Read Caribbean Javanese Néhémia 12 Bible Online

Néhémia 12 - Caribbean Javanese bible

Néhémia 12

¹Iki bab para imam lan para wong Lèwi, sing bali mulih bareng karo Sérubabèl anaké Sérubabèl lan Yésua: Seruya, Yérémia, Ezra,

²Amarya, Maluk, Hatus

³Sekanya, Rehum, Merémot,

⁴Ido, Genetoi, Abia,

⁵Miyamin, Maaja, Bilga,

⁶Semaya, Yoyarib, Yédaya,

⁷Salu, Amok, Hilkia, lan Yédaya, kuwi para pengarepé imam karo para seduluré, waktu jamané Yésua.

⁸Kanggo para wong Lèwi ya kuwi: Yésua, Binui, Kadmièl, Sèrèbya, Yéhuda lan Matanya. Matanya iki lan para seduluré pada nuntun yèn ngidungké kidung maturkesuwun,

⁹nanging Bakbukya lan Uni lan para seduluré pada ngadek ing ngarepé kumpulan-kumpulan miturut kerjanané.

¹⁰Yésua nurunké Yoyakim, Yoyakim nurunké Elyasib, Elyasib nurunké Yoyada,

¹¹lan Yoyada nurunké Yonatan, nanging Yonatan nurunké Yadua.

¹²Waktu jamané Yoyakim mau sing dadi imam para penggedéné kulawargané ya kuwi: Eraya sangka brayaté Seruya, Hananya sangka brayaté Yérémia,

¹³Mesulam sangka brayaté Ezra, Yohanan sangka brayaté Amarya,

¹⁴Yonatan sangka brayaté Melikhu, Yosèf sangka brayaté Sebanya,

¹⁵Adna sangka brayaté Harim, Hèlkai sangka brayaté Merayot,

¹⁶Sakaria sangka brayaté Ido, Mesulam sangka brayaté Gineton,

¹⁷Sikhri sangka brayaté Abia sangka brayaté Minyamin; Piltai sangka brayaté Moaja,

¹⁸Samua sangka brayaté Bilga, Yonatan sangka brayaté Semaya,

¹⁹Matnai sangka brayaté Yoyarib, Uzi sangka brayaté Yédaya,

²⁰Kalai sangka brayaté Salai, Hèbèr sangka brayaté Amok,

²¹Hasabia sangka brayaté Hilkia lan Nétanéèl sangka brayaté Yédaya.

²²Kanggo para wong Lèwi kuwi para penggedéné brayaté pada ketulis waktu jamané Elyasib, Yoyada, Yohanan lan Yadua, nanging para imam ketulis nganti waktu jamané Darius, ratu ing Pèrsia.

²³Para penggedéné brayaté turunané Lèwi pada ketulis ing kitab sejarah nganti jamané Yohanan anaké Elyasib.

²⁴Para penggedéné brayaté turunané Lèwi ya kuwi: Hasabia, Sèrèbya, Yésua anaké Kadmièl lan para seduluré sing pada ngadek ing ngarepé, waktu pada ngidungké pamuji lan maturkesuwun, netepi préntahé ratu Daved, abdiné Gusti Allah, bales-balesan karo kumpulan liyané.

²⁵Matanya, Bakbukya, Obaja, Mesulam, Talmon lan Akub, kuwi pada dadi tukang jaga gapura, sing dipasrahi njaga ing gudang-gudang piranti ing gapura.

²⁶Wong-wong kuwi uripé waktu jamané Yoyakim, anaké Yésua, anaké Yosadak lan ing jamané bupati Néhémia lan imam Ezra, juru kitab.

²⁷Waktu témboké kuta Yérusalèm disutyèkké, para wong Lèwi pada dityeluk sangka sak kabèhé panggonané, dikongkon nglumpuk ing Yérusalèm, supaya pada nyutyèkké témbok mau karo seneng, karo ngutyap sukur lan mujèké kidung, kabungahan diiringi swarané ketyer, harep lan siter.

²⁸Para penyanyi terus pada nglumpuk sangka panggonané ing sak kiwa-tengené Yérusalèm lan sangka désa-désané wong Netofa,

²⁹sangka Bèt-Gilgal, sangka ara-ara ing Géba lan Asmawèt, awit para penyanyi mau pada ngedekké désa-désané ing sak ubengé Yérusalèm.

³⁰Para imam lan para wong Lèwi sakwisé nyutyèkké awak, terus uga nyutyèkké wong sak umat kabèh lan uga gapurané lan témboké.

³¹Aku terus ngongkon para penggedéné wong Yéhuda munggah ing nduwur témbok lan terus dadi tukang ngidung rong golongan gedé. Sing siji mlaku ing nduwur témbok nengen menyang ing gapura Pawuhan.

³²Ing mburiné Hosaya karo sak kumpulan sangka para penggedéné wong Yéhuda,

³³uga Asarya, Ezra, Mesulam,

³⁴Yéhuda, Bényamin, Semaya lan Yérémia,

³⁵lan para imam sing pada nggawa trompèt ya kuwi: Sakaria anaké Yonatan anaké Semaya anaké Matanya anaké Mika anaké Sakur anaké Asap,

³⁶lan para seduluré, ya kuwi: Semaya, Asareel, Milalai, Gilalai, Maai, Nétanéèl, Yéhuda lan Hanani karo unèn-unèné Daved, abdiné Allah, nanging Ezra, juru kitab, mlaku ing ngarepé.

³⁷Bareng tekan ing gapura Sumber, terus pada munggah ing undak-undakané kutané Daved, ing unggah-unggahané témbok sing ngliwati kratoné Daved, tekan gapura Banyu sisih wétan.

³⁸Golongan penyanyi sijiné mlaku ngiwa lan aku ngetutké karo sak bagéan rayat ngliwati témbok lan menara Prapèn tekan ing témbok Amba.

³⁹Aku terus pada ngliwati gapura Efraim, gapura Suwé, gapura Iwak, menara Hananéèl lan menara Méa nganti tekan gapura Wedus Gèmbèl. Terus pada mandek ana gapura Penjagan.

⁴⁰Sakwisé kuwi golongan penyanyi loro mau terus pada ngadek ing griyané Gusti Allah. Mengkono uga aku lan sak bagéan para penggedéné,

⁴¹lan para imam, ya kuwi: Elyakim, Maaséya, Minyamin, Mika, Elyoénai, Sakaria, Hananya karo nyekel trompèt,

⁴²lan Maaséya, Semaya, Eléazar, Uzi, Yohanan, Malkia, Elam lan Eser. Para penyanyi terus nggawé kidung ketuntun karo Yizrahya.

⁴³Ing dina kuwi wong pada masrahaké kurban sing dibelèh okèh banget. Pada bungah-bungah awit dikèki kabungahan sing luwih gedé karo Gusti Allah. Uga para wong wadon lan botyah-botyah ya pada bungah-bungah, nganti keraméan Yérusalèm kuwi krungu nganti adoh.

⁴⁴Ing waktu kuwi ana wong sing dipasrahi mimpin kamar-kamar penyimpenan, kamar-kamar pisungsung spésial, panènan wiwitan lan pisungsung prosepuluhan, supaya sumbangan sing miturut pernatan dadi pandumané para imam lan para wong Lèwi lan sing tyotyok karo kahanané tegalé saben kuta, diklumpukké ing kamar-kamar kono. Turunané Yéhuda pada bungah-bungah awit para imam lan para wong Lèwi pada nindakké penggawéané.

⁴⁵Awit wong-wong kuwi sing pada nindakké kuwajipané ngladèni Gusti Allah lan pada nyutyèkké kuwajipané, mengkono uga para penyanyi lan tukang njaga gapura, tyotyok karo pernatané Daved lan Salomo, anaké.

⁴⁶Awit wis wiwit jaman mbiyèn, waktu jamané Daved lan Asaf, ana juru penyanyi, ana kidung pamuji lan kidung maturkesuwun sing kanggo Gusti Allah.

⁴⁷Waktu jamané Sérubabèl lan Néhémia sak kabèhé wong Israèl pada masrahaké sumbangan kanggo para penyanyi lan para tukang njaga gapura kanggo kebutuhané ing saben dinané lan masrahaké pisungsung sutyi marang para wong Lèwi. Lan para wong Lèwi pada masrahaké pisungsung sutyi marang para anak-anaké imam Harun.