Read Caribbean Javanese Néhémia 11 Bible Online

Néhémia 11 - Caribbean Javanese bible

Néhémia 11

¹Para penggedéné bangsa pada manggon ing Yérusalèm, nanging liyané pada ngumbulké lotré, digawé netepaké wong siji saben sepuluhé sing olèh manggon ing kuta sutyi Yérusalèm, terus sing sanga manggon ing kuta-kuta liyané.

²Wong-wong pada ngelem-elem, saben wong sing karo éklas manggon ing Yérusalèm.

³Iki bab para penggedéné propinsi Yéhuda sing manggon ing Yérusalèm, nanging ing kuta-kuta ing tanah Yéhuda wong Israèl pada manggon ing tanah duwèké déwé-déwé ing kutané déwé-déwé: ya kuwi wong lumrah, para imam, para wong Lèwi, para abdi ing griyané Gusti Allah lan turunané para abdiné Salomo.

⁴Turunané Yéhuda lan turunané Bényamin sing pada manggon ing Yérusalèm ya kuwi: sangka turunané Yéhuda: Ataya anaké Uzia, anaké Sakaria, anaké Amarya anaké Sefatya anaké Mahalalèl, anaké Pèrès,

⁵lan Maaséya anaké Baruk anaké Kolkossé anaké Hasaya anaké Adaya anaké Yoyarib anaké Sakaria, turunané wong Syéla.

⁶Sak kabèhé turunané Pèrès sing manggon ing Yérusalèm, gunggungé ana 468 wong, kabèh wong gagah lan rosa-rosa.

⁷Lan iki turunané Bényamin: Salu anaké Mesulam anaké Yoèd anaké Pedaya anaké Kolaya anaké Maaséya anaké Itiel anaké Yésaya.

⁸Terus Gabai, Salai: gunggungé 928 wong.

⁹Yoèl anaké Sikhri sing dadi penggedéné, Yéhuda anaké Hasenua dadi wakilé sing ngwasani kuta.

¹⁰Sangka para imam: Yedaya anaké Yoyarib, Yakin,

¹¹Seruya anaké Hilkia anaké Mesulam anaké Sadok anaké Merayot anaké Ahitub, pemimpiné Omah Sutyi,

¹²lan para seduluré sing ngladèni ing omah kono: 822 wong. Uga Adaya anaké Yéroham anaké Pelalya anaké Amsi anaké Sakaria anaké Pashur anaké Malkia,

¹³lan para seduluré, penggedéné kulawargané: 242 wong. Lan Amisai anaké Asareel anaké Akasai anaké Mesilémot anaké Imèr,

¹⁴lan para seduluré, para suradadu sing gagah rosa-rosa, 128 wong, sing dadi penggedéné Sabdièl anaké Gedolim.

¹⁵Sangka para wong Lèwi: Semaya anaké Hasub anaké Asrikam anaké Hasabia anaké Buni.

¹⁶Mengkono uga Sabetai lan Yosabad penggedéné para wong Lèwi, sing nitipriksa penggawéan ing sak njabané griyané Gusti Allah.

¹⁷Terus Matanya anaké Mika anaké Sabdi anaké Asap, penggedéné sing pinter nggawé kidung maturkesuwun ing pandonga, lan Bakbukya, wong sing nomer loro sangka antarané para seduluré, lan Abda anaké Samua anaké Galal anaké Yedutun.

¹⁸Sak kabèhé wong Lèwi ing kuta sutyi ana 284 wong.

¹⁹Para jaga gapura: Akub lan Talmon karo para seduluré, sing pada njaga ing gapura: 172 wong.

²⁰Sak luwihé para wong Israèl sing lumrah lan para imam lan para wong Lèwi pada manggon ing sak kabèhé kuta ing negara Yéhuda ing negara pandumané déwé-déwé.

²¹Nanging para abdi ing omahé Gusti Allah pada manggon ing Ofèl. Siha lan Gispa sing mimpin para abdi ing griyané Gusti Allah kuwi.

²²Sing mimpin para wong Lèwi ing Yérusalèm: Uzi anaké Turunané anaké Hasabia anaké Matanya anaké Mika sangka turunané Asap, ya kuwi para penyanyi sing ngidung sak njeruhné pangabekti ing griyané Gusti Allah.

²³Awit kanggo wong-wong kuwi ana préntahé ratu sing netepké pernatan kanggo para penyanyi miturut kebutuhané ing saben dina.

²⁴Pétahya, anaké Mesésabeèl sangka turunané Sérah, anaké Yéhuda, dibantukaké marang ratu kanggo samubarang sing gegandèngan karo bangsa kuwi.

²⁵Kanggo panggonan ing bawah kebonan turunané Yéhuda ana sak bagéan sing manggon ing Kiryat-Arba lan sak tanah pangwasané, ing Dibon lan sak tanah pangwasané lan ing Yekabsèèl lan désa-désané.

²⁶Ing Yésua, ing Molada lan ing Bèt-Pèlèt,

²⁷ing Hasar-Sual, ing Bèrsyéba sak tanah pangwasané,

²⁸ing Siklag, ing Mékona sak tanah pangwasané,

²⁹ing En-Rimon, Sora, Yarmut,

³⁰Sanoah, Adulam lan désa-désané, ing Lakis sak tegalané ing Azéka lan sak tanah pangwasané. Mengkono enggoné pada manggon wiwit sangka Bèrsyéba nganti tekan ing legokan Hinom.

³¹Lan turunané Bényamin manggon wiwit ing Géba, ing Mikmas, ing Aya, ing Bétel lan sak tanah pangwasané,

³²ing Anatot, Nob lan Ananya,

³³ing Hasor, Rama lan Gitaim,

³⁴ing Hadid, Séboim lan Nebalat,

³⁵ing Kismis lan ing Ono, ing legokan Tukang.

³⁶Sak bagéan golongané wong Lèwi sangka Yéhuda pada ngumpul karo wong Bényamin.