Read Caribbean Javanese Wiwitan 5 Bible Online

Wiwitan 5 - Caribbean Javanese bible

Wiwitan 5

¹Iki turunané Adam. Waktu Gusti Allah nggawé Adam, sing nggawé mada-rupa karo Gusti Allah.

²Digawé lanang lan wadon lan pada diberkahi lan diarani: “Manungsa”, ya kuwi ing nalikané pada digawé.

³Bareng Adam umur 130 taun, terus nduwé anak sing pada rupané lan gambaré, dijenengaké: Sèt.

⁴Sakwisé nduwé anak Sèt, Adam ijik nduwé umur 800 taun menèh, lan nduwé anak lanang lan wadon.

⁵Dadi umuré Adam 930 taun, terus ninggal ndonya.

⁶Waktu Sèt umur 105 taun, nduwé anak Enos.

⁷Sakwisé anak Enos, Sèt ijik nduwèni umur 807 taun menèh, lan nduwé anak lanang lan wadon.

⁸Dadiné umuré Sèt 912 taun, terus ninggal ndonya.

⁹Waktu Enos umur sangang puluh taun, nduwé anak.

¹⁰Sakwisé nduwé anak Kénan, Enos ijik nduwèni umur 815 taun menèh, lan nduwé anak lanang lan wadon.

¹¹Dadi umuré Enos 905 taun, terus ninggal ndonya.

¹²Waktu Kénan umur pitung puluh taun, nduwé anak Mahalalèl.

¹³Sakwisé nduwé anak Mahalalèl, Kénan ijik nduwèni umur 840 taun menèh, lan nduwé anak lanang lan wadon.

¹⁴Dadi umuré Kénan 910 taun, terus ninggal ndonya.

¹⁵Waktu Mahalalèl umur suwidak lima taun, nduwé anak Yarèd.

¹⁶Sakwisé nduwé anak Yarèd, Mahalalèl ijik nduwé umur 830 taun menèh, lan nduwé anak lanang lan wadon.

¹⁷Dadi umuré Mahalalèl 895 taun, terus ninggal ndonya.

¹⁸Waktu Yarèd umur 162 taun, nduwé anak Hénokh.

¹⁹Sakwisé nduwé anak Hénokh, Yarèd ijik nduwèni umur 800 taun menèh, lan nduwé anak lanang lan wadon.

²⁰Dadi umuré Yarèd 962 taun, terus ninggal ndonya.

²¹Waktu Hénokh umur suwidak lima taun, terus nduwé anak Métusalah.

²²Hénokh sakwisé nduwé anak Métusalah mau, mlakuné manut karo Gusti Allah, lan ijik dikèkké umur 300 taun, lan dikèkké anak lanang lan wadon.

²³Dadi umuré Hénokh telung atus suwidak lima taun.

²⁴Hénokh mlakuné rumaket karo Gusti Allah, terus ora ana, awit wis diangkat karo Gusti Allah.

²⁵Waktu Métusalah umur 187 taun, nduwé anak Lamèk.

²⁶Sakwisé nduwé anak Lamèk, Métusalah ijik nduwèni umur 782 taun, lan nduwé anak lanang lan wadon.

²⁷Dadi umuré Métusalah 969 taun, terus ninggal ndonya.

²⁸Waktu Lamèk umur 100 wolung puluh loro taun, nduwé anak lanang,

²⁹kuwi dijenengaké Noah, lan ngomong: Botyah iki bakal ngekèki panglipuran marang kita ing sak njeruhné penggawéan kita sing ngrekasa banget ing bumi sing wis kena ing paukuman GUSTI iki.

³⁰Sakwisé nduwé anak Noah, Lamèk ijik nduwèni umur 595 taun, lan dikèkké anak lanang lan wadon.

³¹Dadi umuré Lamèk 777 taun, terus ninggal ndonya.

³²Waktu Noah umur 500 taun, nduwé anak Sèm, Ham lan Yafèt.