Read Caribbean Javanese Masmur 101 Bible Online

Masmur 101 - Caribbean Javanese bible

Masmur 101

¹Masmuré Daved. Kula bakal ngidungké kasetian lan angger-angger, kula bakal ngidungké masmur kanggo Panjenengan, duh GUSTI.

²Kula bakal nggatèkké urip sing tanpa tyiri: Mbésuk apa Panjenengan bakal nekani kula? Kula bakal urip karo ati sing resik ing omah kula.

³Kula ora bakal mikir marang perkara sing ala, penggawéané wong murtad kuwi kula sengiti, perkara kuwi ora bakal kelèt marang kula.

⁴Ati sing goroh bakal adoh sangka kula, kula ora bakal gelem kenal karo sing ala.

⁵Wong sing rerasanan ngèlèk-èlèkké marang sak pepadané, kuwi bakal kula entèkké, wong sing gemunggung lan ngegul-ngegulké atiné, kuwi kula ora seneng.

⁶Mripat kula mandeng marang wong sing pada setia ing negara, supaya pada manggon nunggal karo kula. Wong sing tanpa tyiri mlakuné, kuwi bakal ngladèni kula.

⁷Wong sing mlaku lityik ora bakal manggon ing omah kula, sapa sing goroh ora bakal tetep ing ngarep kula.

⁸Saben ésuk kula bakal numpes kabèh wong duraka, ing negara; kabèh wong sing mlaku ala, bakal kula entèkké sangka kutané GUSTI.