Read Car_Nicobarese 1 YÔHAN 1 Bible Online

1 YÔHAN 1 - Car_Nicobarese bible

1 YÔHAN 1

¹Vë-eny nang yīö in tö ngam Ṙô ngam nômö ngam aṅ im raneh, ngam maheuṅk në mat ih, ngam ngahëichkö ih, ṙēpa inrē në kuntī ih.

²Hameuktuvö an ngam nômö, ngaich meūkö e ihö; ngaich eū-a, ane inrē vë-enynang yīö, tö ngam nômö, ngam tö örheūheuaṅ nômö, ngam hamòl ngam Yöng, ngaich hameuktuvö nö in ih.

³Ngam maheuṅk ih, ahang ih inrē, vë-eny nang yīö ihö, hòṅ yīö inrē hanôltöre in ih. Hol ngam Yöng, ngam Kūön Ò inrē, Yēsū Kristū, ngam innôlö hī.

⁴Kūichtö në in in yīö, hòṅ nup ṙanāmölōn ih nö hateūngiyö.

⁵Ngih öng yih inhānga, ngam ahang ih in Ò, ngaich vë-eny e ihö in yīö, tö ngam Tēv nö hanātö, öt sinngūluvö aṅ in An.

⁶Yē hī ngö ṙô töre, hanôltöre in in Ò, ngaich pöri lök el ngam sinngūlö, miyôinyaṅ ngaich ayī-ö; ngaich öt kēkö kaha ngam kanô-en,

⁷Yē hī pöri lök el ngam hanātö, sā Ò Anga-aṅ nö el ngam hanātö, ngaich kö hanôltöre ayī-ö in höö; ngaich ngam mahām Yēsū, ngam Kūön Ò, nö ahetlen hī i nup tökööl hī.

⁸Yē hī ötköölö fālen, tö ṙôre, ngaich höng mahachīlöre ayī-ö, öt īnu ayī-ö töm kanô-en.

⁹Yē hī pöri vë-eny tököölre, aṙēlöng min nup tökööl hī ahetlöngö ayī-ö i nup taṙòkhöre chanôchöre; pò ngam Tēv nö tökô-en takô.

¹⁰Yē hī ötköölö fālen tö ṙôre, töminyôinyaṅ ngaich Anga-aṅ, tö tī hī; ngaich öt īnu ayī-ö tö ngam Ṙô Ò.