Read Car_Nicobarese INMEUKHÖMAT 15 Bible Online

INMEUKHÖMAT 15 - Car_Nicobarese bible

INMEUKHÖMAT 15

¹Ngaich chū-ö meuk ök tahëng minkahngö el halīöngö, tökiröng, pinngangkūö inrē, sat tak yik mā-ahānga, holtö tösat invah tölëlngökūö, nuk manā-aṅ, pòn in u nö keuheūten ök lanīnö ngam Tēv:

²Ngaich chū-ö meuk ök tö sā tinmël mai, katēhĕre tö tameūyö; acha-a inrē yik tömihôiṅ, ṙamā-ang ik töṙeūla, ik insā ò, ṙamā-ang i minkahngö öp minë-eny ò, sökhaka nö ik tö sā tinmël mai, aṅhaṅv-in tö nuk ranöng ngam Tēv.

³Ngaich tikökṙôre cha-a tö tinkökö Môsös, ök tanölöṙô ngam Tēv, tinkökö ngam pököre inrē, nö ngö ṙô, Tökiröng, ane inrē pinngangkūö nun në vahīṙen Meh, Ō Mā Tēv, Tökeuheūttöre Chöngö; lanöökö, kanô-en inrē, minë talöökö meh, Me-eṅ Rācha vē pumnāmö tarik.

⁴Achiāp töt pa-ekūö, Ō Mā? Achiāp töt mahapōilö ngam minë-eny meh inrē? Tö meh höng me-eṅ töhet, pòn ṙòkhöre min vē pumnāmö tarik nö yih ngaich salām nö ikūö meh; pòn hameuktu nö ngaich nuk lanöökö la-en meh.

⁵Ngaich chū-ö meuk, unôichrit në, ngaich ap töhet chūök ngam inrūkui ngam inmeukti el halīöngö, nö löpnyukūö.

⁶Ngaich kunyī-inyre nö ṙā-ang el ngam töhet chūök, yik tö sat tak Ma-ahānga, yik tö sātö aṅ-in tö invah tölëlngökūö, hanyöṅtö tö töpōiṙāi ihong, töhet, tö-ayānga inrē, hamöp ṙòng tehre cha-a tö nuk humlum inmöpṙat.

⁷Ngaich hĕng nòng ök aṅ i nuk tö fën nòng tö-aṅ chehen, kame-eṅkūö yik tö sat tak Ma-ahānga, tö nuk tö sat humlum töchilū pingāṅl, tötööḵlö tö lanīnö ngam Tēv, ngam tö örheūheu nö aṅ.

⁸Ngaich tööḵlö ngam töhet chūök tö lul, ṙamā-ang i kanôlò ngam Tēv, i minhôiṅyö Ò inrē; ngaich öt hĕng tak tökô nö kuhēthötre nö el ngam töhet chūök, hanöng saha nuk tö sat invah tölëlngökūö nuk aṅ i yik tö sat tak Ma-ahānga, nö keuheūt.