Read Car_Nicobarese INMEUKHÖMAT 4 Bible Online

INMEUKHÖMAT 4 - Car_Nicobarese bible

INMEUKHÖMAT 4

¹Unôichrit në chū-ö meuk ap inkūp töluvë-akkūö el halīöngö. Sā ṙô fanöö ap vamë-ekūö chu; ap mu-urĕh ṙô ahang chu, hĕng tak tö ngö ṙô: Ta-ih, töich hameukhömat meh tö nup yamih min nö unôich.

²Ilööṙen chū-ö im ma-alaha. Ngaich hĕng ap kantēra maheuṅk chu el halīöngö; hĕng taka ap amūichhaka nö el ngam kantēra.

³Ngaich ap amūichhak nöng sā yaspis ihong, satīös inrē; havīlö ngam kantēra ngam mingākö tö sā mineūkö emeröl.

⁴Kahuk michöömö fën nup kantēra mahavīlö ngam ël minë kantēra, kahuk michöömö fën tak yip amūichhak Mākūö, inyuttö tö isoh: i kui cha nup humlum sapīöv.

⁵Löknyö el ngam kantēra nup hanyālö, ṙën ṙô, kunṙôkö inrē; sat nup ëāṅvö tameūyö nö hū nö ikūö ngam kantēra. Nup tö sat kanô-òṅ yip Töhet Fanöinylö im Tēv.

⁶Ngaich ikūö ngam kantēra, ök tö sā tinmël mai, sā tösehngöre ihong. I kūö ök kantēra, havīlö ngam kantēra inrē, fën nòng nup tö-aṅ chehechōn, töng matnyöre lākūö, lā uk inrē.

⁷Ngam mū-urĕh, sā layön: ngam innëtö, sā kun nuā; ngam finënö, sā kumteū matēṙö.

⁸Kö tafūölö sanëòk minë töfën nòng tö-aṅ chehechōn, tövinngö nöng matnyöre, lātuhēt inrē. Öt ṙākenre anū-ö tö sakāmö, hatööm inrē nö ngö ṙô, Töhet, töhet, töhet An ngam Mā Tēv, ngam Tökeuheūttöre Chöngö ngam tömisī, tö töngamuh, ngam tö mòkngöre inrē.

⁹Ngaich hē minë tö-aṅ chehechōn nö eū kanôlò, ineū-euṅ; ane inrē nöinyö ngam amūichhak nö el kantēra, in Ò ngam tö-örheūheu nö aṅ,

¹⁰Më tö kahuk michöömö fën tak Mākūö, nö afukngöre nö ikūö Ò ngam amūichhak nö el kantēra, ngaich sōntökūöre nö in Ò ngam tö-örheūheu nö aṅ. Ṙātö nup sapīövre cha-a i kūö ngam kantēra; nö ngö ṙô,

¹¹Tökô Man Me-eṅ, Mā ih ane inrē Tēv ih, Öm kē kanôlò ineū-euṅ minhôiṅyö inrē; pò meh vamī-iṅl taṙòkhöre; pòkūö lōn meh anū-ö nö sökhaka, nö vīlöngö.