Read Caribbean Javanese 1 Lelakoné Kraton 2 Bible Online

1 Lelakoné Kraton 2 - Caribbean Javanese bible

1 Lelakoné Kraton 2

¹Iki para anaké Israèl: Rubèn, Siméon, Lèwi, Yéhuda, Isakar, Sébulon,

²Dan, Yosèf, Bényamin, Naftali, Gad lan Asyèra.

³Para anaké Yéhuda ya kuwi Er, Onan lan Sela, dadiné telu, kuwi lair sangka anaké wadon Syua, wong Kanaan. Nanging Er, anaké Yéhuda sing mbarep, kuwi ora apik ing ngarepé GUSTI, mulané terus dipatèni karo GUSTI

⁴Tamar, mantuné Yéhuda, nduwé anak Pèrès lan Sérak. Dadiné anaké Yéhuda kuwi kabèh ana lima.

⁵Para anaké Pèrès ya kuwi Hèsron lan Hamul.

⁶Para anaké Sérah ya kuwi Simri, Etan, Héman, Kalkol lan Dara, kabèh lima.

⁷Turunané Karmi ya kuwi Akar, sing nggawé tyilakané wong Israèl, awit ora netepi marang préntah ing bab barang-barang sing didèwèkké kanggo Gusti.

⁸Turunané Etan ya kuwi Asarya.

⁹Para anaké Hèsron ya kuwi Yerakméél, Ram lan Kelubai.

¹⁰Ram nduwé anak Aminadab, lan Aminadab nduwé anak Nahason, penggedéné turunané Yéhuda.

¹¹Nahason nduwé anak Salma lan Salma nduwé anak Boas.

¹²Boas nduwé anak Obèd lan Obèd nduwé anak Isai.

¹³Isai nduwé anak Eliab, kuwi mbarepé, terus Aminadab, sing nomer loro, Siméa, sing nomer telu,

¹⁴Nétanéèl, sing nomer papat, Radai sing nomer lima.

¹⁵Osem, sing nomer nem, terus Daved, anak sing nomer pitu.

¹⁶Nanging para seduluré wadon ya kuwi Seruya lan Abigail. Para anaké Seruya ya kuwi Abisai, Yoab lan Asaèl, dadiné telu.

¹⁷Abigail nduwé anak Amasa, nanging bapaké Amasa kuwi Yètèr, wong Ismaél.

¹⁸Kalèb anaké Hèsron nduwé anak Yeriot, turunané karo Asuba, bojoné; nanging para anaké wadon ya kuwi Yesyer, Sobab lan Ardon.

¹⁹Kadung Asuba wis ninggal ndonya, kalèb rabi karo Efrat terus nduwé anak Hur.

²⁰Hur nduwé anak Uri, lan Uri nduwé anak Bésaleèl.

²¹Sakwisé mengkono Hèsron rabi karo anaké wadon Makir, bapaké Giléad. Nalika rabi karo wong wadon kuwi, dèkné wis umuré suwidak taun. Kuwi terus nduwé anak Segub.

²²Segub nduwé anak Yair, sing nduwèni désa telulikur ing negara Giléad.

²³Nanging Hawot-Yair terus direbut karo Gesur lan Aram, semono uga Kenat lan désa-désané sing klebu ing pangwasané, ana désa suwidak. Kuwi kabèh para turunané Makir, bapaké Giléad.

²⁴Sakwisé Hèsron ninggal ndonya, Kalèb terus rabi Karo Efrata - bojoné Hèsron - Efrata kuwi terus nduwé anak Asyur, bapaké Tékoa.

²⁵Para anaké Yerakméél, anaké mbarep Hèsron, ya kuwi Ram, wong iki sing mbarep, terus Buna, Oren, Osem lan Ahia.

²⁶Nanging Yerakméél nduwé bojo liyané sing asmané Atara, kuwi nduwé anak Oman.

²⁷Para anaké Ram, anaké mbarep Yerakméél, ya kuwi Maas, Yamin lan Eker.

²⁸Para anaké Oman ya kuwi Samai lan Yada, lan Samai nduwé anak Nadab lan Abisur.

²⁹Bojoné Abisur asmané Abigail, sing nduwé anak Akban lan Molid.

³⁰Para anaké Nadab ya kuwi Saled lan Apaim; Saled ninggal ndonya ora nduwé anak.

³¹Apaim nduwé anak Yesei, lan Yesei nduwé anak Sesan, lan Sesan nduwé anak Aklai.

³²Yada, adiké Samai nduwé anak Yètèr lan Yonatan. Yètèr ninggal ndonya ora nduwé anak.

³³Para anaké Yonatan ya kuwi Pelet lan Sasa. Kuwi para turunané Yerakméél.

³⁴Anaké Sesan ora ana sing lanang, kabèh wadon, nanging Sesan nduwé abdi lanang, wong Egipte, jenengé Yarha.

³⁵Sesan terus ngekèkké anaké marang Yarha, abdiné mau, dadi bojoné, kuwi terus nduwé anak Atai.

³⁶Atai nduwé anak Natan, lan Natan nduwé anak Sabad.

³⁷Sabad nduwé anak Eplal lan Eplal nduwé anak Obèd.

³⁸Obèd nduwé anak Yéhu, lan Yéhu nduwé anak Asarya

³⁹Asarya nduwé anak Heles, lan Heles nduwé anak Elasa.

⁴⁰Elasa nduwé anak Sismai, lan Sismai nduwé anak Salum.

⁴¹Salum nduwé anak Yekamya lan Yekamya nduwé anak Elisama.

⁴²Para turunané Kalèb, adiké Yerakméél, ya kuwi Mesa, mbarepé, bapaké Sif, lan para anaké Maresa, bapaké Hébron.

⁴³Para anaké Hébron ya kuwi Korah, Tapuah, Rekem, lan Sema.

⁴⁴Sema nduwé anak Raham, bapaké Yorkeam, lan Rekem nduwé anak Samai.

⁴⁵Anaké Samai ya kuwi Maon, lan Maon kuwi nduwé anak Bèt-Sur.

⁴⁶Efa, bojoné wayuh Kalèb, nduwé anak Haran, Mosa lan Gases; Haran nduwé anak Gases.

⁴⁷Para anaké Yohdai ya kuwi Regem, Yotam, Gesan, Pelet, Efa lan Saaf.

⁴⁸Maaka, bojoné wayuh Kalèb, nduwé anak Seber lan Tirhana.

⁴⁹Maaka uga nduwé anak Saaf, bapaké Madmana lan Sewa, bapaké Makbena lan bapaké Gibéa. Anaké Kalèb sing wadon asmané Aksa.

⁵⁰Kuwi kabèh turunané Kalèb. Para anaké Hur, anak mbarepé Efrata, ya kuwi Sobal, bapaké Kiryat-Yearim,

⁵¹Salma, bapaké Bètléhèm lan Haref, bapaké Bèt-Gader.

⁵²Turunané Sobal, bapaké Kiryat-Yearim, ya kuwi Haroé lan separoné wong Menukot.

⁵³Nanging sing ijik turunané Kiryat-Yearim ya kuwi wong Yetri, wong Puti, wong Sumati lan wong Misrai lan iya sangka kuwi asal-usulé wong Sora lan wong Esytaol.

⁵⁴Turunané Salma ya kuwi Bètléhèm, wong Nepota, Atarot-Bet-Yoab lan separoné wong Manakti ya kuwi wong Sori.

⁵⁵Lan turunané kuwi para wong pinter nulis sing pada manggon ing Yabes, ya kuwi wong Tirati, wong Simati lan wong Sukhati. Kuwi kabèh wong Kèni turunané Hamat, leluhuré turunané Rekab.