Read Caribbean Javanese Masmur 108 Bible Online

Masmur 108 - Caribbean Javanese bible

Masmur 108

¹Kidung. Masmuré Daved.

²Ati kula wis mantep, duh Gusti Allah, kula bakal ngidung, kula bakal ngidungké masmur. Tangia, hé! nyawaku.

³Hé harep lan siter pada tangia! ésuk wétan arep tak gugah.

⁴Kula arep ngluhurké Panjenengan ing sak tengahé para bangsa, duh GUSTI lan arep ngidungké masmur kanggo Panjenengan ing kumpulané para taleré bangsa;

⁵awit kawelasan Panjenengan kuwi gedéné ngungkuli langit, lan kasetian Panjenengan nganti sundul mendung.

⁶Duh Gusti Allah, Panjenengan supaya ngluhurké Panjenengan piyambak nganti ngungkuli langit, lan kamulyan Panjenengan supaya ngungkuli bumi kabèh.

⁷Supaya para katrésnan-Mu pada bisa utyul; supaya Panjenengan ngekèki keslametan karo tangan tengen-Mu, lan nyauri marang kula.

⁸Gusti Allah wis ngetokké tembung ing griya sutyiné: “Aku arep surak-surak; negara Sikem bakal Tak dum-dum, legokan Sukot arep Tak ukur,

⁹Giléad kuwi duwèk-Ku, Manasé kuwi duwèk-Ku, Efraim kuwi kudungé sirah-Ku, Yéhuda kuwi tekené kraton-Ku,

¹⁰Moab kuwi panggonan kanggo wisuh-Ku, Edom Tak untyali kasut-Ku, lan awit sangka tanah Filistèn Aku surak-surak.”

¹¹Sapa sing bakal nuntun aku mlebu ing kuta sing kuwat? Sapa sing nuntun aku menyang tanah Edom?

¹²Duh Gusti Allah, apa duduk Panjenengan piyambak sing wis nampik kita, lan ora metu bareng karo bala kita, duh Gusti Allah?

¹³Panjenengan supaya ngekèki pitulungan nglawan mungsuh, awit pitulungané manungsa kuwi tanpa guna.

¹⁴Awit sangka Gusti Allah, kita bakal pada nindakké penggawéan-penggawéan sing gagah lan gedé, lan Gusti Allah piyambak bakal ngiles-ngiles para mungsuh kita.