Read Car_Nicobarese HEPRĀI 8 Bible Online

HEPRĀI 8 - Car_Nicobarese bible

HEPRĀI 8

¹Ngih ön yöngkūö ngam kahòkkö hī: aṅhaṅv-in in tö mākūö kūönṙô ngam amūichngöre nö lahāmö ngam kantēra ngam Rācha el minë el halīöngö.

²Mameukṙen töhet, ngam tökô-en inrūkui inrē, ngam vahītö ngam Mā, öt tarik.

³Pòn kö vīlöngö vē mākūö kūönṙô nö hĕnghöre kētö inlōnti nup tökētu inrē: lökten ön ngòh mākūö kūönṙô inrē nö hòṅ kahëtuvö.

⁴Yĕn ing panam öre Anga-aṅ, ngaich rö-ö öre Anga-aṅ nö kūönṙô pòn yip umuh kamëtö nup inlōnti tö sā ngam chöngö;

⁵Ngam töng insā, nyat nup el halīöngö inrē, sā inköptö Môsös hē ò nö rultöre nö vī ngam inrūkui; pòn ngö ṙô anga-aṅ, Meuk man hòn ṙòkhöre nö vī-i nö sā ngam insōkngen meh ikui rôngö.

⁶Ngaich pöri töngamuh anga-aṅ nö teūngen tö tömötlö lanöökö mineukṙen, pòn anga-aṅ inrē aṅ im töngö-aṅlö kinlēḵngô chanöh ellōn, ngam töhaköpi nö i minë tömötlö lanöökö kinlēḵngô

⁷Yĕn öt vaich öre ngam mu-urĕh chöngö, ngaich ōthōḵ öre nö innëtu chöngö.

⁸Pòn kôtökūö tö tövaich nö in cha, ngö ṙô Anga-aṅ, Yĕh meuk, ngö ṙô ngam Mā, yih nup sakāmö, vītö tu- fömngöre Chin kinlēḵngô i patī Israĕl, i patī Yūtā inrē;

⁹Öt sā ngam kinlēḵngô vahī tö Chu ngaich i yik muvöh- ngö cha, Ik sakāmö hē Chu sarōk kël cha Öich hachōḵ- nyen cha ṙā-ang im panam Aikup, Pò cha nö iṙūöhen nö im chöngö Chu. Öt kūöngen chu-ö tö cha ngaich, ngö ṙô ngam Mā.

¹⁰Pòn ngih kinlēḵngô vahī tö Chu min i patī Israĕl; Ngö ṙô ngam Mā, unôichrit nuk sakāmö anū-ö; Ṙātö nup chöngö Chin min ellōn cha, Ellōn cha tī Chin min inrē kūichngö u: ngaich Chu- ö min Tēv cha, ngaich cha-a min nö tarik Chu:

¹¹Ngaich cha-a min nö kö öt haköptö holre aṅ panamre nö kö ngö ṙô tö holre, Akah ngam Mā: pòn ṙòkhöre min nö akahakūö tö Chu, löktö- kūö tökūöṅnö, söl i yip tö- kiröng in cha.

¹²Pò Chu aṙē-ĕlōn tö nup tö- kööl cha. Öt ngöhöre ka- nöpölōn Chin inrē tö nup tökööl cha.

¹³Angū-ö tufömngöre kinlēḵngô, ṙô Ò, nö ngaichtī nö vīngö ngam mu-urĕh nö köiny, ngam tö ngaich pöri nö köiny, hötṙeh inrē, nö ngaich nö chaṙēvi