Read Caribbean Javanese Pangentasan 37 Bible Online

Pangentasan 37 - Caribbean Javanese bible

Pangentasan 37

¹Bésaleèl terus nggawé peti kuwi, sing digawé kayu akasia, dawané loro setengah éluh, ambané siji setengah éluh, lan duwuré ya siji setengah éluh,

²terus dilapisi karo emas murni ing njeruh lan ing njabané, lan dipasangi lés emas mubeng.

³Uga ya digawèkké gelangan emas tyitakan patang iji pada dipasang ing pojoké ngisor papat pisan, ya kuwi gelangan loro ana pinggiran sing siji, gelangan loro menèh ana pinggiran sijiné.

⁴Lan menèh gawé pikulan kayu akasia pada dilapis karo emas,

⁵pikulan kuwi dislobokaké ing gelangan ing pinggirané peti, digawé ngusung.

⁶Terus ya gawé tutupé pangrukunan sing digawé emas murni, dawané loro setengah éluh lan ambané siji setengah éluh,

⁷lan ya nggawé kerup emas loro sing digawé emas gemblèngan, didèkèkké ing pungkasané tutupé pangrukunan kuwi.

⁸Sing siji ing sisih kiwa, sijiné ing sisih tengené. Gambaran loro mau digawé dadi siji karo tutupé.

⁹Kerup-kerup kuwi pada megar swiwiné nganti menduwur nutupi tutupé pangrukunan, lan praupané adep-adepan lan kerup-kerup mau madep marang tutupé pangrukunan.

¹⁰Bésaleèl mau ya nggawé méja kayu akasia, dawané rong éluh, ambané sak éluh, duwuré siji setengah éluh,

¹¹dilapisi karo emas murni lan dipasang lés emas mubeng.

¹²Uga diwènèhi pinggiran mubeng temu gelang ambané sak èpèk-èpèk tangan lan pinggiran mau ya dipasang lés emas mubeng.

¹³Lan digawèkké gelangan emas tyitakan patang iji, gelangan kuwi pada dipasang ing saben pojok, sisih ing sikilé papat pisan.

¹⁴Gelangé pada mèpèt ing pinggiran, gelangan kuwi kanggo slobokané pikulan sing digawé ngusung méja mau.

¹⁵Pikulané kuwi kayu akasia sing dilapis karo emas, digawé ngusung méja kuwi.

¹⁶Lan ya gawé piranti sing temumpang ing méja kuwi, ya kuwi mangkok lan piring, tuwung lan kendi, sing digawé ngesokké kurban siraman, kabèh sing digawé emas murni.

¹⁷Uga menèh ya nggawé kandelar emas murni, kandelar kuwi sing digawé emas gemblèngan, ya sikilané, ya adek-adeké lan gagangé, sumbu lan kembangé, kabèh pada digawé pada.

¹⁸Ana pangé nem metu sangka bangkèkané, pangé kandelar mau telu sangka sisih kénéné, lan telu sangka sisih kanané bangkèkané.

¹⁹Siji-sijiné pangé ana modèl kembang mandra telung iji karo modèl adahé sumbu lan kembangané; dadi pangé nem sing metu sangka kandelar kuwi ya pada kaya mengkono kabèh.

²⁰Lan adek-adeké kandelar kuwi déwé ya ana kaya kembang mandrah patang iji karo pentil lan kembang.

²¹Ana pentil siji sisih ing sak ngisoré pangé sak jodo sing kaping pisan sing metu sangka dimar kuwi, ana siji ing sak ngisoré pangé sak jodo sing kaping pindo, ana siji ing sak ngisoré pangé sak jodo sing kaping telu; kaya mengkono penggawéné pangé nem sing metu sangka adek-adeké dimar.

²²Pentil-pentil lan kabèh pang mau pada digawé dadi siji karo dimaré, kabèh digawé sangka emas murni gemblèngan.

²³Dimaré kuwi digawèkké dimar pitung iji jepitan lan tadahané langes, ya digawé karo emas murni.

²⁴Mas murni sak talénta sing dienggo gawé dimar kuwi uga kabèh pirantiné.

²⁵Bésaleèl ya nggawé mesbèh pedupan, kayu akasia sing digawé, dawané sak éluh, ambané ya sak éluh, dadi pesagi, nanging duwuré rong éluh, sungu-sunguné dadi siji karo mesbèhé.

²⁶Kuwi dilapisi karo emas murni, ya panggonan ing nduwur, ya bangkèkané mubeng lan sungu-sunguné; kabèh dipasang lés emas mubeng.

²⁷Uga ya dipasangi gelangan emas loro sisih sak ngisoré lés ing pinggiran kiwa tengen ing sisih loro-loroné, kanggo slobokané pikulané sing digawé ngusung mesbèh kuwi.

²⁸Pikulané kuwi sing digawé kayu akasia lan dilapis karo emas.

²⁹Uga menèh ya nggawé lenga jebatan sing sutyi, lan dupa murni, sing digawé bumbu-bumbu sing wangi, kaya gawéané tukang nyampur bumbu-bumbu.