Read Caribbean Javanese Masmur 12 Bible Online

Masmur 12 - Caribbean Javanese bible

Masmur 12

¹Kanggo juru penyanyi. Miturut nyanyian: Sing kaping wolu. Masmuré Daved.

²Duh GUSTI supaya gelem ngekèki pitulungan, awit wis ora ana wong bener, wong setia wis entèk sangka antarané anak-anaké manungsa.

³Rembukané pada apus-apusan, omongané nganggo lambé lamis, nganggo ati rangkep.

⁴Supaya Gusti numpes kabèh lambé lamis lan ilat sing umuk-umukan,

⁵ya kuwi sing pada ngomong mengkéné: “Karo ilat kita, kita pada menang! Lambé kita sing ngréwangi kita! Sapa sing mréntah kita?”

⁶Jalaran wong sing ringkih pada ditindes, lan awit sangka sambaté para wong mlarat Aku saiki tangi, mengkono tembungé GUSTI, lan mitulungi wong sing banget enggoné ngarep-arep marang pitulungan.

⁷Tembungé GUSTI kuwi pitutur-pitutur sing murni, kaya slaka sing diobong, diresiki dibalèni kaping pitu ing pawon obongan lemah.

⁸Duh GUSTI, Panjenengan bakal netepi, kula tansah bakal Panjenengan ayomi, Panjenengan owalké sangka golongan turunan kuwi.

⁹Para wong duraka pada mblayu mbrana-mbréné, Ing waktu pikiran ala njedul ing sak tengahé anak-anaké manungsa.