Read Caribbean Javanese 1 Lelakoné Kraton 24 Bible Online

1 Lelakoné Kraton 24 - Caribbean Javanese bible

1 Lelakoné Kraton 24

¹Iki golongan-golongané tyedak turunané imam Harun. Para anaké imam Harun ya kuwi Nadab, Abihu, Eléazar lan Itamar.

²Nanging imam Nadab lan imam Abihu enggoné ninggal ndonya luwih ndisik tenimbangané bapaké lan ora ninggal anak lanang, mulané sing kanggonan pangkat imam ya kuwi Eléazar lan Itamar.

³Daved diréwangi karo imam Sadok sangka turunané Eléazar lan imam Akimèlèk sangka turunané Itamar, nggolong-nggolongké para wong kuwi miturut kuwajipané ing sak njeruhné nindakké pernatan pangabekti.

⁴Terus pada weruh yèn, ing antarané turunané imam Eléazar penggedéné golongan luwih okèh tenimbangané ing antarané turunané imam Itamar, mulané dipisah mengkéné: kanggo turunané Eléazar pemimpiné brayaté ana nembelas, nanging kanggo turunané Itamar wolu.

⁵Sak terusé enggoné ngedum kuwi karo nguntyalké lotré tanpa mbédak-mbédakké, awit turunané imam Eléazar lan turunané imam Itamar ana sing dadi “para penggedé sutyi” lan “para pengarepé Gusti Allah,” kuwi ya turunané Eléazar lan ya turunané Itamar.

⁶Nanging Semaya anaké Nétanéèl, juru tulisé, sakwijiné wong Lèwi, kuwi nulisi jeneng-jenengé ing ngarepé ratu, para penggedéné imam Sadok, imam Akimèlèk, anaké Abyatar lan ing ngarepé para pemimpiné brayaté imam-imam lan wong Lèwi. Saben-saben sangka turunané Eléazar dijukuk kulawargané siji, mengkono uga sangka turunané Itamar ya kulawargané siji.

⁷Lotréan sing wiwitan tiba marang imam Yoyarib; sing kaping pindo marang imam Yedaya;

⁸sing kaping telu marang imam Harim; sing kaping papat marang imam Seorim;

⁹sing kaping lima marang imam Malkia; sing kaping nem marang imam Miyamin;

¹⁰sing kaping pitu marang imam Hakos; sing kaping wolu marang imam Abia;

¹¹sing kaping sanga marang imam Yésua; sing kaping sepuluh marang imam Sekanya;

¹²sing kaping sewelas marang imam Elyasib; sing kaping rolas marang imam Yakim;

¹³Sing kaping telulas marang imam Hupa; sing kaping patbelas marang imam Yesebeab;

¹⁴sing kaping limalas marang imam Bilga; sing kaping nembelas marang imam Imèr;

¹⁵sing kaping pitulas marang imam Hesir; sing kaping wolulas marang imam Hapises;

¹⁶sing kaping songolas marang imam Pétahya; sing kaping rongpuluh marang imam Yéhèskièl;

¹⁷sing kaping selikur marang imam Yakin; sing kaping rolikur marang imam Gamul;

¹⁸sing kaping telulikur marang Delaya; sing kaping patlikur marang imam Maasia.

¹⁹Kuwi sangka wong-wong mau ing sak njeruhné pada nindakké pernatan pangabekti, sakwisé mlebu ing griyané GUSTI, miturut ing pernatan sing dikèkké marang dèwèké kabèh lantaran imam Harun, leluhuré, tyotyok karo apa sing dipréntahké karo GUSTI, Gusti Allahé Israèl.

²⁰Golongan sing ijik kèri sangka turunané Lèwi, sangka para tyedak turunané Amram ya kuwi Subaèl, sangka turunané Subaèl, Yehdeya;

²¹sangka turunané Rehabya ya kuwi Yisia, sakwijiné pemimpin;

²²sangka turunané Yizhar ya kuwi Selomot; sangka turunané Selomot ya kuwi Yahat.

²³Para anaké Hébron ya kuwi Yeria, sakwijiné pemimpin Amarya, anaké sing nomer loro, Yahasiel, sing nomer telu, lan Yekaméan, sing nomer papat.

²⁴Anaké Yizhar ya kuwi Mika; sangka para turunané Mika ya kuwi Samir.

²⁵Seduluré Mika ya kuwi Yisia; sangka para anaké Yisia ya kuwi Sakaria.

²⁶Turunané Mérari ya kuwi Mahli lan Musi, uga para anaké Yaazia, anaké.

²⁷Turunané Mérari sangka Yaazia, anaké, ya kuwi Syoham, Sakur lan Hibri.

²⁸Sangka Mahli ya kuwi Eléazar; kuwi ora nduwé anak.

²⁹Sangka Kis ya kuwi Yerakméél.

³⁰Para anaké Musi ya kuwi Mahli, Eder lan Yerimot. Kuwi turunané Lèwi miturut brayaté.

³¹Kuwi ya pada nguntyalké lotré pada kaya para seduluré tunggal taleré, tyedak turunané Harun, ing ngarepé Daved, imam Sadok, imam Akimèlèk lan ing ngarepé para pemimpiné kulawargané, para imam lan wong Lèwi. Ing bab iki pemimpiné kulawargané kuwi pada karo seduluré sing tyilik déwé.