Read Caribbean Javanese Néhémia 7 Bible Online

Néhémia 7 - Caribbean Javanese bible

Néhémia 7

¹Bareng témboké wis rampung, aku terus masang lawang-lawangé. Sakwisé kuwi terus ngangkat penjaga-gapura, penyanyi lan para wong Lèwi.

²Kuwajipané ngawat-awati Yérusalèm tak pasrahké marang sedulurku Hanani lan Hananya, penggedéné pager watu, awit Hananya kuwi wong sing kena dipertyaya lan wedi marang Gusti Allah ngungkuli wong-wong liyané.

³Aku terus omong marang wong-wong kuwi: “Gapura-gapura Yérusalèm aja nganti dibukak sak durungé srengéngé panas tenan, lan lawang-lawangé kudu ditutup lan pada dikantyingi sak untara wong ijik pada nyambutgawé ing panggonané. Uga pada ndèkèka wong jaga tunggalé wong Yérusalèm, siji-sijiné anaa ing panggonan penjagan lan ing ngarepé omahé.”

⁴Nanging kuta kuwi gedé lan jembar, nanging wong sing manggon ing kono mung setitik, lan omah-omah durung nganti pada dibangun.

⁵Gusti Allahku terus nggawé atiku supaya aku nglumpukké para pemimpin lan para penggedéné sing pada nyekel pangwasa lan rayat, supaya pada dityateti ing kitab turunané. Aku terus nemu layang tyedak turuné wong sing wis luwih ndisik enggoné mulih. Ing sak njeruhné tyatetan kuwi ketemu kaya ing ngisor iki:

⁶Iki wong-wong propinsi Yéhuda sing pada budal mulih sangka pembuwangan, ya kuwi para tawanan sing mbiyèn pada diboyong karo Nebukadnésar ratu ing negara Babèl, terus pada bali mulih menyang ing Yérusalèm lan ing Yéhuda, saben wong menyang ing kutané déwé-déwé.

⁷Tekané kuwi pada dituntun karo Sérubabèl, Yésua, Néhémia, Asarya, Raamya, Nahamani, Mordekai, Bilsan, Misperet, Bigwai, Nehum lan Baana. Iki daftaré bab wong-wong bangsa Israèl:

⁸turunané Paros: 2.172 wong;

⁹turunané Sefatya: 372 wong;

¹⁰turunané Arak: 652 wong;

¹¹turunané pahat-Moab ya kuwi turunané Yésua lan Yoab: 2.818 wong;

¹²turunané Elam: 1.254 wong;

¹³turunané Satu: 845 wong;

¹⁴turunané Sakai: 760 wong;

¹⁵turunané Binui: 648 wong;

¹⁶turunané Babai: 628 wong;

¹⁷turunané Asgad: 2.323 wong;

¹⁸turunané Adonikam: 667 wong;

¹⁹turunané Bigwai: 2.067 wong;

²⁰turunané Adin: 655 wong;

²¹turunané Atèr, ya kuwi turunané Hiskia: sangang puluh wolu wong;

²²turunané Hasum: 328 wong;

²³turunané Bésai: 324 wong;

²⁴turunané Harif: 112 wong;

²⁵turunané Gibéon: sangang puluh lima;

²⁶wong Bètléhèm lan Netofa: 188 wong;

²⁷wong Anatot: 128 wong;

²⁸wong Bèt-Asmawèt: patang puluh loro;

²⁹wong Kiryat-Yearim, Kéfira lan Beérot: 743 wong;

³⁰wong Rama lan Gaba: 621 wong;

³¹wong Mikmas: 122 wong;

³²wong Bétel lan Ai: 123 wong;

³³wong Nébo liyané: sèket loro wong;

³⁴turunané Elam ya kuwi Elam liyané: 1.254 wong;

³⁵turunané Harim: 320 wong;

³⁶wong Yériko: 345 wong;

³⁷wong Kismis, Hadid lan Ono: 721 wong;

³⁸turunané Sénaa 3.930 wong.

³⁹Iki para imam: turunané Yédaya, ya kuwi kulawargané Yésua: 973 wong;

⁴⁰turunané Imèr: 1.052 wong;

⁴¹turunané Pashur: 1.247 wong;

⁴²turunané Harim: 1.017 wong.

⁴³Iki para wong Lèwi: turunané Yésua lan Kadmièl, lan turunané Hodéwa: pitung puluh papat wong.

⁴⁴Iki para penyanyi: turunané Asaf: 148 wong.

⁴⁵Iki para tukang njaga gapura: turunané Salum, turunané Ater, turunané Talmon, turunané Akub, turunané Hatita, turunané Sobai: 138 wong.

⁴⁶Iki para abdi ing griyané Gusti Allah: turunané Siha, turunané Hasufa, turunané Tabaot,

⁴⁷turunané Keros, turunané Sia, turunané Padon;

⁴⁸turunané Lebana, turunané Hagaba, turunané Salmai;

⁴⁹turunané Hanan, turunané Gidèl, turunané Gahar;

⁵⁰turunané Réaya, turunané Résin, turunané Nekoda;

⁵¹turunané Gasam, turunané Uza, turunané Paséah;

⁵²turunané Bésai, turunané Méunim, turunané Néfusim;

⁵³turunané Bakbuk, turunané Hakufa, turunané Harhur;

⁵⁴turunané Baslit, turunané Mehida, turunané Harsa;

⁵⁵turunané Barkos, turunané Siséra, turunané Temah;

⁵⁶turunané Nésiah, turunané Hatifa.

⁵⁷Iki para turunané abdiné Salomo: turunané Sotai, turunané Soferet, turunané Perida;

⁵⁸turunané Yaala, turunané Darkon, turunané Gidèl;

⁵⁹turunané Sefatya, turunané Hatil, turunané Pokeret-Hasebahim, turunané Amon.

⁶⁰Sak kabèhé abdi ing griyané Gusti Allah lan turunané para abdiné Salomo kuwi gunggungé 392 wong.

⁶¹Iki wong sing pada budal mulih sangka Tèl-Melah, Tèl-Harsa, Kerup, Adon lan ing Imèr, nanging pada ora bisa nerangaké brayaté lan asal-usulé, apa ya klebu bangsa Israèl:

⁶²turunané Délaya, turunané Tobia, turunané Nékoda, kabèhé 642 wong;

⁶³lan sangka tunggalé para imam: turunané Habaya, turunané Hakos, turunané Barsilai. Barsilai kuwi sing ngrabi tunggalé anaké Barsilai, wong Giléad, terus diarani jenengé brayaté kuwi.

⁶⁴Kuwi pada mriksa, apa jenengé pada disebut ing kitab turunané, nanging ora ketemu, mulané terus dianggep ora sutyi lan ora kena dadi imam.

⁶⁵Lan kanggo wong-wong kuwi ditetepaké karo penggedéné distrik, yèn ora kena mangan kurban sing Mahasutyi, nganti ana imam sing nindakké karo nggawa Urim lan Tumim.

⁶⁶Sak golongané wong kabèh kuwi mau gunggungé ana 42.360 wong;

⁶⁷kuwi kejaba abdiné lanang lan wadon, sing tyatyahé ana 7337 wong. Ing antarané ana tukang nyanyi lanang lan wadon 245 wong.

⁶⁸Untané 435, kimaré 6720[1].

⁶⁹Tunggalé para penggedéné kulawargané kuwi pada nguruni kanggo ragaté penggawéan, nanging penggedéné kuta enggoné mbayar kanggo kebutuhan ragat rupa emas 1000 dirham, bokor kanggo nyirami sèket iji lan klambi rangkepan sandangané imam 530 iji.

⁷⁰Sumbangané para penggedéné kulawargané kanggo kebutuhan ragat rupa emas 20.000 dirham, slaka 2.200 mina.

⁷¹Nanging sing disumbangké karo wong liyané rupa emas 20.000 dirham, slaka 2000 mina, lan klambi rangkepan sandangané imam suwidak pitu.

⁷²Para imam lan wong-wong Lèwi, para tukang nunggu lawang lan para penyanyi, uga para rayat, batur tukon ing griya sutyi lan kabèh wong Israèl sing manggon ing kuta-kutané.