlngö tarik; Mahanēn inrē holre tö nup chūök kiyôp e;

³⁹Hespòn holre tö nup chūök kiyôp e, Yôsör holre tö nup chūök kiyôp e: fën elpanam nö ṙòkhöre.

⁴⁰Ṙòkhöre nun në elpanam yik kūön Merārī sā mupīhö cha yik chööḵṙen mupīhö yik Lēvī; nët sīön elpanam kintölö cha inrē.

⁴¹Ṙòkhöre nuk elpanam yik Lēvī nö ellōn nuk amin yik kūön Israĕl nö fën anāi hëvhöre elpanam holre tö nup chūök kiyôp u.

⁴²Në elpanam kö inūvö tö chūök kiyôp nö havīlen u: ngatī inlahen në elpanam nö ṙòkhöre.

⁴³Ngaich ngam Mā Tēv nö kē-ĕkūö Israĕl tö nuk panam kinlēḵngô ò nö in yik muvöhngö cha; amīnu cha-a ngaich tö e, iyöng ël e inrē.

⁴⁴Ngaich ngam Mā Tēv nö vinngö tī nö kētö haneūheu cha, sā nuk ṙô ngam Mā Tēv nö kilēḵngôre nö in yik muvöhngö cha: ngaich öt hĕng tak tarik aṅ i yik tökunyahaelmat tö cha tökô nö sökhak nö i kūö cha; keuheūtlöre tī ngam Mā Tēv nö kētö yik tökunyaha elmat tö cha nö eltī cha.

⁴⁵Öt hĕng umuh tötteung aṅ i nuk tölöök ṙô ngam Mā Tēv nö i patī Israĕl; ṙòkhöre nö teungtökūö.