Read Caribbean Javanese Ayub 28 Bible Online

Ayub 28 - Caribbean Javanese bible

Ayub 28

¹“Pantyèn ana panggonan nambang slaka lan panggonan nglémbang emas.

²Wesi diduduk sangka lemah lan tembaga metu sangka watu sing lebur geni.

³Pepeteng dirampungi karo wong, nganti tekan panggonané sing jeruh-jeruh enggoné nliti watu-watu ing pepeteng lan ing peteng ndedet.

⁴Wong sing pada ngeduk tambang kuwi adoh sangka panggonané wong okèh, pada dilalèkké karo wong sing pada mlaku ing nduwur pada nggandul géyang-géyong tanpa antyik-antyik adoh karo wong okèh.

⁵Bumi sing ngetokké pangan, ngisoré diwolak-walik kaya déné geni.

⁶Watuné kanggonan watu sapir sing isi emas murni.

⁷Dalané mbrana ora diweruh karo manuk galak siji-sijia lan ora diweruh karo matané manuk bido,

⁸ora diambah karo kéwan galak, lan ya ora ana singa sing liwat ing kono.

⁹Watu atos uga ditandangi karo tangané manungsa, gunung-gunung pada dibungkari tekan dasaré.

¹⁰Gunung watu pada dikeduki digawé trowongan, mripaté weruh samubarang sing apik.

¹¹Rembesé kali-kali pada dibunteti lan apa sing disimpen dietokké ing pepadang.

¹²Nanging kawityaksanan kuwi ketemuné ing ngendi, lan ing ngendi panggonané kadunungan?

¹³Manungsa ora weruh marang ajiné, lan kuwi ya ora ketemu ing buminé wong urip.

¹⁴Tembungé telengé segara: Aku ora kanggonan. Tembungé segara: Aku ora kanggonan.

¹⁵Ora kena diijoli karo emas murni, utawa diregani karo slaka.

¹⁶Ora kena diregani nganggo emas Ofir utawa nganggo watu onyx sing larang lan sapir sing apik,

¹⁷ora kena ditandingké karo emas utawa katya, utawa diijoli rerékan emas murni.

¹⁸Giwang utawa kristal kuwi sepélé yèn ditimbang karo kuwi. Nduwèni kawityaksanan kuwi luwih apik tenimbangané mutiara.

¹⁹Watu topas sangka negara Etiopia ya ora bisa nandingi; ya ora kena diajèni nganggo emas murni.

²⁰Kawityaksanan kuwi sangka ngendi asal-usulé, lan kepinteran kuwi ana ngendi panggonané?

²¹Kuwi ketutup kanggo mripaté wong urip, malah uga ketutup kanggo manuk ing awang-awang.

²²Kasusahan lan pati ngomong: Kupingku mung krungu kabaré waé.

²³Gusti Allah sing ngerti dalan sing tekan nang kawityaksanan lan weruh panggonané.

²⁴Awit ngarepé rata tekan pungkasané bumi, lan ngerti apa ing sak ngisoré langit kabèh.

²⁵Waktu Panjenengané netepké kekuwatané angin, lan netepaké okèhé banyu,

²⁶waktu nggawé katetepan kanggo udan lan dalané klélapé gluduk,

²⁷waktu kuwi Panjenengané weruh kawityaksanan sing terus dikabarké, ditetepaké, malah ya dipriksa;

²⁸nanging marang manungsa tembungé: Lah rasa wedi marang Gusti kuwi kawityaksanan lan nyingkiri sing ala kuwi kepinteran.”