Read Car_Nicobarese HEPRĀI 5 Bible Online

HEPRĀI 5 - Car_Nicobarese bible

HEPRĀI 5

¹Pòn ṙòkhöre vē mākūö kūönṙô, nö ṙā-ang i tarik nö kē-ĕ, pòkūö tarik nö vīlöngö nö i nup aṅ im Tēv, pòn hōtu nö hĕnghöre kētö nup inlōnti, kūö tökööl, nup tökētu inrē;

²Ap tökô nö ṙēmen nö keun öt mikah, lanô-òngkūö inrē, pò ò anga-aṅ inrē nö havīlöng tö öt kumlēḵen;

³Angū-ö lökten nö öt ṙanāngen, töpòkūö më tarik, pòkūöre inrē, nö kētö tökētu kūö tökööl.

⁴Öt hĕng tak tarik kamë ineū-euṅre nöng kahangenre, höng yĕn havëtu anga-aṅ tö ngam Tēv, sā Āròn misī.

⁵Ngatī Kristū nö öt hapōilöre im ineū-euṅ nö vīlöngö nö mākūö kūönṙô, tön Anga-aṅ ngam vamë-eṅ kūö Ò: Me-eṅ man Kūön chu, I ngih sakāmö öm lökngörit chu:

⁶Sā ṙô Ò inrē nö tahëng ngöre chūök, Me-eṅ man, tö-örheūheu kūönṙô, sā chöngö Melkisētĕk.

⁷Ök tö keuheūthëṙen nö kēḵlö nuk ṙôre vine-eṅlkui, hē ò nö tarik, nö kalēḵĕṙô nö peuiny, holtö makmat inrē, nö in Ò ngam tökô nö hayööken ò nö ṙā-ang im kinpaha, ngaich hāngö ṙô, chööḵnyö tö ök tölöök pinhe-eṅkūö,

⁸Pòrô Anga-aṅ nö Kūön sön nö harun öt minôṙô, nö i nuk kanihngen Ò;

⁹Keuheūthë inteungten, ngaich Anga-aṅ, nö in cha nö ṙòkhöre yip töt maha-ôngen Ò, nö löktö tö örheūheu-aṅ inyööken;

¹⁰Kaheūkö tö ngam Tēv nö mākūö kūönṙô sā chöngö Melkisētĕk.

¹¹In Ò nup ṙô ih nö pōyen, kihngen vine-eny manah, kūö yīö ṙahata elnang hang.

¹²Ngaich öre, tökūö ṙô-òtenre, öi mahaköphöti, ngaich yī-ö hēk hòṅ mahaköptu tö löklö ranehlö nup chöngö ngam Tēv, ngaich vītötre sā yip amòk aṅteh, töt hòṅ nya-aṅ tö töngëḵ nyā-aṅkūö.

¹³Pòn ngòh amòk aṅten, nö tut ulòhten nö im ṙô aṅ i lanöökö; pò ò nö tëṅnö.

¹⁴Nya-aṅkūö töpōyö pöri tarik, ngih töngëḵ nya-aṅkūö, cha-a yip kūöre nö mu-ulòhtenre nö harūnöre nö i inkaha, ngaich akah tölöök, inrē.