Read Caribbean Javanese Masmur 111 Bible Online

Masmur 111 - Caribbean Javanese bible

Masmur 111

¹Haléluya! GUSTI arep tak puji karo sak kabèhé atiku, ing kumpulané para wong bener lan ing pasamuan.

²Penggawéané GUSTI kuwi gedé, apik ditliti karo kabèh wong sing nyenengi.

³Penggawéané kuwi gedé lan mulya, lan keadilané tetep ing sak lawas-lawasé.

⁴Mujijaté Gusti wis didadèkké pengéling-éling; GUSTI kuwi gedé katrésnané lan welasan.

⁵Para wong sing ngabekti marang Panjenengané kuwi pada dikèki pangan, perjanjiané diélingi ing selawasé.

⁶Kekuwatan lan penggawéan-Né wis dikabarké marang umaté, pada dikèki tanah pandumané para bangsa.

⁷Penggawéané tangan-Né kuwi bener lan keadilan, kabèh préntahé Gusti kuwi pada kena dipertyaya,

⁸kuwat sak terusé lan ing sak lawas-lawasé, ditindakké karo bener lan jujur.

⁹Umaté Gusti dikèki keslametan, Gusti Allah mréntah supaya perjanjiané kuwi kanggo ing sak lawas-lawasé, asmané kuwi sutyi lan ngidap-idapi.

¹⁰Ngabekti marang GUSTI kuwi wiwitané kawityaksanan, sak rupané wong sing nglakoni kuwi pada nduwé pikiran padang. Pamuji marang Gusti Allah kuwi langgeng tekan selawasé.