Read Caribbean Javanese 1 Lelakoné Kraton 7 Bible Online

1 Lelakoné Kraton 7 - Caribbean Javanese bible

1 Lelakoné Kraton 7

¹Para anaké Isakar ya kuwi Tola lan Puah, Yasub lan Siméon, kabèhé papat.

²Tola nduwé anak Uzi, Répaya, Yèrièl, Yakmai, Yibsam lan Samuèl, iki pada dadi para penggedéné turunané Tola, kabèh pada wong suradadu sing gagah rosa-rosa; miturut itungan jamané Daved gunggungé turunané ana 22.600 wong.

³Turunané Uzi ya kuwi Yizrahya, anaké Yizrahya ya kuwi Mikaèl, Obaja, Yoèl lan Yisia, kabèhé lima, kabèh pada dadi penggedéné.

⁴Sak ngisoré miturut itungan turunané lan miturut brayaté, ana golongan-golongané suradadu sing tyatyahé 36.000, awit bojoné lan anak-anaké okèh.

⁵Para seduluré tunggal taler tunggalé turunané Isakar, kuwi pada dadi penggedéné suradadu sing gagah lan rosa-rosa, kabèh ana 87.000 wong, sing pada ketulis ing kitab turunané.

⁶Para anaké Bényamin ya kuwi Béla, Beker lan Yediael, kabèhé telu.

⁷Para anaké Béla ya kuwi Esbon, Uzi, Yizhar, Yerimot lan Iri, kabèhé lima, pada dadi penggedéné kulawargané, pada dadi penggedéné suradadu sing gagah lan rosa-rosa; sing pada ketulis ing kitab turunané ana 22.034 wong.

⁸Para anaké Beker ya kuwi Semira, Yoas, Elièser, Elyoenai, Omri, Yérémot, Abia, Anatot lan Alemet, kuwi kabèh para anaké Beker.

⁹Sing pada ketulis ing kitab turunané, miturut turunané, penggedé-penggedéné brayaté, pada dadi penggedéné suradadu sing gagah lan rosa-rosa, ana 20.200 wong.

¹⁰Para turunané Yediael ya kuwi Bilhan lan turunané Bilhan ya kuwi Yeusy, Bényamin, Ehud, Kenaana, Zetan, Tarsis lan Ahisahar.

¹¹Kuwi kabèh turunané Yediael, pada dadi penggedéné brayaté, pada dadi penggedéné suradadu sing gagah lan rosa-rosa; wong sing sembada ing perang ana 17.200 wong.

¹²Nanging lan Hupim kuwi turunané Ir; Husim kuwi turunané Aher.

¹³Para anaké Naftali ya kuwi Yahasiel, Guni, Yézèr lan Salum; kuwi turunané ibu Bilha.

¹⁴Turunané Manasé ya kuwi Asrièl, sing lair sangka bojoné wayuh wong wadon sangka Aram; iki nduwé anak Makir, bapaké Giléad.

¹⁵Makir njupuk bojoné kanggo Hupim lan Supim; asmané seduluré wadon kuwi Maaka. Anaké sing nomer loro ya kuwi Selafead. Selafead kuwi mung nduwé anak wadon.

¹⁶Nanging Maaka, bojoné Makir nduwé anak lanang, sing dikèki asma Peresy; seduluré lanang ya kuwi Seres, sing nurunké Ulam lan Rekem.

¹⁷Turunané Ulam ya kuwi Bedan. Kuwi turunané Giléad anaké Makir, anaké Manasé.

¹⁸Seduluré wadon, ibu Moleket, nduwé anak Isyhod, Abièser lan Makli.

¹⁹Para anaké Semida ya kuwi Akyan, Sekem, Liki lan Aniam.

²⁰Turunané Efraim ya kuwi Sutélah, wong iki nurunké Bered, wong iki nurunké Tahat, wong iki nurunké Elada, wong iki nurunké Tahat,

²¹wong iki nurunké Sabad, wong iki nurunké Sutélah, terus Eser lan Elad. Kuwi pada dipatèni karo wong-wong ing Gad, sing lair ing negara kono, awit pada ngrampas kéwan-kéwané wong-wong mau.

²²Efraim, bapaké, kasusahan nganti pirang-pirang dina, nganti para seduluré pada teka nglipur.

²³Sakwisé mengkono dèkné terus nuroni bojoné, terus bojoné mbobot lan nduwé anak lanang, dikèki asma Beria, awit brayaté wis katekan karo tyilaka.

²⁴Anaké wadon asma Seera; kuwi sing ngedekké Bèt-Horon-legokan lan Bèt-Horon-Puntuk lan Usen-Seera.

²⁵Anaké lanang Beria ya kuwi Refah, terus Resef; wong iki nurunké Telah, wong iki nurunké Tahan,

²⁶wong iki nurunké Ladan, wong iki nurunké Amihud, wong iki nurunké Elisama,

²⁷wong iki nurunké Nun, wong iki nurunké Yosua.

²⁸Tanah duwèké lan sing dipanggoni ya kuwi Bétel uga sak tanah pangwasané kabèh, Naaran ing sisih wétan, lan Geser uga sak tanah pangwasané kabèh ing sisih kulon, terus Sikem uga sak tanah pangwasané kabèh lan Aya uga sak tanah pangwasané kabèh,

²⁹lan sing watesé karo turunané Manasé: Bèt-Séan uga sak tanah pangwasané kabèh, Megido uga sak tanah pangwasané kabèh, Dor uga sak tanah pangwasané kabèh. Para tyedak turunané Yosèf, anaké Israèl pada manggon ing panggonan bawah kono.

³⁰Para anaké Asyèra ya kuwi Yimna, Yiswa lan Beria; seduluré wadon asma Sérah.

³¹Para anaké Beria ya kuwi Hèbèr lan Malkièl; iki nurunké Birsait.

³²Eber nurunké Yaflèt, Somer lan Hotam lan Sua, seduluré wadon.

³³Para turunané Yaflèt ya kuwi Pasak, Bimbad lan Asywat. Kuwi para turunané Yaflèt.

³⁴Para anaké Semer ya kuwi Ahi, Roga, Yekuba lan Aram.

³⁵Para anaké Helem, seduluré lanang ya kuwi Sofah, Yimna, Seles lan Amal.

³⁶Para anaké Sofah ya kuwi Suah, Harmefer, Syual, Beri lan Yimra,

³⁷Bèzèr, Hod, Sama, Silsa, Yitran lan Beera.

³⁸Para anaké Yètèr ya kuwi Yéfuné, Pispa lan Ara.

³⁹Para anaké Ula ya kuwi Arah, Hanièl lan Risya.

⁴⁰Kuwi kabèh tyedak turunané Asyèra, para penggedéné brayaté, kuwi pada dadi penggedéné suradadu gagah lan rosa-rosa sing pilihan, para pemimpin gedé. Gunggungé sing ketulis ing tyedak turunané dadi suradadu-perang ana 26.000 wong.