Read Caribbean Javanese Masmur 11 Bible Online

Masmur 11 - Caribbean Javanese bible

Masmur 11

¹Kanggo juru penyanyi. Masmuré Daved. Aku ndelik marang GUSTI, kepriyé kowé pada wani omong marang aku: “Mabura menyang gunung kaya manuk!”

²Awit delengen, wong duraka pada mentèng gendéwa, panahé dipasang ing taliné gendéwa, arep dityulké marang wong sing jujur atiné ing panggonan sing peteng.

³Yèn dasaré pada dibubrahi, wong bener kuwi bisa nindakké apa?

⁴GUSTI ing kratoné sing sutyi; GUSTI damparé ing swarga; mripaté ngewasi, kedèpé mripaté mriksa anak-anaké manungsa.

⁵GUSTI njajal wong bener lan wong duraka, lan geting marang wong duraka, sing seneng nandangi panganiaya.

⁶Wong duraka pada diudani areng mengangah lan lirang; angin sing nggosongké ngebaki tuwungé.

⁷Awit GUSTI kuwi adil; seneng marang keadilan: wong sing jujur atiné bakal nyawang praupan-Né.