Read Caribbean Javanese 1 Lelakoné Kraton 25 Bible Online

1 Lelakoné Kraton 25 - Caribbean Javanese bible

1 Lelakoné Kraton 25

¹Sak terusé kanggo pangabekti Daved lan para penggedéné suradadu pada ngangkat para anaké Asaf, para anaké Héman lan para anaké Yedutun. Kuwi pada nggelar kaweruh karo diiringi siter, harep lan ketyer. Daftaré para wong sing pada nindakké penggawéan ing sak njeruhné pangabekti kuwi mengkéné:

²sangka anaké Asaf ya kuwi Sakur, Yosèf, Netanya lan Arasela, para anaké Asaf kuwi dipimpin karo Asaf, sing nggelar kaweruh karo sing diduduhké ratu.

³Sangka Yedutun ya kuwi anak-anaké Yedutun: Gedalya, Seri, Yésaya, Simèi, Hasabia lan Matitya, kabèhé ana enem, kuwi ketuntun karo bapaké, Yedutun, sing nggelar kaweruh diiringi karo siter waktu memuji kidung maturkesuwun lan pamujiné kanggo GUSTI.

⁴Sangka Héman ya kuwi anak-anaké Héman: Bukia, Matanya, Yizhar, Sebuel, Yerimot, Hananya, Hanani, Eliata, Gidalti, Romamti-Eser, Yosbékasa, Maloti, Hotir lan Mahaziot.

⁵Kuwi kabèh anaké Héman, juru ndeloké ratu, miturut janjiné Gusti Allah kanggo ngluhurké sunguné kekuwatané; awit Gusti Allah wis ngekèki anak marang Héman, lanang patbelas lan wadon telu.

⁶Kabèh kuwi pada dipimpin karo bapaké yèn pinuju mujèkaké kidungan ing griyané GUSTI diiringi karo siter, harep lan ketyer kanggo pangabekti ing omahé Gusti Allah karo sing diduduhké ratu. Kaya mengkono kuwi turunané Asaf, Yedutun lan Héman.

⁷Tyatyahé karo para seduluré sing wis dilatih ngidung kanggo GUSTI, kabèh kuwi pada pinter musik, kuwi ana 288 wong.

⁸Tuwa enom, guru lan murid, pada nguntyalké lotré kanggo kerjanané.

⁹Lotréan sing wiwitan tiba marang Yosèf wong Asaf; sing kaping pindo tiba marang Gedalya karo seduluré lan anak-anaké, kabèhé wong rolas;

¹⁰Lotréan sing kaping telu tiba marang Sakur, anak-anaké lan seduluré, kabèhé wong rolas;

¹¹sing kaping papat tiba marang Yisri, anak-anaké lan seduluré, kabèhé wong rolas;

¹²sing kaping lima tiba marang Netanya, anak-anaké lan seduluré, kabèhé wong rolas;

¹³sing kaping nem tiba marang Bukia, anak-anaké lan seduluré, kabèhé wong rolas;

¹⁴sing kaping pitu tiba marang Yasarela anak-anaké lan seduluré, kabèhé wong rolas;

¹⁵sing kaping wolu tiba marang Yésaya, anak-anaké lan seduluré, kabèhé wong rolas;

¹⁶sing kaping sanga tiba marang Matanya, anak-anaké lan seduluré, kabèhé wong rolas;

¹⁷sing kaping sepuluh tiba marang Simèi, anak-anaké lan seduluré, kabèhé wong rolas;

¹⁸sing kaping sewelas tiba marang Asareel, anak-anaké lan seduluré, kabèhé wong rolas;

¹⁹sing kaping rolas tiba marang Hasabia, anak-anaké lan seduluré, kabèhé wong rolas;

²⁰sing kaping telulas tiba marang Subaèl, anak-anaké lan seduluré, kabèhé wong rolas;

²¹sing kaping patbelas tiba marang Matitya, anak-anaké lan seduluré, kabèhé wong rolas;

²²sing kaping limalas tiba marang Yérémot, anak-anaké lan seduluré, kabèhé wong rolas;

²³sing kaping nembelas tiba marang Hananya, anak-anaké lan seduluré, kabèhé wong rolas;

²⁴sing kaping pitulas tiba marang Yosbékasa, anak-anaké lan seduluré, kabèhé wong rolas;

²⁵sing kaping wolulas tiba marang Hanani, anak-anaké lan seduluré, kabèhé wong rolas;

²⁶sing kaping songolas tiba marang Maloti, anak-anaké lan seduluré, kabèhé wong rolas;

²⁷sing kaping rongpuluh tiba marang Eliata, anak-anaké lan seduluré, kabèhé wong rolas;

²⁸sing kaping selikur tiba marang Hotir, anak-anaké lan seduluré, kabèhé wong rolas;

²⁹sing kaping rolikur tiba marang Gidalti, anak-anaké lan seduluré, kabèhé wong rolas;

³⁰sing kaping telulikur tiba marang Mahaziot, anak-anaké lan seduluré, kabèhé wong rolas;

³¹sing kaping patlikur tiba marang Romamti-Eser, anak-anaké lan seduluré, kabèhé wong rolas.