Read Caribbean Javanese 1 Lelakoné Kraton 4 Bible Online

1 Lelakoné Kraton 4 - Caribbean Javanese bible

1 Lelakoné Kraton 4

¹Para anaké Yéhuda ya kuwi Pèrès, Hèsron, Karmi, Hur, lan Syobal.

²Syobal nduwé anak Reaya, lan nduwé anak Yahat, lan Yahat nduwé anak Ahumai lan Lahad. Kuwi turunané wong Sora.

³Iki para anaké Etam: Yisreèl, Isma lan Idbas; seduluré wadon asmané Haselelponi;

⁴terus Pnuèl, bapaké Gedor, lan Eser, bapaké Husa. Kuwi kabèh para turunané Hur, anak mbarepé Efrata, bapaké Bètléhèm.

⁵Asyur, bapaké Tékoa, bojoné loro, ya kuwi Hela lan Naara.

⁶Naara nduwé anak Ahusam, Hèfèr, Temeni lan wong Ahastari. Kuwi para anaké Naara.

⁷Para anaké Hela ya kuwi Seret, Yesohar lan Etnan.

⁸Kos nduwé anak Anub, Hasobeba, lan turunané Aharhel anaké Harum.

⁹Yabes[1] kuwi sing mulya déwé ing antarané para seduluré; mulané ibuné ngekèki asma Yabes, awit tembungé: “Enggonku nglairké dèwèké kuwi karo ngrasakaké lara.”

¹⁰Yabes kuwi nyebut marang Gusti Allahé Israèl, tembungé: “Panjenengan muga gelem ngekèki berkah marang kula nganti lubèr lan supaya gelem njembarké panggonan pangwasa kula, uga supaya tangan Panjenengan nuntun kula lan gelem ngedohké kula sangka kasangsaran, terus kula ora katekan ing lelara!” Lan Gusti Allah gelem nuruti penjaluké kuwi.

¹¹Kelub, seduluré Suha, nduwé anak Mokir, bapaké Eston;

¹²lan Eston nduwé anak Bèt-Rafa, Paséah lan Tehina, bapaké Ir-Nahas. Kuwi wong Reka.

¹³Para anaké Kénas ya kuwi Otnièl lan Seruya; lan para anaké Otnièl ya kuwi Hatat lan Meonotai;

¹⁴nanging Meonotai nduwé anak Ofra. Seruya nduwé anak Yoab, bapaké para wong sing manggon ing legokan tukang, awit kabèh pada dadi tukang.

¹⁵Para anaké Kalèb anaké Yéfuné ya kuwi Iru. Ela lan Naam; lan turunané Ela ya kuwi Kénas.

¹⁶Para anaké Yehaleleel ya kuwi Sif, Sifa, Tireya lan Asareel.

¹⁷Para anaké Ezra ya kuwi Yètèr, Mered, Efer, lan Yalon. Kuwi para anak sing lair sangka Bitya, anaké wadon Parao sing dikèkké marang Mered dadi bojoné. Wong wadon kuwi nduwé anak Miryam, Samai, lan Yisbah, bapaké Etemoa.

¹⁸Nanging bojoné Mered sing sangka negara Yéhuda, kuwi nduwé anak Yered, bapaké Gedor lan Hèbèr, bapaké Sokho, lan Yekutiel, bapaké Sanoah.

¹⁹Para anaké bojoné Hodia, seduluré wadon Naham, ya kuwi Abi-Kéhila, wong Gami, lan Etemoa, wong Maaka.

²⁰Para anaké Simon, ya kuwi: Amnon, Awan, Benhanan lan Tilon. Para anaké Yisei ya kuwi Sohet lan Ben-Sohet.

²¹Para turunané Sela, anaké Yéhuda, ya kuwi Er, bapaké Leka, lan Lada bapaké Maresa, lan para turunané sing penggawéané nenun bakal mori lenan alus ing Bèt-Asybéa,

²²terus Yokim lan para wong Koseba, lan Yoas lan Saraf sing ngwasani Moab lan ing sak terusé terus bali mulih menyang ing Bètléhèm; tyerita-tyerita iki wis mbiyèn.

²³Kuwi kabèh pada dadi tukang kendi sing manggon ing Netaim lan Gedera; wong-wong mau pada manggon ing kono lan pada nindakké penggawéan kanggo ratu.

²⁴Para anaké Siméon ya kuwi Nemuèl, Yamin, Yarib, Serah lan Saul;

²⁵wong iki nduwé anak Salum; wong iki nduwé anak Mibsam; wong iki nduwé anak Misma.

²⁶Turunané Misma ya kuwi Hamuel, iki anaké; wong iki nduwé anak Sakur; wong iki nduwé anak Simèi.

²⁷Simèi kuwi anaké lanang ana nembelas, lan sing wadon enem; nanging para seduluré pada ora nduwé anak okèh; turunané iki kabèh tambahé ora okèh kaya turunané Yéhuda.

²⁸Kuwi pada manggon ing Bèrsyéba, Molada, Hasar-Sual,

²⁹Bilha, Ezem, Tolad,

³⁰Bétuèl, Horma, Siklag,

³¹Bèt-Markabot, Hazar-Susim, Bèt-Biri lan ing Saaraim. Kuwi kuta-kutané nganti tekan Daved dadi ratu.

³²Nanging désa-désané ya kuwi; Etam, Ain, Rimon, Tokem lan Asan, kabèhé ana désa lima;

³³uga kabèh désané ing sak ubengé pedésan-pedésan kuwi nganti tekan ing Baal. Ya kuwi panggonané sing dadi panggonané lan kuwi pada nduwé turunané déwé-déwé.

³⁴Sak terusé Mesobab, Yamlek, Yosa anaké Amasia,

³⁵Yoèl, Yéhu anaké Yosibya Seruya anaké Asiel,

³⁶Elyoenai, Yaakoba, Yesihaya, Asaya, Adiel, Yesimiel, Benaya,

³⁷Sina anaké Sipei, anaké Alon, anaké Yedaya, anaké Simri, anaké Semaya -

³⁸tunggalané wong-wong iki sing diarani asma-asmané mau pada dadi penggedéné turunané déwé-déwé. Para brayaté pada dadi mundak tambah-tambah.

³⁹Mulané terus pada ngalih nyedaki Gedor, nganti tekan ing wétané legokan, golèk pangonan kanggo wedus-wedusé.

⁴⁰Pada bisa olèh pangonan sing lemu lan apik; negara kuwi jembar lan tentrem lan kuwat; wong sing pada manggon ing kono sing luwih ndisik kuwi turunané Ham.

⁴¹Para wong sing jenengé ketulis iki enggoné mrana waktu jamané Hiskia ratu ing Yéhuda, lan pada ngentèkké tarup-tarupé wong Ham lan wong Meunim sing ketemu ing kono lan terus pada dientèkké; kaya mengkono nganti tekan ing dina iki. Sakwisé mengkono terus pada ngenggoni panggonané wong-wong mau, jalaran ing kono ana panggonan kanggo wedus-wedusé.

⁴²Sak bagéan, tunggalané turunané Siméon, tyatyahé wong 500 pada ngalih menyang ing pegunungan Seir. Sing dadi penggedéné ya kuwi Pélatya, Néaria, Répaya lan Yizhar, para anaké Yisei.

⁴³Turahé wong Amalèk sing pada bisa utyul, dientèkké, terus pada manggon ing kono nganti ing dina iki.