Read Caribbean Javanese Ayub 26 Bible Online

Ayub 26 - Caribbean Javanese bible

Ayub 26

¹Ayub nyauri, tembungé:

²“Apik banget enggonmu mitulungi marang wong apes, lan enggonmu ngréwangi wong sing tangané tanpa kekuwatan.

³Apik banget tembungmu marang wong sing ora kanggonan kawityaksanan lan kaweruh sing kok wulangké nganti mbludak!

⁴Enggonmu ngutyapké tembung-tembung kuwi karo dasar panemuné sapa, lan pikirané sapa sing kok omongaké kuwi?

⁵Para sing wis mati pada gemeter mengkono uga banyu uga sak isiné.

⁶Ndonyané wong mati wéla-wéla ing ngarepé Gusti Allah, lan panggoné pati ya ora ana tutupé.

⁷Gusti Allah mentèng langit lor mayungi awang-awang, lan nggantung bumi tanpa tyantèlan.

⁸Banyu dibuntel karo mendungé, senajan mengkono mendungé ora suwèk.

⁹Damparé ketutupan dadi ora kena disawang awit kaling-kalingan karo mendungé.

¹⁰Nduwuré banyu wis diwatesi karo garis nganti tekan antarané pepadang lan pepeteng.

¹¹Tyagak-tyagaké langit pada gonjang-ganjing kagèt awit sangka bebenduné.

¹²Segara disirepaké karo pangwasané, lan karo kawityaksanané enggoné ngalahké marang Rahab.

¹³Karo napasé langit didadèkké terang, lan ula sing tyepet ditembus karo tangané.

¹⁴Lah kuwi kabèh mau ijik mung pojok-pojokané dalané, tenan ta lirihé swara-Né sing kita krungu sangka Panjenengané! Sapa sing bisa ngerti marang gumlegeré swarané tumindaké pangwasané?”