Read Caribbean Javanese 1 Lelakoné Kraton 9 Bible Online

1 Lelakoné Kraton 9 - Caribbean Javanese bible

1 Lelakoné Kraton 9

¹Wong Israèl wis pada ketulis kabèh ing kitab keturunan; pada ketulis ing bukuné para ratu ing Israèl, nanging wong Yéhuda wis pada diboyong menyang ing pembuwangan ing Babèl awit sangka enggoné ora setia.

²Nanging para wong sing wiwitan pada manggon menèh ing tanah-tanah pandumané, ing kuta-kutané, ya kuwi para wong Israèl rayat, para imam, para wong Lèwi lan para abdi ing Griyané Gusti Allah.

³Sing manggon ing Yérusalèm para wong tunggalé turunané Yéhuda, turunané Bényamin, turunané Efraim lan Manasé:

⁴Utai anaké Amihud anaké Omri anaké Imri anaké Bani, sangka turunané Pèrès anaké Yéhuda.

⁵Lan sangka tunggalé wong Syéla ya kuwi Asaya, sing mbarep karo, sak anak-anaké.

⁶Sangka turunané Sérah ya kuwi Yeuel karo sanak seduluré, 690 wong.

⁷Sangka turunané Bényamin ya kuwi Salu anaké Mesulam, anaké Hodaya anaké Hasenua,

⁸Yibnéa anaké Yéroham, Ela anaké Uzi, anaké Mikri lan Mesulam, anaké Sefatya, anaké Rehuèl, anaké Yibnéa

⁹karo sanak seduluré miturut turunané, wong 956 wong. Kabèh kuwi pada dadi penggedéné kulawargané.

¹⁰Sangka tunggalané para imam ya kuwi Yedaya, Yoyarib, Yakin

¹¹Asarya anaké Hilkia anaké Mesulam anaké Sadok anaké Merayot anaké Ahitub, pengarepé griyané Gusti Allah,

¹²terus Adaya anaké Yéroham anaké Pashur anaké Malkia lan Masai anaké Adiel anaké Yahsera anaké Mesulam anaké Meselemit anaké Imèr,

¹³uga sanak seduluré, kabèh penggedéné brayaté, 1.760 wong, para wong sing prigel nindakké tata pangabekti ing Omahé Gusti.

¹⁴Sangka tunggalé para wong Lèwi ya kuwi Semaya anaké Hasub anaké Asrikam anaké Hasabia, sangka turunané Mérari;

¹⁵terus Bakbakar, Heresy, Galal lan Matanya anaké Mika anaké Sikhri anaké Asaf,

¹⁶lan Obaja anaké Semaya anaké Galal anaké Yedutun lan Bérékya anaké Asa anaké Elkana, sing pada manggon ing désa-désané wong Nepota.

¹⁷Para wong sing pada njaga gapura ya kuwi Salum, Akub, Talmon lan Ahiman karo sanak seduluré; Salum sing dadi penggedéné.

¹⁸Tekan sepréné kuwi pada ing gapurané ratu ing sisih wétan. Kuwi pada dadi penjagané gapurané tarupé turunané Lèwi.

¹⁹Salum anaké Koré anaké Ebyasaaf anaké Korah lan para seduluré tunggal kulawargané, ya kuwi para wong Korah, kuwi pada kuwajipané dadi penjagané lawangé tarup kaya para leluhuré sing pada nduwèni kuwajipané ing tarupé GUSTI dadi penjagané lawang mlebu.

²⁰Sak durungé sing dadi penggedéné wong-wong mau Pinéhas anaké Eliazar. GUSTI supaya gelem nuntun marang piyambaké.

²¹Sakaria anaké Meselemya sing dadi penjagané lawang Tarup Kumpulan.

²²Kabèh sing dipilih dadi penjagané lawang ana 212 wong. Kuwi wis pada ketulis ing kitab keturunan ing désa-désané. Wong-wong mau pada ditetepaké pangkaté kuwi karo Daved lan Samuèl, wong tukang ndelok.

²³Wong-wong mau lan anak-anaké pada nduwé kuwajipané njaga ing gapurané Omahé GUSTI, ya kuwi Omah Tarup kuwi.

²⁴Para sing njaga gapura kuwi pada dipapanaké madep menyang, ngétan, ngulon, ngalor lan ngidul.

²⁵Nanging para seduluré sing pada manggon ing désa-désané, sak waktu-waktu ditemtokké kuwajipané mlebu nyambut nggawé, suwéné pitung dina bebarengan karo piyambaké kabèh,

²⁶nanging penggedéné njaga gapura sing papat mau pangkaté tetep. Kuwi pada wong Lèwi, sing njaga marang kamar-kamar lan barang-barang griyané Gusti Allah.

²⁷Wong kuwi pada nginep ing sak kiwa-tengené omahé Gusti Allah mau, awit pada tanggung jawap ing bab penjagan lan kuwajipané mbukakké lawang saben ésuk.

²⁸Wong-wong mau sak bagéan kuwajipané ngurus pirantiné pangabekti: ngitung mlebu-metuné barang-barang mau.

²⁹Sak bagéan gawéané ngurus piranti-piranti, ya kuwi kabèh prabot sutyi lan ngurus glepung sing apik déwé, anggur, lenga, menyan lan bumbu-bumbu.

³⁰Ana imam sing kuwajipané nyawiské tyampuran wangi-wangian.

³¹Matitya, salah sakwijiné wong Lèwi, anaké mbarep Salum, wong Korah, dikèki kuwajipané tetep dadi tukang roti.

³²Turunané Kéhat ya kuwi sangka golongané sanak seduluré, ana sak bagéan sing kuwajipané ngurus roti kurban sing dityawiské ing saben dina sabat.

³³Para penyanyi, kuwi pada dadi para penggedéné brayaté wong Lèwi, sing pada manggon ing kamar-kamar, kuwi ora kena ing penggawéan liyané, awit awan wengi pada tansah nindakké penggawéané.

³⁴Kuwi para penggedéné brayaté wong Lèwi, pada dadi penggedéné miturut turunané; kuwi pada manggon ing Yérusalèm.

³⁵Sing manggon ing Gibéon kuwi bapaké Gibéon, ya kuwi Yeiel, lan bojoné, ya kuwi Maaka.

³⁶Anaké mbarep asma Abdon, terus Sur, Kis, Baal, Nèr, Nadab,

³⁷Gedor, Ahio, Sakaria lan Miklot.

³⁸Miklot nurunké Simeam. Kuwi pada lunga manggon tyedak karo para seduluré ing Yérusalèm nunggal karo para seduluré liyané.

³⁹Nèr nurunké Kis; Kis nurunké Saul; Saul nduwé anak Yonatan, Malkisua, Abinadab lan Esybaal.

⁴⁰Yonatan nduwé anak Meribaal, lan Meribaal nurunké Mika.

⁴¹Mika nurunké Pitom, Melek, Takréa lan Akas.

⁴²Akas nurunké Yaera, Yaera nurunké Alemet, Asmawèt lan Simri; Simri nurunké Mosa.

⁴³Mosa nurunké Bina lan wong iki nurunké Répaya; wong iki nurunké Elasa, lan wong iki nurunké Asel.

⁴⁴Asel duwé anak enem, iki jeneng-jenengé: Asrikam, Bokru, Ismaél, Searya, Obaja lan Hanan. Kuwi para anaké Asel.