Read Caribbean Javanese Masmur 126 Bible Online

Masmur 126 - Caribbean Javanese bible

Masmur 126

¹Kidung jiyarah. Ing waktuné GUSTI mulihké kahanané Sion, kita kaya wong ngimpi.

²Ing waktu kuwi tutuk kita pada kebak ngguyu, lan ilat kita kebak surak-surak. Ing waktu kuwi ing antarané para bangsa ana tembung: “GUSTI wis nindakké perkara sing gedé marang para wong iki!”

³GUSTI wis nindakké perkara sing gedé marang kita, mulané kita pada bungah.

⁴Duh GUSTI, Panjenengan supaya mulihké kahanané kita, kaya pulihé kali asat ing negara Negeb!

⁵Wong sing pada nyebar wiji karo mbrèbès mili, bakal panèn karo surak-surak.

⁶Wong sing mlaku maju karo nangis nyambi nyebar wiji, mulihé mesti karo surak-surak karo ngusung panènané.