Read Caribbean Javanese Masmur 112 Bible Online

Masmur 112 - Caribbean Javanese bible

Masmur 112

¹Haléluya! Rahayu wong sing ngajèni GUSTI, sing banget nyenengi marang kabèh pepakon-Né,

²anak putuné bakal kuwat ing bumi, turunané wong bener bakal diberkahi,

³omahé kanggonan banda lan kasugihan, lan kabetyikané tetep ing sak lawas-lawasé.

⁴Ing sak njeruhné pepeteng wong sing bener mletèkké pepadang, trésna welasan lan adil.

⁵Beja wong sing kanggonan welas lan nyilihké, sing ngrampungké urusané karo sak mestiné,

⁶awit ora bakal gonjing tekan selawasé, wong sing bener kuwi bakal diélingi selawasé,

⁷ora wedi marang kabar sing ala, atiné tatak, pertyaya banget marang GUSTI,

⁸atiné kuwat, ora kanggonan wedi, nganti nganggep rèmèh marang para mungsuhé.

⁹Lubèr pawèhé, marang wong mlarat, kesutyiané tetep ing sak lawas-lawasé, sunguné bakal mundak duwur ing sak njeruhné kamulyan.

¹⁰Wong duraka pada weruh, terus lara atiné, nggeget untuné terus lemes; kepénginané wong duraka kuwi tumuju ing karusakan.