Read Car_Nicobarese 1 TIMÒTĪ 2 Bible Online

1 TIMÒTĪ 2 - Car_Nicobarese bible

1 TIMÒTĪ 2

¹Lökten chin halēn hòn urĕh inṙē-ĕl. Vinë-eṅkūötēv, vine-eṅlkui, nöinyö, chööḵnyô tö vē taṙòkhöre tarik,

²Chööḵnyô tö vē rācha, yip taṙòkhöre inrē el lātulöng chūök, hòṅ hī lök im tö lām, tö ṙēm inlaha inrē i nup taṙòkhöre lanöökö, öttinyāchen inrē.

³Tölöök an angū-ö, töhōḵov inrē nö i kūö ngam Tēv mahayööken hī;

⁴Ngam hamôtö taṙòkhöre nö hayöökaṙen, yih inrē nö im inkaha kanô-en.

⁵Pòn höng hĕng ngam Tēv, hĕng tak vamë-eṅlkui inrē i hôi ngam Tēv tö tarik, ngam Tarik Kristū Yēsū.

⁶Ngam kamëḵngöre nö ṙāi taṙòkhöre, ngam inmeukti mi-ip ṙētakre,

⁷Ngam chūök chu vītu ma-ahānga, tanīnöṙô inrē (kô-òṙô chin, öt minyôiny), mahaköptö Tahëng mihëṅṙö im mikah, kanô-en inrē.

⁸Lökten chin hōtö tarik nö keuheūtngöre chūök nö vë-ekūötēv, hachônglö nup töhet këlre, un holtö lanīnö kintöngölōn inrē.

⁹Ngatī inrē, hòṅ vē kikānö nö hanyöṅtöre i nup töt yineuṅhen hinlāṙö, holtö sinrōngen, öt yineūṅhen inrē; un holtö tökupātö keūyö, humlum inrē, hēk tasehe tö pōi ṙāi; hēk hilā tö pōi ṙāi;

¹⁰Ane pöri (nup tölöökö, ṙēti nö i kikānö inmeuktö tölöök) löktö i tölöök la-en.

¹¹Hökngen vē kikānö nö harūnöre nö i ṙamëmö, holtö öt inhôngen.

¹²Öt halöngten kikānö chinri nö haköphöti, öt rēhĕn nö kô nö hayöng ngam kikōnyö, im ṙanëmö pöri.

¹³Pò Ātöm nö urĕhlö vinī-iṅ, ngaich möl Ēva;

¹⁴Ane inrē öt Ātöm tö hachīlö, tön ngam kikānö tö hachīlö, ngaich fukngö nö im tökööl:

¹⁵Hayöökaṙen pöri min anga-aṅ nö im kinyôḵnyö nyīö, yē cha nö iṙuöhen, nö im mikah hanāngen, inhetlö inrē nö holtö ötyin-euṅhen.