Read Caribbean Javanese 2 Lelakoné Kraton 4 Bible Online

2 Lelakoné Kraton 4 - Caribbean Javanese bible

2 Lelakoné Kraton 4

¹Ratu terus nggawé mesbèh tembaga sing dawané rong puluh éluh, ambané rong puluh éluh, lan duwuré sepuluh éluh.

²Sakwisé kuwi terus nggawé segara-segaraan tyitakan jembaré sangka pinggir tekan pinggir sepuluh éluh, modèlé bunder mubeng, njeruhné limang éluh, mubengé yèn diukur nganggo tali ana telung puluh éluh.

³Ing pinggiré sisih ngisor ana gambaré sapi-sapi ing sak ubengé nganti kemput, saben sak éluh sepuluh, nganti sak kemputé segara-segaraan kuwi; sapiné jèjèr loro, dityitak dadi siji karo wadahé.

⁴Segara-segaraan mau temumpang ing sapi rolas, telu madep ngalor, telu madep ngulon, telu madep ngidul lan telu madep ngétan; segara-segaraan kuwi temumpang ing duwuré, nanging buntuté ing njeruh.

⁵Segara-segaraan mau kandelé sak èpèk-èpèk, nanging lambéné digawé kaya lambéné tuwung, kaya kembang bakung sing mekar. Segara-segaraan kuwi bisa isi banyu 3000 bat.

⁶Lan menèh terus nggawé jambangan sepuluh, sing lima dipernahaké ing sisih tengen lan sing lima ing sisih kiwa, kuwi kanggo ngumbahi; apa sing kanggo kurban obongan kuwi dikumbah ing kono, nanging segara-segaraan mau kanggo para imam digawé nyutyèkké.

⁷Ratu terus nggawé dimar emas sepuluh miturut rantyamané, kuwi disèlèhké ing panggonan sutyi, lima ing sisih tengen lan lima ing sisih kiwa.

⁸Sak terusé nggawé méja sepuluh sing didèkèkké ing panggonan sutyi, lima ing sisih tengen lan lima ing sisih kiwa; terus uga nggawé bokor emas 100 kanggo nyirami.

⁹Terus uga nggawé lataré para imam lan plataran amba, uga lawang-lawangé plataran kuwi; lawang-lawang mau dilapis tembaga.

¹⁰Segara-segaraané didèkèkké ing sisih tengen ing kidul wétan.

¹¹Huram ya nggawé kwali, susuk lan bokor-bokor kanggo nyirami. Mengkono Huram enggoné ngrampungké penggawéan sing kudu ditindakké awit sangka préntahé Salomo kanggo griyané Gusti Allah,

¹²ya kuwi: tugu loro karo gerbél blendukan loro sing temumpang ing duwuré tugu mau, nam-naman loro sing ngrudungi gerbél blendukan loro kuwi;

¹³uga gambaran mulwa 400 kanggo nam-naman loro mau, mulwa rong larik kanggo siji-sijiné nam-naman sing digawé ngrudungi gerbél blendukan loro ing nduwuré tugu mau.

¹⁴Uga wis nggawé kréta-krétaan sing nyangga lan jambangan-jambangan sing temumpang ing nduwuré kréta-krétaan kuwi.

¹⁵Segara-segaraan sing siji lan sapi rolas ing ngisoré.

¹⁶Kwali-kwali, susuk-susuk, porok-porok lan sakkèhé piranti liyané sing digawé karo Huram-Abi awit sangka préntahé Salomo kanggo griyané GUSTI kuwi bakalé tembaga dimelingké.

¹⁷Ratu enggoné ngongkon nyitaki kuwi ing legokan Yordan nganggo lempung, ing antarané Sukot lan Sereda.

¹⁸Salomo enggoné nggawé piranti-piranti kuwi tyatyahé okèh banget, nganti boboté tembaga ora kena diitung.

¹⁹Salomo uga nggawé sakkèhé piranti sing kanggo ing griyané Gusti Allah, ya kuwi mesbèh lan méja-méja kanggo ndèkèk roti kurban,

²⁰lan menèh dimar-dimar emas murni uga dimar-dimaré, sing bakal pada disumeti ing ngarepé kamar mburi miturut pernatan;

²¹tiruan kembang, dimar-dimaré lan japit kabèh emas, sing digawé sangka emas murni;

²²lading-ladingé, bokor-bokoré kanggo nyirami, piring-piringé lan dupa-dupané sing digawé emas murni; uga lawangé sing nuju ing omah kuwi lan lawang-lawang ing sisih njeruh sing nuju ing omah Mahasutyi, lan lawang-lawang sing nuju ing omah gedé ing griya sutyi, kuwi kabèh sing digawé sangka emas murni.