Read Caribbean Javanese Wiwitan 23 Bible Online

Wiwitan 23 - Caribbean Javanese bible

Wiwitan 23

¹Bareng umuré Sara wis 127 taun, kuwi umuré Sara.

²Sara terus ninggal ndonya ing Kiryat-Arba, ya kuwi Hébron ing negara Kanaan. Abraham terus teka lan nangisi Sara.

³Sakwisé mengkono Abraham terus ngadek lan ninggalké layoné bojoné kuwi, lan rembukan karo turunané Hèt, tembungé:

⁴“Kula wong mantya lan neneka ing antarané sampéyan, lilanana kula nduwèni kuburan ing negara sampéyan iki, supaya kula bisa ngeterké lan ngubur bojo kula, sing ninggal ndonya iki.”

⁵Semauré turunané Hèt marang Abraham:

⁶“Sampéyan rungokké tembung kula, pak! Sampéyan kuwi ing tengah-tengah kula kéné kaya ratu gedé; mulané kula lilani kono sing ninggal dikubur ana kuburan kula sing apik déwé, mesti ora ana sedulur kula sing kabotan, karo sampéyan kanggo ngubur sing ninggal ndonya.”

⁷Abraham terus sendeku ana ngarepé turunané Hèt, rayaté negara kono,

⁸lan pada diomongi mengkéné: “Yèn sampéyan kabèh pada setuju, kula ngubur wong ku sing ninggal ndonya, kula njaluk dirungokké rembukku: kula njaluk sampéyan nembungké marang seduluré Efron anaké Sohar,

⁹supaya kula dikèki duwèké, guwa ing Makpéla sing sisih pungkasané keboné; guwa kuwi dikèkké marang kula sak pira regané, supaya kenèng kula nggawé kuburan ing tengahé sampéyan kéné.”

¹⁰Ing waktu kuwi Efron uga mbeneri lungguh ing sak tengahé turunané Hèt. Efron wong Hèt nyauri marang Abraham dirungokké karo wong-wong turunané Hèt, karo kabèh wong sing pada nekani ing gapurané kuta,

¹¹tembungé: “Wis ta, bapak kula, sampéyan rungokké tembung kula iki: Keboné kabèh guwané ing kono kula pasrahké marang sampéyan; ing ngarepé para wong bangsa kula, iki kula pasrahaken marang sampéyan; kula lilani ngubur sing ninggal ndonya.”

¹²Abraham terus sendeku ing ngarepé rayaté ing negara kono,

¹³lan ngetokké tembung marang Efron sing dirungokké karo wong-wong mau: “Yèn sampéyan gelem, iki tembung Kula: Kula mbayar duwit kanggo keboné, gelema nampani, lan sing ninggal ndonya terus bakal kula kubur ing kono.”

¹⁴Efron terus nyauri Abraham, tembungé:

¹⁵“Bapak kula, dirungokké tembung kula: keboné mung regané 400 sèkel slaka kuwi, wis ora apa-apa kanggo kita. Mangga sing ninggal ndonya sampéyan kubur waé.”

¹⁶Abraham terus setuju marang tembungé Efron, lan Efron ditimbangké duwit regané kaya sing disetujoni lan dirungokké karo wong-wong turunané Hèt mau, 400 sèkel slaka sing laku kanggo dagang.

¹⁷Mengkono lemahé Efron ing Makpéla ing wétané Mamré, keboné uga guwané ing kono, kabèh sakkèhé wit-witan ing sak keboné,

¹⁸kuwi dipasrahké dadi duwèké Abraham diseksèni karo turunané Hèt, karo wong-wong sing pada nekani ing gapurané kuta.

¹⁹Sakwisé Abraham terus ngubur Sara ing guwané lemah ing Makpéla ing wétané Mamré, ya kuwi ing Hébron negara Kanaan.

²⁰Lemah kabèh lan guwané ing kono dipasrahké dadi duwèké Abraham karo turunané Hèt, didadèkké kuburané duwèké.