Read Caribbean Javanese Masmur 114 Bible Online

Masmur 114 - Caribbean Javanese bible

Masmur 114

¹Waktu Israèl budal sangka negara Egipte, waktu turunané Yakub metu sangka tengahé bangsa sing béda tembungé,

²terus Yéhuda dadi panggonan griya sutyi-Né, Israèl dadi panggonané pangwasa-Né.

³Segara weruh terus mlayu, laut Yordan bali menduwur,

⁴gunung-gunung pada mentyolot-mentyolot kaya wedus lanang, puntuk-puntuk pada jingklak-jingklak kaya tyempé.

⁵Hé segara, kenèng apa kowé kok mlayu? Hé laut Yordan, kowé bali menduwur,

⁶hé gunung-gunung, kowé pada pentyolotan kaya wedus lanang? Hé puntuk-puntuk, kowé pada jingklak-jingklak kaya tyempé?

⁷Gemetera hé bumi, ing ngarepé Gusti, ing ngarepé Gusti Allahé Yakub,

⁸sing ngowahi watu dadi blumbang, lan watu sing atos dadi sumber.