Read Caribbean Javanese Wiwitan 36 Bible Online

Wiwitan 36 - Caribbean Javanese bible

Wiwitan 36

¹Iki turunané Esau, ya kuwi Edom.

²Esau kuwi golèk bojo wong wadon Kanaan, ya kuwi: Ada, anaké Elon wong Hèt lan Oholibama, anaké Ana, anaké Sibéon wong Hèwi,

³lan Basmat, anaké Ismaél adik Nébayot.

⁴Ada mau nglairké Elifas patutan sangka Esau, lan Basmat nglairké Rehuèl.

⁵Lan Oholibama nglairké Yeusy, Yaélam lan Korah. Ya kuwi para anaké Esau sing lairé ing negara Kanaan.

⁶Esau terus ngejak para bojoné, anak-anaké lanang lan wadon lan brayaté kabèh, bandané, kéwan-kéwan lan sembarang duwèké olèh-olèhé ing negara Kanaan, terus lunga menyang negara liyané pisah karo Yakub adiké.

⁷Awit banda duwèké kuwi okèh banget, njalari ora bisa tyampur panggonané, negara panggonané neneka kuwi ora nyukupi awit sangka okèhé ingon-ingoné.

⁸Dadiné Esau terus manggon ing pegunungan Seir; Esau kuwi Edom.

⁹Iki turunané Esau, leluhuré bangsa Edom ing pegunungan Seir.

¹⁰Iki jenengé para anaké Esau: Elifas, anaké Ada, bojoné Esau, Rehuèl anaké Basmat bojoné Esau.

¹¹Anaké Elifas ya kuwi: Téman, Omar, Sefo, Gaetam lan Kénas.

¹²Timna kuwi wayuhé Elifas anaké Esau, kuwi nglairké Amalèk patutan karo Elifas. Kuwi mau putu-putuné Ada bojoné Esau.

¹³Para anaké Rehuèl ya kuwi: Nahat, Sérah, Syama lan Misa. Kuwi para putuné Basmat bojoné Esau.

¹⁴Iki para anaké Oholibama, bojoné Esau, anaké Ana anaké Sibéon; kuwi nglairké anak patutan karo Esau, ya kuwi: Yeusy, Yaélam lan Korah.

¹⁵Iki para penggedéné taler turunané Esau: Elifas anaké mbarep Esau nurunké penggedéné golongan Téman, golongan Omar, golongan Sefo lan golongan Kénas,

¹⁶Penggedéné golongan Korah, golongan Gaetam lan golongan Amalèk: kuwi para penggedéné golongan Elifas ing negara Edom, kuwi turunané Ada.

¹⁷Para turunané Rehuèl anaké Esau ya kuwi: penggedéné golongan Nahat, penggedéné golongan Sérah, penggedéné golongan Syama lan penggedéné golongan Misa. Kuwi para penggedéné golongan anaké Rehuèl ing negara Edom; kuwi mau turunané Basmat bojoné Esau.

¹⁸Iki para anaké Oholibama bojoné Esau: Penggedéné golongan Yeusy, penggedéné golongan Yaélam, penggedéné golongan Korah; kuwi kabèh para anaké Oholibama bojoné Esau anaké Ana.

¹⁹Kuwi mau turunané Esau, ya kuwi Edom lan kuwi para penggedéné golongan-golongané.

²⁰Iki anak-anaké Seir wong Hori, wong negara kono: Lotan, Syobal, Sibéon lan Ana.

²¹Disyon, Eser lan Disyan, kuwi mau penggedéné golongan Hori, anaké Seir ing negara Edom.

²²Anak-anaké Lotan ya kuwi Hori lan Héman, seduluré Lotan sing wadon ya kuwi Timna.

²³Iki anak-anaké Syobal: Alwan, Manahat, Ebal, Syefo lan Oman.

²⁴Anak-anaké Sibéon: Aya lan Ana. Ana kuwi sing nemu sumber banyu anget ing ara-ara samun, nalika angon kimaré Sibéon bapaké.

²⁵Anaké Ana: Disyon lan Oholibama, anaké wadon Ana.

²⁶Iki anak-anaké Disyon: Hemdan, Esyban, Yitran lan Keran.

²⁷Iki para anaké Eser: Bilhan, Sawaan lan Akan.

²⁸Iki para anaké Disyan: Us lan Diarani.

²⁹Kuwi para penggedéné kumpulané wong Hori: penggedéné kumpulané Lotan, kumpulané Syobal, kumpulané Sibéon, kumpulané Ana,

³⁰kumpulané Disyon, kumpulané Eser lan kumpulané Disyan. Kuwi mau para penggedéné kumpulané wong Hori miturut kumpulané ing negara Seir.

³¹Iki para ratu sing mréntah ing negara Edom, sak durungé negara Israèl ana ratuné.

³²Ing negara Edom, sing ngratoni Béla anaké Béor, kutané diarani Dinhaba.

³³Sakwisé Béla mati, sing nggentèni Yobab anaké Serah sangka Bosra.

³⁴Sakwisé Yobab, sing nggentèni dadi ratu Husam sangka negara bangsa Téman.

³⁵Sakwisé Husam, sing nggentèni dadi ratu Hadad anaké Bedad, sing merangi suradadu Midian ing bawah Moab, kutané diarani Awit.

³⁶Sakwisé ratu Hadad, sing nggentèni dadi ratu Samla sangka Masréka.

³⁷Sakwisé ratu Samla, sing nggentèni dadi ratu Saul sangka Réhobot ing pinggir kali.

³⁸Sakwisé ratu Saul, sing nggentèni dadi ratu Baal-Hanan anaké Akbor.

³⁹Sakwisé ratu Baal-Hanan anaké Akbor, sing nggentèni dadi ratu Hadar, kutané diarani Pahu lan bojoné jenengé Méhétabéèl anaké matréd anaké Mesahab.

⁴⁰Iki jenengé para penggedéné turunané Esau manut kumpulané lan panggonané lan jenengé déwé-déwé; penggedéné kumpulané Timna, penggedéné kumpulané Alwa, penggedéné kumpulané Yetet,

⁴¹penggedéné kumpulané Oholibama, penggedéné kumpulané Ela, penggedéné golongan Pinom,

⁴²penggedéné Kénas, penggedéné Tema, penggedéné Mibsar,

⁴³penggedéné kumpulané Makdièl lan penggedéné kumpulané Iram. Ya kuwi para penggedéné kumpulané Edom manut panggonané ing negara duwèké déwé-déwé. Edom kuwi Esau, leluhuré bangsa Edom.