Read Car_Nicobarese 1 TIMÒTĪ 4 Bible Online

1 TIMÒTĪ 4 - Car_Nicobarese bible

1 TIMÒTĪ 4

¹Pò ngam Töhet Fanöinylö nö lööknyi ṙô, tö yip rēvre min ip ṙētak unôich nö ṙāngenre nö im mikah, hangihtöre tö ṙô mahachōḵngen, tö nup inköphöti inrē aṅ i sī-ö.

²Kūö innyatkö elmat tö tarik yip tö minyôinyaṅ, sā tö aṅtī tö töṙāich vët nö katānhöti nö el kuilōn cha;

³Tahngö pinihö, hōtu ṙā-ang kūöre tö alaha, minë vahīlö ngam Tēv nö tö ha-öinytu kinë-eṅ tö cha yip ṙamātö ellōnre tö akahakūö inrē töm kanô-en.

⁴Pòn ṙòkhöre nö vahīlö ngam Tēv, nö tölöök, öt hĕng tökô nö sōḵov: yē-e nö kē-ĕ nö holtö nöinyö:

⁵Pò e nö tö ahetlöngö lökten im ṙô ngam Tēv, vinë-eṅkūötēv inrē.

⁶Yē meh chaphöt në nö ellōn yip hol ngaich me-eṅ min tö akaha mameukṙen Kristū Yēsū, haruklöngö i nup ṙô aṅ i mikah, aṅ i tölöök inköphöti, ngam tahömken meh söl ing töngamuh:

⁷Sōḵo nup tötlöök inchōḵoṙô, ṙô yip tö köiny kikānö töpihövö, Harūnöre me-eṅ im lanöökö;

⁸Pò ngam inrūnö ngam alaha nö öt pōyen kanôlòkūö, kôlòkūö pöri ngam lanöökö tö tökeuheūttöre, īnu tö ngam kinlēḵngô nômö ing töngamuh, ngam yamih min inrē.

⁹Tökô-en an ngam ṙô, tölöngen hinô-òṅ nö ṙòkhöre.

¹⁰Pò ih kūö e la-evṙen pītnyöre inrē, pò ngam maheūṅkkö ih nö töönglöngö nö im tö aṅ Tēv, ngam mahayööken taṙòkhöre tarik, mötlö cha-a yip ṙamatö ellōnre.

¹¹Anū-ö ṙô meh tölṙô, haköphöti inrē.

¹²Un tarīku mahakeūngen ṙētö meh, inchōten cha pöri me-eṅ, yip ṙāmātö ellōnre, i ṙô, i inlaha, i hanāngenlōn, i mikah, i hanëtö.

¹³Hakūötenre i vinë-eṅ kūö līpöre, inlēnö, inköphöti, hanöng saha yanihih chu.

¹⁴Un mëchi ap inlōnti in meh, ngam tö kētu nö in meh lökten im ṙô, nö holtö ṙinëptö el kui tö yip Pisköp nö holtö yip tanīnöṙô.

¹⁵Haṙēmngenre in u: kētöre öm in u keuheūttöre, hòṅ ngam kinröönngö meh nö hameuktu nö i taṙòkhöre.

¹⁶Chumkūöṙen man töre, tö ṙô meh haköphöti inrē. Iṙuöhen öm in u; tön i linökö u me-eṅ min öm hĕnghöre yöölen tī töre tö cha inrē, yip hamang ṙô meh.